Општина Неготино
ПРЕДАДЕН ВО УПОТРЕБА ПАТОТ ОД НЕГОТИНО ДО ТИМЈАНИК PDF Печати
  Директорката на Агенцијата за државни патишта Наташа Валкановска и градоначалникот на општина Неготино Пане Трајков со симболичниот чин на сечење на лента во употреба го предадоа комплетно реконструираниот патен правец од Неготино до Тимјаник – проект реализиран во рамките на наспорите за подобрување на патната инфраструктура на подрачјето на општината. Потребните средства во висина од околу 5 милиони денари се обезбедија од Агенцијата за државни патишта и од општинскиот буџет.  
Повеќе...
 
СТАВЕНА ВО ФУНКЦИЈА ФЕКАЛНАТА МРЕЖА ВО с.ВОЈШАНЦИ – СЕ ГРАДИ НОВА ВО с.ТРЕМНИК PDF Печати

  Претседателот на Владата на РМ Никола Груевски и градоначалникот на општина Неготино Пане Трајков во присуство на месното население и други гости на симболичен начин во функција ја ставија новоизградената фекална мрежа во селото Војшанци. Целокупната вредност на изведените работи изнесуваше близу 7 милиони денари кои беа обезбедени од Министерството за животна средина и од Буџетот на општина Неготино, а по завршувањето на овој проект покрај со водоводната, во Војшанци целосно е решено и прашањето со фекалната мрежа.

Повеќе...
 
СВЕЧЕНА СЕДНИЦА НА СОВЕТОТ НА ОПШТИНА НЕГОТИНО PDF Печати
   По повод Денот на ослободувањето на нашиот град 8-ми Ноември, во кино – салата на Центарот за култура, се одржа свечена седница на Советот на општина Неготино на која присуствуваа претставници на извршната власт на РМ, вршители на јавни функции во општинските институции, поранешни претседатели на општинското Собрание и градоначалници на Општината, преживеани борци од НОБ, членови на семејствата на паднати и починати борци, како и на загинати бранители за Македонија, како и други гости од земјава и странство. Седницата ја отвори и ја водеше претседателот на Советот – Сашо Николов, а пригодно обраќање пред присутните во чест на празникот имаше градоначалникот на општина Неготино Пане Трајков.
Повеќе...
 
ДОДЕЛЕНИ НАГРАДАТА И ПРИЗНАНИЈАТА ,, 8-МИ НОЕМВРИ ,, PDF Печати
   Врз основа на општинскиот Статут и Одлуката за востановување општински награди и признанија, а по предходно донесена одлука од советниците во Советот на општина Неготино, на свечената седница претседателот на Советот Сашо Николов ги прогласи, а градоначалникот Пане Трајков на годинашниве добитници им ги додели наградата и признанијата ,, 8-ми Ноември ,, што секоја година се доделуваат по повод општинскиот празник. Годинашен добитник на највисоката општинска награда ,, 8-ми Ноември ,, е Трговското друштво ,, ЈАДРАН ГОТТИНО ФООДС – Тодор Неготино, а наградата ја прими и во име на останатите добитници на признанија се заблагодари сопственикот и менаџер на компанијата Тодор Кулаков.
Повеќе...
 
ПРОМОВИРАНА КНИГАТА ,, АНТИГОНА – НЕГОТИНО ,, PDF Печати

   Во присуство на голем број љубители на пишаниот збор, во кино –салата на Центарот за култура во нашиот град, се одржа промоција на книгата ,, Антигона – Неготино ,, од авторот Ангелина Маркус – професор по филозофија во пензија и позната по проучувањето на разни културни настани поврзани со Македонија. ,, Со многу внимание и љубов ги барав невидливите конци на македонските градови изврзани во јазол. Ја будиме свеста и сознанието за сите битки на славните Македонци, какви што се и денеска во Неготино и светот, го бараме минатото во сегашноста ,, - истакна во своето обраќање професорката Маркус.

Повеќе...
 
,, МУЛТИМЕДИЈАЛНА КУЛТУРНА ВЕЧЕР – НЕГОТИНО 2010г. ,, PDF Печати

     Дојдоа. Настапија. Одушевија. Вака накратко може да се опише настапот на членовите на Ансамблот за народни игри и песни на Македонија ,, Танец ,, кој шест децении е подвижен музеј на она најубавото, исконското и непроценливо македонско фолклорно богатство кое претставува историја и идентитет на Македонецот. Дел од она со кое Ансамблот во своето 60 – годишно постоење го има презентирано на одржаните над 3.500 концерти и кое имале можност да го видат над 8 милиони посетители во светот, беше презентирано и пред граѓаните на општина Неготино во рамките на одржувањето на веќе традиционалната  Мултимедијална културна вечер – Неготино 2010 г. која во пресрет и во чест на верскиот празник Мала Богородица и Неготинскиот панаѓур се реализираше на градскиот плоштад во нашиот град.

Повеќе...
 
<< Почеток < Пред 171 172 173 174 175 176 177 178 179 180 Следно > Крај >>

Лист 180 од 189