Општина Неготино
Во Локалната библиотека „ Страшо Пинџур “ изложба на капитални книжевни дела PDF Печати
   Во рамките на реализацијата на традиционалната манифестација Топол културен бран 2014, за неготинската и пошироката јавност во Локалната библиотека „ Страшо Пинџур “ – Неготино во деновите од 27-ми до 31-ви август ќе бидат изложени капитални дела од колекцијата „Sвезди на светската книжевност“. Како што информираше директорката Катарина Данаилова, станува збор за колекција која претставува една од најзначајните цивилизациски придобивки, со што пак македонскиот духовен простор се збогатува со врвните остварувања од светската книжевна ризница. Се покануваат сите заинтересирани граѓани да ја посетат изложбата и на најдиректен начин да се запознаат со изложените дела кои се составен дел од колекцијата.
 
Ревија на современи македонски филмови PDF Печати

   Во рамките на втората фаза на манифестацијата “Топол културен бран 2014”, во организација на Општина Неготино и Министерството за култура на РМ, од 25 до 29 август во Центарот за култура “Ацо Ѓорчев” ќе се одржи Ревија на македонски современи филмови:
1.    Ова не е американски филм, 25 август (понеделник)
2.    Трето полувреме, 26 август (вторник)
3.    Панкот не е мртов, 27 август (среда)
4.    Балканот не е мртов, 28 август (четврток)
5.    Војната заврши, 29 август (петок)
Сите проекции започлнуваат во 20.00 часот во Центарот за култура “Ацо Ѓорчев”.

Повеќе...
 
Прашалник за население PDF Печати

Почитувани,
Со цел да се оцени мислењето на населението на општината, за состојбите и насоките за развој на општината, консултантскиот тим од Економскиот Институт Скопје, Ви  доставува краток прашалник од 10 прашања кој може да го пополните на следниот линк (врска):

Неготино

https://www.surveymonkey.com/s/Q6GNKLR
 
Прашалникот е дел од процесот на истражување и претставува основа за Стратегијата за Локален економски развој (ЛЕР) за општина (Велес, Кавадарци, Неготино, Росоман, Демир Капија, Градско, Лозово).
Ви гарантираме дека сите информации се доверливи и дека ова Истражување има исклучиво истражувачка цел и никаква комерцијална или друга намена.
Ве молиме да го пополните анкетниот прашалник најдоцна до 27 Август 2014 година.
 
Со почит
Проф Д-р Билјана Ангелова, Тим лидер за изработка на Стратегиите за ЛЕР
Директор
Економски институт - Скопје

 
Заврши ноќниот турнир во улична кошарка – Неготино 2014 г. PDF Печати
  На традиционалниот ноќен турнир во улична кошарка „ Street ball-2014 „ кој под покровителство на градоначалникот на општина Неготино Ванчо Апостолов се одржа на импровизираниот кошаркарски терен на градскиот плоштад во Неготино, првото место го освои тимот на “ Софра- Велјанов “ за кој настапија Ристе Стојков, Влатко Цеков, Милан Николов и Игор Шарац. Покрај медалјите и дипломите, секој играч од победничкиот тим доби ваучер од 2.500 денари.Тимот од Квадарци го освои второто место и поединечни ваучери од по 1.500 денари, а третопласирана беше екипата на МВ Воислав чии играчи добија ваучери од по 750 денари. Во конкуренција на јуниори под 18 години првото место го освои тимот на Три багреми, второпласиран беше тимот Кит-Кет, а третото место го освои екипата на Спид килс. Во женска конкуренција првото место и припадна на екипата на Спид баунд, додека второпласиран беше тимот на Пиунчиња. Организацијата на турнирот помина во најдобар ред, а градоначалникот Апостолов во своето обраќање упати јавна честитка до најуспешните и до сите учесници, а наедно ги врачи и ваучерите, медалите и дипломите на најдобропласираните екипи.
Повеќе...
 
Ликовна изложба на академскиот сликар Драган Хаџи Николов - Аџи PDF Печати
  Во рамките на втората фаза од манифестацијата “Топол културен бран 2014” организирана и финансирана  од Општина Неготино и Министерството за култура, во петок 22 август во 20 часот во изложбениот простор на Музејот на град Неготино ќе биде отворена изложбата “Етно приказни” на акдемскиот сликар Драган Хаџи Николов - Аџи од Гевгелија. Ќе бидат изложени 30-тина дела масло на платно создавани неколку години од страна на авторот, при што во делата на Хаџи-Николов доминира мртвата природа со етномотиви, предмети кои во минатото имале употреблива вредност, а сега претставуваат артефакти. Инаку досега, авторот има остварено триесеттина самостојни изложби во земјава и странство, а учествувал и на повеќе групни изложби и колонии.
Во рамките на манифестацијата “Топол културен бран 2014” во месец август ќе бидат реализирани уште три културни настани со кои ќе биде заокружено овогодинешното издание:
- од 25 до 29 август, во кино салата на НУЦК “Ацо Ѓорчев” љубителите на филмот од нашата општина ќе имаат можност да проследат Ревија на пет македонски играни филмови;
- на 27 август, со почеток од 12 часот во градската библиотека во Неготино ќе биде отворена изложбата “Ѕвезди на светската книжевност“ проследена со петско читање и литературен перформанс;
- на 31 август, со почеток од 20.30 часот на градскиот плоштад, ќе се одржи Ликовен хепенинг во организација на галерија АРТ-М од Неготино.
Инаку претходно, во рамките на првата фаза од манифестацијата, љубителите на театарот од Неготино имаа можност да ја проследат урнебесната комедија “Жена ми се вика Борис” во изведба на театарот од Демир Капија.

Повеќе...
 
Започна турнирот во улична кошарка “Street Ball 2014” PDF Печати
   Како дел од програмата за спорт на Општина Неготино, синоќа на градскиот плоштад започна седмото издание на турнирот во улична кошарка “Street Ball 2014”. За учество на турнирот се пријавени вкупно 20 екипи од Неготино и регионот. Истите ќе разигруваат во четири конкуренци и тоа една женска и три машки конкуренции – сениори (над 18 години) и јуниори (од 14 до 18 години) и конкуренција под за играчи под 14 години. Во сениорска конкуренција се пријавени 8 екипи кои ќе разигруваат во 2 групи по четири екипи, а најдобрите две екипи во секоја група ќе се сретнат во полуфиналето. Во јуниорска конкуренција се пријавени 6 екипи кои во единствена група ќе разигруваат по бод систем, додека во конкуренцијата до 14 години се пријавени 4, а во женска конкуренција 2 екипи. Исто така турниот ќе биде збогатен и со натпревар во шутирање тројки, со цел истиот да добие на атрактивност и да понуди повеќе забава за гледачите.
Турнирот кој ќе трае 3 дена (од 19 до 21 август), синоќа за отворен го прогласи градоначалникот на општина Неготино г-нот Ванчо Апостолов, кој е воедно и покровител на оваа спортска манифестација.
За најдобрите екипи и поединци на турнирот општина Неготино обезбеди богат награден фонд кој изнесува над 40.000 денари.
Натпреварите на турнирот во деновите додека трае истиот, започнуваат во 18.00 часот.
Повеќе...
 
<< Почеток < Пред 191 192 193 194 195 196 197 198 199 200 Следно > Крај >>

Лист 191 од 258