Општина Неготино
ФИНИШИРА АСфАЛТИРАЊЕТО НА ЦЕНТАРОТ ВО ТИМЈАНИК PDF Печати

   Градежната оператива на фирмата ,, Стојменов ,, од Кочани финишира со активностите во делот на асфалтирањето на централното подрачје во Тимјаник. Вкупната вредност на овој проект изнесува 10.000.000 денари- средства обезбедени од Буџетот на општина Неготино, а со градежните работи е опфатена вкупна површина од 4.300 метри квадратни, при што се уредува центарот и одделни краци кои се спојуваат со истиот, како и уредување на главната улица која минува низ населбата. Во првата фаза од работите на терен беше активна фирмата ,, Алфа-инжинеринг ,, која ги изведе работите околу оформувањето на централното подрачје, поставување на контурите на улиците, поставување на бетонски рабници и тротоари, за што од општинскиот буџет се издвоија средства во висина од 4.000.000 денари. Во втората фаза, фирмата ,, Стојменов ,, од Кочани го врши асфалтирањето на овој простор- централното подрачје на населбата, за што од Буџетот на општината Неготино се реализираат средства во висина од 6 милиони денари. Според зборовите на одговорните, веднаш по завршувањето на асфалтерските работи, ќе се пристапи и кон хортикултурно уредување на центарпот со засадување на дрвја, посадување на трева и поставување на придружни елементи за одмор и релаксација на локалното население.

Повеќе...
 
АСФАЛТИРАНА УЛИЦА ВО ТИМЈАНИК ВО ДОЛЖИНА ОД 220 МЕТРИ PDF Печати

  Во рамките на реализацијата на годишната Програма за работа на локалната самоуправа, а со средства обезбедени од Буџетот на општина Неготино во висина од  1.700.000 денари, се изврши комплетна реконструкција и асфалтирање на уште една многу значајна улица во населбата Тимјаник. Станува збор за улица која се спојува со централното подрачје на населбата, кое исто така е во завршна фаза на уредување, за која стручните служби од областа на урбанизмот имаа оценето дека треба да добие приоритет при асфалтирањето. Според зборовите на градоначалникот на општина Неготино Пане Трајков кој на лице место го следеше изведувањето на работите од страна на градежната фрима ,, Стојменов ,, од Кочани, асфалтираната улца е со должина од 220 метри, односно со асфалтерските работи комплетно е уредена површина од 1.100 метри квадратни, со паралелно поставување на бетонски рабници. Месното население кое живее во станбените објекти долж улицата не го криеше задоволството што после долги години и тие ќе можат да се движат по современо асфалтирана улица, а газењето кал за нив веќе е само непријатно минато.

Повеќе...
 
НЕГОТИНКАТА ПЕПИЦА СТОЈКОВА ЌЕ ЈА ПРЕТСТАВУВА МАКЕДОНИЈА НА ИЗБОРОТ ЗА МИС НА СВЕТОТ ЗА ЛИЦА СО ОШТЕТЕН СЛУХ И ГОВОР PDF Печати

   Градоначалникот на општина Неготино Пане Трајков организираше прием за неготинката Пепица Стојкова ( 21 година ) која ќе биде претставник на Република Македонија на престојниот избор на Мис на светот за лица со оштетен слух и говор. Ова престижно натпреварување на кое ќе учествуваат девојки на возраст од 17 до 28 години од целиот свет секоја година се одржува во Прага – Република Чешка, а Македонскиот национален сојуз на глуви и наглуви лица континуирано поднесува апликации за учество и девојки од земјава ја претставуваат државата на изборот на Мис на светот. Според зборовите на Славица Тотова- секретар на Здружението за подрачјето на Тиквешијата, изборот во Чешка започнува на 1-ви и ќе трае до 10-ти јули, оваа година. Сите присутни на средбата и посакаа среќа и успех на Пепица на престојниот настап, а членовите на семејството Стојкови упатија јавна благодарност до градоначалникот Трајков за доделената скромна финансиска помош како поддршка за учеството на Пепица на изборот на Мис на светот, средства кои како што самата истакна, ги употребила за набавка на неколку парчиња гардероба со цел за што е можно подостојно претставување на Неготино и на Република Македонија на ова натпреварување.

Повеќе...
 
НЕГОТИНО СО СЕРТИФИКАТ ЗА УЧЕСТВО ВО ПРОГРАМАТА ,, ФОРУМИ ВО ЗАЕДНИЦИТЕ ,, PDF Печати
   На пригодна свеченост одржана во хотелот ,, Холидеј Ин ,, во Скопје, од страна на организаторите на градоначалникот на општина Неготино Пане Трајков му беше врачен сертификат за учество  на локалната самоуправа во програмата ,, Форуми во заедниците ,,. Станува збор за програма која има за цел да го поддржи процесот на децентрализација во Република Македонија и да им овозможи на граѓаните да учествуваат во развојот на локалните заедници, преку давање сопствени идеи и учество да придонесат за подобрување на сопственото секојдневие, а администрацијата се стекнува со можност да развива локално управување преку учество, одговорност и доверба. Вториот циклус од третата фаза на програмата ,, Форуми во заедницата ,, ќе се реализира во 2012/2013 година со вклучување на 24 општини, меѓу кои и локална самоуправа Неготино. Вкупниот буџет изнесува 85.875.000 денари од кои 41.700.000 се учество на општините, а 44.175.000 се донација од Швајцарската агенција за развој и соработка. Проектот што се спроведува во општина Неготино изнесува 4,8 милиони денари со подеднакво финансиско учество на локалната самоуправа и донаторот.
Повеќе...
 
ГРАДОНАЧАЛНИКОТ ТРАЈКОВ ГИ ПРИМИ ДРЖАВНИТЕ ШАМПИОНИ ВО ШАХ PDF Печати

  Одличен успех на младите шахисти на ГШК ,, Неготино ,, на неодамна одржаното државно првенство  во шах. Во женска конкуренција на возраст до 12 години Ана Петрова го освои првото место и стана државен шампион, а истиот успех со освојувањето на првото место го оствари и Тони Лазов во машка конкуренција на возраст до 12 години. Со овие извонредни постигнувања, двајцата се стекнаа со право да учествуваат на Светското првенство во шах кое од 9 до 17 ноември, оваа година, ќе се одржи во Марибор-Словенија. Солиден успех постигна и Димитар Аврамов кој на Државното првенство во шах во машка конкуренција на возраст до 16 години беше третопласиран. Успесите на младите шахисти беа повод градоначалникот на општина Неготино Пане Трајков да организира прием за нив, нивниот ментор велемајсторот Трајче Недев и родителите кој го искористи да се запознае со нивните резултати и да им честита на остварените постигнувањата. Притоа, градоначалникот Трајков истакна дека во рамките на расположливите финансиски можности, локалната самоуправа ќе го помогне нивното заминување на Светското шаховско првенство, од каде што исто така се очекуваат пријатни вести за нови големи успеси на младите неготински шахисти, иако и самиот настап на едно Светско првенство е успех за кој сонуваат сите спортисти.

Повеќе...
 
СЕ ОДРЖА ПРВАТА СЕСИЈА ОД ,, ФОРУМОТ НА ЗАЕДНИЦИТЕ ,, PDF Печати

   Со одржувањето на првата форумска сесија, започнаа конкретните активности од проектот Форуми на заедницата што заеднички го спроведуваат општина Неготино и невладината организација Алка која е имплементатор на Швајцарската агенција за развој. Стотина заинтересирани граѓани зедоа активно учество на почетокот од процесот на одлучување за тоа што е приоритет за реализација со средствата од проектот. Колку за потсетување, локалната самоуправа и невладината Алка имаат подеднакво учество од по 2,4 милиони денари, а конечниот збор околу утврдувањето на приоритетот ќе го имаат самите граѓани на општина Неготино. Општината излезе со три прелог-проекти за реализација – реконструкција на градскиот плоштад во Неготино, изградба на канализациона мрежа во населените места во општината и управување со сметот во руралните средини. Основна цел на проектот е преку искажани мислења и дадени предлози и сугестии од страна на учесниците на форумските сесии да се утврди кој проект е најцелисходно да се реализира, а конечниот збор за тоа да го имаат самите граѓани низ една крајно демократска процедура. Планирано е одржување на пет форумски сесии, утврдување на приоритетот за реализација,а конкретните активности на терен планирано е да завршат до септември, наредната година.

Повеќе...
 
<< Почеток < Пред 171 172 173 174 175 176 177 178 179 180 Следно > Крај >>

Лист 172 од 198