ЈАВНИ НАБАВКИ

Отворено со Вас

Пријави проблем

Проектот за локална и регионална конкурентност (ПЛРК)

Службен гласник

Моја - општина

Skopjediem

Beeconomy

Општина Неготино
УЧЕСНИЦИТЕ НА ,, ВАРДАРСКАТА РЕГАТА,, ВО НЕГОТИНО PDF Print
There are no translations available.

   Гемијата и 9 чамци со 70-мина гемиџии учесници во Врадарската регата која годинава се одржа по 12-ти пат кои тргнаа од Велес и за крајна цел имаа пристигнување во Гевгелија по логорувањето кај Криволак престојуваа и во Неготино. Тие беа пречекани од претставници на локалната самоуправа предводени од градоначалникот Пане Трајков кој на учесниците им посака мирно пловење и безбедно пристигнување на целта, а имаше и заинтересирани граѓани кои со одушевување го поздравија пристигнувањето на гемијата. Инаку, и оваа Вардарска регата имаше за цел да ја оживее традицијата, но и да потсети на големото дело на групата главно велешани кои под мотото ,, Се арчиме за Македонија ,, ги изведоа Солунските атентати за да го привлечат вниманието на светската јавност за состојбата во која тогаш се наоѓал македонскиот народ.

Read more...
 
ОПШТИНАТА ЌЕ ОТУЃУВА И ЌЕ ДАВА ПОД ЗАКУП ГРАДЕЖНО ЗЕМЈИШТЕ PDF Print
There are no translations available.

   Четворица вработени во локалната администрација – Зоран Лазов – секретар на општина Неготино, Снежана Цветкова – раководител на одделението за урбанизам, Лилјана Нечева – советник во истото одделение и Александар Јованов – раководител на одделението за општи и правни работи го положија испитот спроведен од Министерството за транспорт и врски и се стекнаа со овластувања за  спроведување на постапки за отуѓување и давање под закуп на градежно земјиште сопственост на Република Македонија со што е исполнет еден од условите содржани во член 89 од Законот за градежно земјиште чија примена стартува на почетокот од месец јули, оваа година. Покрај споменатиот услов, за да може општина Неготино да ги врши работите за располагање со градежното земјиште во сопственост на државата, треба да усвои едногодишна програма за работа во оваа област, да формира Комисија за спроведување постапки за јавно наддавање и да воспостави електронски систем за јавно наддавање за што од страна на ЗЕЛС веќе е изработен унифициран софтвер и истиот ќе биде ставен на располагање на сите општини во Република Македонија.
 
АКЦИЈА ЗА ДОБРОВОЛНО ДАРУВАЊЕ НА КРВ PDF Print
There are no translations available.

     Во организација на Македонскиот полициски синдикат при Полициската станица во Неготино, а по повод 10-годишнината од загинувањето на нашиот сограѓанин – бранителот Коста Волкановски кој животот го загуби во воените дејства во 2001 година на Попова Шапка, во просториите на неготинската полиција се спроведе акција за доброволно дарување на крв. Над 40 припадници на Министерството за внатрешни работи се вклучија во акцијата давајќи сопствен придонес за нејзиното успешно спроведување и даруваа крв која во овие летни месеци е повеќе од потребна за надлежните институции. Меѓу другите, својата хуманост ја изрази и по 5-ти пат крв даруваше и градоначалникот на општина Неготино Пане Трајков кој ја искористи приликата да се задржи во краток разговор со припадниците на безбедносните сили. Претседателот на Полицискиот синдикат- Неготино Диме Михаилов истакна дека се планира оваа крводарителска акција да стане традиционална и да се реализира и во годините што доаѓаат.

 

 

 

Read more...
 
АСФАЛТИРАНИ СЕДУМ УЛИЦИ ВО НЕГОТИНО PDF Print
There are no translations available.

    Во рамките на спроведувањето на годишната програма за уредување на градежното земјиште на подрачјето на општина Неготино работници на градежна фирма од Кочани извршија асфалтирање на две исклучително оштетени улици во градот -  Киро Крстев  и 8-ми Ноември  за кои стручните служби оценија дека е потребна итна интервенција. На улицата Киро Крстев  се изврши асфалтирање на вкупна површина од 2.600 метри квадратни или на 450 метри должни за што од Буџетот на општината беа издвоени средства во висина од 1.300.000 денари, додека на улицата  8-ми Ноември е асфалтирана вкупна површина од 2.150 метри квадратни или 350 метри должни со цена на чинење од 1.000.000 денари.

Read more...
 
ПРЕДАДЕН ВО УПОТРЕБА РЕКОНСТРУИРАН ЦЕНТАР ВО КРИВОЛАК PDF Print
There are no translations available.

   На пригодна свеченост што се одржа во Криволак во употреба беше предадено новоизграденото и уредено централно подрачје во селото. Како што истакна во своето обраќање градоначалникот на општина Пане Трајков проектот ,, Градежно и урбанистичко уредување на централното подрачје во Криволак ,, е реализиран согласно Програмата за уредување на градежното земјиште на општината за што од локалниот Буџет беа издвоени средства во висина од 3,5 милиони денари. Во тие рамки, извршено е уредување на просторот, асфалтирана е улицата и извршено е поплочување на слободниот простор, поставени се тротоари, како и 16 канделабри кои ќе го осветлуваат просторот. Градоначалникот Трајков изрази уверување дека овој простор ќе стане место каде што жителите на Криволак ќе поминуваат дел од сопственото слободно време, а реализацијата на проектот ќе придонесе и за зголемување на безбедноста на сите учесници во сообраќајот.

Read more...
 
СЕ ГРАДИ НОВ ГРАДСКИ – ЗАБАВЕН ПАРК PDF Print
There are no translations available.

   Општина Неготино продолжи со континуирано спроведување проекти преку чија реализација на младите генерации им се создаваат услови за нивен правилен психофизички развој преку создавање услови за спортување и рекреирање и отргнување од опасностите кои демнеат од присуството на мноогубројните пороци на денешнината. Така, на просторот помеѓу ул. Фемо Кулаков и Марксова беше поставен камен темелник и започнаа работите за изградба на нов забавен парк во нашиот град. Вредноста на проектот изнесува 2 милиони денари кои се обезбедени од Буџетот на општина Неготино, а работоте ќе ги изведува Градба-промет. Според зборовите на градоначалникот Пане Трајков, во состав на градскиот рекреативен парк ќе има игралиште за кошарка, игралиште за мали деца и песочник, поставување на урбана опрема, клупи за седење и канти за отпадоци, пешачки патеки со бехатон коцки, како и засадување на површини со трева, садници од липа и див костен.

Read more...
 
<< Start < Prev 181 182 183 184 185 186 187 188 189 190 Next > End >>

Page 190 of 205