ЈАВНИ НАБАВКИ

Отворено со Вас

Пријави проблем

Проектот за локална и регионална конкурентност (ПЛРК)

Службен гласник

Моја - општина

Skopjediem

Beeconomy

Кодекс за административни службеници

Кодекс за административни службеници
Општина Неготино
СТАРТ НА ВТОРАТА ФАЗА ЗА РЕКОНСТРУКЦИЈА НА ПАТОТ ТИМЈАНИК – Д.ДИСАН PDF Печати
   По започнувањето на реконструкцијата на првите 3 километри на еден од најфреквентните патни правци во општината од Тимјаник до Д.Дисан, на пригодна свеченост директорот на Агенцијата за државни патишта Љупчо Георгиевски и градоначалникот на општина Неготино Ванчо Апостолов го означија стартот на работите од втората фаза за реконструкција на уште 1, 5 километар од овој патен правец. Инвеститор на реконструкцијата на првите 3 килеметри е Агенцијата за државни патишта со средства во висина од 27.000.000 денари обезбедени од Европската банка за обнова и развој, додека останатите 1,5 километар до Д.Дисан ќе се уредуваат со средства од Агенцијата за финансиска поддршка во земјоделството и руралниот развој со средства од 14.750.000 денари од кои 10.492.000 ги обезбеди Агенцијата, а општина Неготино учествува со 4.258.000 денари. Градоначалникот Апостолов информираше дека според проектот предвидено е тампонирање, проширување на коловозот од 4,5 на 5,5 метри и потоа асвалтирање на целиот патен правец во должина од 4,5 километри. Директорот Георгиевски информираше дека со средства од Агенцијата на ова подрачје се реконструира и патниот правец Курија-Паликура во должина од 3 километри.
Повеќе...
 
НЕДЕЛА НА ВИНОТО - Св. Трифун 2014 (12 - 15 февруари) PDF Печати
 
ОТВОРЕНА ИЗЛОЖБА ,, БАЛКАНСКИТЕ ВОЈНИ ВО МАКЕДОНИЈА ,, PDF Печати
   Во присуство на голем број посетители во Музејот на град Неготино е отворена изложба на тема Балканските војни во Македонија на авторите проф. д-р Александар Трајановски и проф. д-р Зоран Тодоровски-директор на Државниот архив на Република Македонија. На изложбата, според зборовите на авторите, на вкупно 20 паноа се прикажани документи и фотографии кои се резултат на повеќегодишните истражувања во бугарските архиви и по Куманово, Неготино е вториот град во земјава каде што овие  документи  за прв пат се објавуваат. На дел од фотографиите се прикажани борбени дејствија за времетраењето на првата и втората Балканска војна, фотографии со бегалци, но и документи во кои се наведени имиња на доброволци од Неготино. Изложбата за отворена ја прогласи градоначалникот на општина Неготино Ванчо Апостолов кој упати јавна благодарност до авторите за вложените напори изложбата да биде достапна и за неготинската јавност, а посетителите на поблизок начин да можат да се запознаат со нескршливиот дух и силната верба на македонскиот народ за создавање на слободна Македонија. Еден од настаните од тој период е Тиквешкото востание од 1913 година кое во Неготино го водело месното население помогнато од четите на ВМРО против тогашната српска власт на ова подрачје.
Повеќе...
 
СООПШТЕНИЕ PDF Печати
Се известуваат сите заинтересирани граѓани  дека градоначалникот на општина Неготино Ванчо Апостолов наместо еден како досега, почнувајќи од 01 февруари до 30 јуни оваа година, ќе организира по два отворени денови за прием на граѓаните во текот на неделата. Тоа значи дека освен во четврток,  како што беше досегашната пракса, градоначалникот Апостолов ќе врши прием на граѓани и секој вторник. Граѓаните кои се со намера да остварат средба со градоначалникот, треба благовремено да се најават во пријавницата на влезот во зградата на општина Неготино.
 
КОЛЕ СИМЈОНОВ ПО ПЕТТИ ПАТ НАЈБРЗ ДО СВЕТИОТ КРСТ PDF Печати
   Илјадници граѓани од општина Неготино присуствуваа на одбележувањето на верскиот празник Богојавление- Водици во Македонската православна црква Свети Атанасиј и на чинот на фрлањето и фаќањето на крстот во осветените води на реката Вардар на традиционалната локација Пепелишкиот мост. Десеттина храбри момчиња влегоа во водите на Вардар со надеж дека токму еден од нив ќе биде среќникот кој ќе го фати светиот крст. Оваа година најбрз и највешт беше Коле Симјонов од неготинското село Црвени Брегови на кој, како што изјави, ова му беше осми пат како учествува на овој настан, а по петти пат прв стигнува и го фаќа светиот крст. Градоначалникот на општина Неготино Ванчо Апостолов од име на локалната самоуправа на Симјонов му честиташе на успехот и му подари телевизор, а на сите граѓани на општината им упати најубави желби по повод празниците.
Повеќе...
 
ГРАДОНАЧАЛНИКОТ АПОСТОЛОВ ВО РАБОТНА ПОСЕТА НА ЈП ,, КОМУНАЛЕЦ ,, PDF Печати
  ,, Долгорочното решавање на проблемот со водоснабдувањето е најголем приоритет на локалната самоуправа која во координација и соработка со комунално претпријатие реализира активности на повеќе полиња за остварување на зацртаната цел ,, - истакна градоначалникот на општина Неготино Ванчо Апостолов при работната посета на ЈП Комуналец која меѓу другото ја искористи и  за запознавање со тековните активности во претпријатието од страна на директорката Наташа Лазова. Двајцата соговорници констатираа дека во овој период од годината водоснабдувањето е стабилизирано, а како резултат на тоа дневните редукции или ги нема или пак се многу ретки, што според зборовите на директорката Лазова е поздравено и од страна на крајните потрошувачи –граѓаните. Во моментов од регионалниот водовод Лукар дотекуваат околу 70 литри вода во секунда, а очекувањата се дека по отстранувањето на дефектите на 16 најголеми улици во градот, 80 литри вода во секунда ќе бидат сосема доволни за нормално водоснабдување. Градоначалникот Апостолов информираше дека со поддршка на Владата на РМ, Германската КФВ банка, Светската банка и со средства од буџетот на општината се реализирааат и ќе се спроведат повеќе паралелни проекти со чие завршување се очекува да се постигне крајната цел-граѓаните на Неготино да имаат континуирано и непрекинато 24 часовно водоснабдување.
Повеќе...
 
<< Почеток < Пред 181 182 183 184 185 186 187 188 189 190 Следно > Крај >>

Лист 187 од 244