ЈАВНИ НАБАВКИ

Отворено со Вас

Пријави проблем

Проектот за локална и регионална конкурентност (ПЛРК)

Службен гласник

Моја - општина

Skopjediem

Beeconomy

Општина Неготино
ГРАДСКАТА КАПЕЛА РЕЧИСИ ГОТОВА PDF Print
There are no translations available.

 Финишираат градежните работи на Градската капела во Неготино, а работниците на изведувачот Пер-инженеринг паралелно се ангажирани во изведувањето на завршните работи  на надворешноста и внатрешноста на овој објект. Во меѓувреме беше распишан јавен тендер и се избра најповолниот понудувач кој има за задача да ја опреми внатрешноста на капелата со неопходните елементи потребни за нејзино непречено функционирање. Инаку, станува збор за објект со димензии 20 на 20 метри должни, односно капелата зафаќа површина од 400 метри квадратни, а во нејзин склоп има влезен трем, сала за излагање, просторија за подготовка, соба за одржување, за најблиските и свештените лица, како и друг простор. Одговорните во стручните служби на локалната самоуправа велат дека за комплетната изградба и опремувањето на капелата ќе бидат потрошени средства во висина од 10 милиони денари кои се комплетно обезбедени од Буџетот на општина Неготино. Се очекува, доколку се тече според предвиденото, градската капела да биде предадена во употреба во втората половина од месец мај.
 
ЈАВНА ПРЕЗЕНТАЦИЈА НА ЗАКОНОТ ЗА ДИВОГРАДБИ PDF Print
There are no translations available.

   Официјално стартуваше примената на Законот за постапување со бесправно изградените објекти со што е создадена законска можност за отпочнување на процесот на легализација на дивоградбите. За таа цел, во Неготино се одржа јавна презентација на која министерот за транспорт и врски при Владата на РМ Миле Јанакиески изврши претставување на најважните делови од овој закон, истакнувајќи дека барањата за легализација ќе може да се поднесуваат до септември, а сопствениците на индивидуални дивоградби за да добијат легитимен статус за објектот, ќе треба до општината да достават три документи и да платат по едно евро за квадрат.

Read more...
 
ПАТРОНЕН ПРАЗНИК НА ООУ ,, СТРАШО ПИНЏУР ,, PDF Print
There are no translations available.

   Во присуство на сегашни и поранешни вработени во оваа образовна установа, претставници на локалната самоуправа предводени од градоначалникот Пане Трајков и други гости, со низа пригодни активности беше одбележан патрониот празник на Основното општинско училиште ,, Страшо Пинџур ,, од Неготино. Претставници на училиштето, на локалната самоуправа и на боречката организација положија свежо цвеќе и се поклонија пред бистата на патронот, а потоа за присутните беше организирана богата културно уметничка програма. Во пригодното обраќање, директорката на училиштето Весна Јованова говореше за постигањата во изминатиот едногодишен период помеѓу двата празника , како и за напорите што одговорните ги прават за осовременување на образовниот процес и создавање подобри услови и за наставниците и за учениците при одвивањето на наставата. Одбележувањето на патрониот празник беше искористено на поранешни вработени во училиштето кои се пензионирале да им бидат врачени пригодни подароци, а наедно признанија добија и ученици кои освоиле награди и кои достојно го претставувале своето училиште на  домашни и меѓународни натпреварувања и манифестации.

 

 

Read more...
 
АСФАЛТИРАНА ГЛАВНАТА УЛИЦА ВО ПЕПЕЛИШТЕ PDF Print
There are no translations available.

  Согласно Програмата за уредување на градежното земјиште на подрачјето на општина Неготино и со средства од општинскиот Буџет се изврши тампонирање и асфалтирање на главната и најпрометна улица во с. Пепеплиште во должина од 780 метри. На овој градежен зафат му предходеше изведување на земјените работи и тампонирање на споменатата улица – активности кои ги изведе градежната оператива на Градба промет со нивна вкупна вредност на чинење од 2.345.000 денари, при што е извршено вградување на околу 800 м3 дробеник, а паралелно изработени се и банкини во должина од 1.500 метри.

Read more...
 
Анкетен лист за мапирање на бизнис сектор PDF Print
There are no translations available.

   Општина Неготино, во рамките на проектот ,, Мапирање на потенцијални засегнати страни за развој на Вардарски плански регион”, започна со реализирање на активностите предвидени со горенаведениот проект. Проектот опфаќа мапирање на сите потенцијални засегнати страни на територијата на општина Неготино: мапирање на бизнис сектор(институции за подршка на бизнис сектор и приватни/деловни ентитети), мапирање на јавен сектор (политички сегмент, јавни институции/претпријатија, државна/општинска администрација и други релевантни институции вклучувајќи ги и медиумите), и мапирање на граѓански сектор. Истовремено, Ве известуваме дека собраните податоци ќе бидат ставени во функционална веб база на податоци која ќе биде во функција на дневните потреби на развојните регионални центри и општина Неготино. Во функција на собирање на релевантни податоци, во прилог доставуваме Контактен прашалник. Ве молиме истиот,  уредно пополнет да го доставите до општина Неготино или на E-mail: This e-mail address is being protected from spambots. You need JavaScript enabled to view it .
Ви благодариме за соработката.
Анкетен лист
 
ОПШТИНА НЕГОТИНО НА 7-мо МЕСТО ПО ТРАНСПАРЕНТНОСТ ВО МАКЕДОНИЈА PDF Print
There are no translations available.

   Во организација на ФОРУМ – Центарот за стратегиски истражувања и документација, со поддршка на Програма спроведувана од Центарот за институционален развој и поддржана од Швајцарската агенција за развој, во изминатиот период беше извршено истражување на транспарентноста на единиците на локалната самоуправа во Република Македонија. Според критериумите застапени при истражувањето, а според утврдениот степен на транспарентност, локалната самоуправа Неготино се наоѓа на високото 7 – мо место во цела држава од вкупно 84 локални самоуправи.Според организаторите и спроведувачите на анкетата, целта на истражувањето била да се направи анализа на состојбите со транспарентноста и отчетноста на локалните самоуправи, да се изготват препораки за зголемување на нивната транспарентност и да се унапреди соработката со граѓанското општетство – клучни области во развојот на децентрализирана Македонија.
 
<< Start < Prev 191 192 193 194 195 196 197 198 199 200 Next > End >>

Page 191 of 202