Општина Неготино
Се чистат уличните канали за атмосферски води во Тремник PDF Печати

   Општина Неготино во моментов спроведува активност за чистење на улични канали за одводнување на атмосферски води во населено место Тремник. Со овие активности предвидено е да се опфатат каналите од сите улици во ова населено место со вкупна должина од 2500 метри, а со самото тоа да се елиминираат можностите од излевање на водите при евентуални обилни врнежи од дожд и нанасување штети на месното население и нивниот имот.

Повеќе...
 
Увид во работите за тампонирање на локалниот пат Пепелиште-Криволак PDF Печати

   Заедно со стручните лица од општинската администрација,градоначалникот на општина Неготино Тони Делков  денеска изврши увид во работите кои се однесуваат на санирањето, односно тампонирањето на локалниот пат Пепелиште-Криволак кој во овој период е доста експлоатиран поради привременото затворање на сообраќајот по Пепелишкиот мост на кој веќе извесен период се изведуваат градежни работи. Според зборовите на градоначалникот Делков, проектот за тампонирање на 3,5 километри од патот Пепелиште-Криволак се  спроведува во координација и соработка со Јавното претпријатие за државни патишта со поставување на гребен асфалт и со обезбедена механизација од страна на општина Неготино. Работите се одвиваат во континуитет и во зависност од количините гребен асфалт кои се на располагање, а ќе траат се до целосното тампонирање на овој патен правец. Целта е да се обезбедат соодветни услови за непречено и безбедно одвивање на сообраќајот и движење на пешаците

Повеќе...
 
Увид во тековни активности на 2 улици во Неготино PDF Печати

   Градоначалникот на општина Неготино Тони Делков, стручни лица од општинската администрација и директорката на локалното комунално претпријатие Марина Бојаџиева денеска извршија увид во уште едни активности кои тековно се одвиваат во овој период. Имено, беа посетени и на лице место се следеа градежните работи на улиците „Браќа Миладинови“ и „8-ми Ноември“ на кои се вршат работи за поставување на атмосферска канализација. Посетата беше искористена да се поразговара со жителите кои што живеат на споменатите улици, како тие би биле најизворно информирани за тековните активности околу изградбата на канализацијата која е веќе во финална фаза.

Повеќе...
 
Средба со родители на деца во групи во други просторни услови во с.Тремник PDF Печати

   Градоначалникот на општина Неготино Тони Делков, директорката на детската градинка "Фемо Кулаков" Јана Коцева, директорот на ООУ "Гоце Делчев"Петар Мантев, вработените во оваа група и дел од општинската администрација, остварија средба со родители во новоадаптираните просторни услови од училиштето во с.Тремник каде што наскоро се планира децата од предучилишна возраст да бидат вклучени во целодневен престој. Во изминатиот период општината со сретства од буџетот ја изврши просторната адаптација (занимална и мини кујна со посебен влез) и ги обезбеди потребните апарти и садови за да може да се излезе во пресрет на оваа потреба. Наскоро се очекува ресорното Министерство за труд и социјална политика да изврши увид, по што ќе отпочне и функционирање на групата согласно барањата и потребите. Присутните на средбата беа информирани дека покрај оваа инвестиција за с.Тремник обезбедени се и дополнителни 13.000,000 денари за реконструкција на улица од влезот во селото во должина од 1000 метри.Овие сретства се обезбедени преку Агенцијата за финансиска поддршка на земјоделието и руралниот развој.

Повеќе...
 
Неготинските пожарникари спречија еколошка катастрофа PDF Печати
  Благодарение на брзата и навремена интервенција на пожарникарите од ТППЕ-Неготино, припадниците на Полициската станица Неготино, вработените во општинската администрација и на бензиската пумпа на Макпетрол, како и помошта од локалното население, вчера во попладневните часови спречено е случување на еколошка катастрофа на подрачјето на општина Неготино. Имено, во 17,10 часот до надлежните е пријавено дека во близина на нашиот град се превртела цистерна полна со нафтени деривати, конкретно со 30 тони нафта. 20 минути подоцна, во 17,30 часот погоре споменатите стручни екипи се веќе на терен при што најпрво е поставена церада и со пумпа нафтата која се заканувала да истече е собрана и префрлена во друга цистерна. Со тоа е спречено истекување на 30 тони нафта и случување на еколошка катастрофа.
Повеќе...
 
Работна посета и средби со жителите на Вешје PDF Печати

  Градоначалникот на општина Неготино Тони Делков заедно со општинската администрација оствари посета и изврши увид на лице место во Пчелниот парк во с.Вешје. Пред членови од Здружението „Неготински мед“ и други заинтересирани лица од ова населено место,  присутните без информирани дека општина Неготино веќе ги врши подготвителните активности за под-проектот „Вински апи и еко туризам во Неготино и околината“ за кој што општина Неготино има потпишано договор и за кој се обезбедени средства во износ од околу 16.500,000 денари од доверителските фондови на ЕУ и општина Неготино. Дел од средствата на овој проект ќе се искористат токму во с.Вешје каде што наскоро отпочнува и партерно уредување на Пчелниот парк, а ќе се изврши комплетна реконструкција и адаптација на Старата школска зграда во нов современ едукативно - туристички т.н Апи центар за развој на пчеларство. Со оглед на тоа што главен проблем за пристигнување до селото претставувува и локалниот пат, присутните жители со кои беа остварени средби беа информирани дека на делови од патот, иако се работи за нови градби кои се градени претходно,  сепак патот е во лоша состојба и мора да претрпи санација. Исто така, жителите беа запознати  дека се обезбедени и средства преку Агенцијата за финансиска поддршка на земјоделието и руралниот развој за изградба на нова делница од околу 800 нови метри , а се верува  дека реално ќе бидат обезбедени и средства за нови околу 500метри .

Повеќе...
 
<< Почеток < Пред 1 2 3 4 5 6 7 8 9 10 Следно > Крај >>

Лист 1 од 189