ЈАВНИ НАБАВКИ

Отворено со Вас

Пријави проблем

Проектот за локална и регионална конкурентност (ПЛРК)

Службен гласник

Моја - општина

Skopjediem

Beeconomy

Кодекс за административни службеници

Кодекс за административни службеници
Општина Неготино
ПРЕТСТАВНИЦИ ОД ,, ПОРАКА ,, НА ПРИЕМ КАЈ ГРАДОНАЧАЛНИКОТ АПОСТОЛОВ PDF Печати
   Дел од лицата кои престојуваат во дневниот центар за лица со хендикеп Порака од Неготино, а кои беа учесници на турнирот за ученици со посебни потреби ,, Кежо -2014 ,, што се одржа во Штип заедно со нивните ментори беа примени од страна на градоначалникот на општина Неготино Ванчо Апостолов при што го информираа за текот на спортските натпревари и остварените резултати.  Благодарение на секојдневните тренинзи што овие лица ги реализираат на спортските терени во склоп на дневниот центар, неготинската женска екипа на Порака го освои првото место на турнирот во кошарка за што добија и пехар од организаторот, додека одлични резултати беа постигнати и во дисциплините фудбал и пинг-понг. Градоначалникот Апостолов позитивно се произнесе на предлогот следното вакво натпреварување да се одржи во нашиот град и истакна дека  и тој и локалната самоуправа ќе ја дадат неопходната поддршка турнирот да помине во најдобар ред.
Повеќе...
 
АСВАЛТИРАНИ УЛИЦИТЕ ,, ЈНА ,, И ,, 12 ВАТАШКИ ДРУГАРИ ,, PDF Печати
   Работници на ГП Гранит за експресно краток временски период извршија асвалтирање на две улици во градот за кои стручните служби оценија дека е неопходна интервенција. Притоа, комплетно беа реконструирани улиците ,, ЈНА ,, во должина од 65 метри и улицата ,, 12 Ваташки другари ,, во должина од 60 метри за што од Буџетот на општина Неготино беа издвоени средства во висина од 1.500.000 денари. Во текот на изведувањето на работите се изврши ископ на стариот асвалт, поставување на тампон и нов асвалт, а беа поставени и решетки за одвод на атмосферските води. Градоначалникот на општина Неготино Ванчо Апостолов изрази задоволство од ефикасно и квалитетно извршената работа на овие дев улици и најави континуитет на овие активности во делот на асвалтирањето улици во Неготино и во населените места.
Повеќе...
 
ПАРТЕРНО СЕ УРЕДУВА ЦЕНТАРОТ ВО ДОЛНИ ДИСАН PDF Печати
   Работници на ГП Урбан инвест веќе извесен период се присутни на терен и работно се ангажирани околу градежните активности за партерно уредување на централното подрачје во Долни Дисан. Досега е извршено поставувањето на бекатон коцки, се работи на поставувањето на жардинериите, ќе се постави урбана опрема и  клупи за седење,скали, целиот простор ќе биде хортикултурно уреден со што ќе се оствари зацртаната цел- да се долови  еден урбанизиран ефект во овој дел од селото. Задоволството од изведувањето на работите не го кријат ниту локалните жители кои го поздравуваат реализирањето на проектот со кој ќе добијат пријатно катче за одмор и релаксација. Инаку, проектот се спроведува преку Програмата на Агенцијата за финансиска поддршка во земјоделието и руралниот развој и мерката за обнова и развој на селата во делот на инвестиции за изградба и реконструкција на плоштади, зелени површини или шеталишта во руралните средини. Вкупниот буџет изнесува 7.700.000 денари од кои 6.500.000 се обезбедени од Агенцијата, а останатите 1.200.000 денари се обезбедени од Буџетот на општина Неготино.
Повеќе...
 
КОМПЛЕТНО РЕКОНСТРУИРАН ПАТОТ ТИМЈАНИК – Д.ДИСАН PDF Печати
   За рекордно краток временски период заврши комплетната реконструкција која финишираше со асвалтирање на еден од најфреквентните, но и најоштетени патни правци на подрачјето на општина Неготино, од Тимјаник до Долни Дисан во должина од околу 4,5 километри. Сега жителите на овие две населени места, сопствениците кое овде имаа земјоделски површини, како и сите патници на располагање имаат нов, модерен, современ и асвалтиран патен правец за чија реконструкција на првите 3 километри се  погржија работници на ГП Гранит, а останатиот 1,5 километар од патот го работеше ГП Пер-инженеринг. Инвеститор на реконструкцијата на првите 3 километри беше Агенцијата за државни патишта со средства во висина од 440.000 евра, додека вториот дел од патот во должина од 1,5 километар се уреди со средства од 220.000 евра обезбедени од Агенцијата за финансиска поддршка во земјоделството и руралниот развој, со одредено финансиско учество и на општина Неготино.
Повеќе...
 
ПРОТИВПОЖАРНО ВОЗИЛО ЗА ППЕ - НЕГОТИНО PDF Печати
   Врз основа на соработката што локалната самоуправа Неготино ја воспостави со невладината организација ,, Операција флоријан ,, од  Англија која е специјализирана за противпожарна и спасувачка служба, за потребите на Територијалната противпожарна единица од нашиот град е обезбедено функционално противпожарно возило, со што возниот парк се зголеми на 4 вакви возила кои во секој момент се подготвени за интервенција. На чинот на примопредавањето присуствуваше  градоначалникот на општина Неготино Ванчо Апостолов кој ја искористи можноста да го запознае возилото и неговите карактеристики, а наедно присуствуваше и ја следеше и обуката што специјално обучени стручни лица од Англија ја изведуваа за доусовршување на неготинските пожарникари.
Повеќе...
 
ЈАВЕН ОГЛАС PDF Печати

 Врз основа на Оперативниот план за активни програми и мерки за вработување за 2014 година,предвидени во Програмата за работа на Владата на Република Mакедонија 2011-2015 година за активната програма,Општокорисна работа,Општина Неготино во соработка со Агенцијата за вработување на Република Македонија на ден 14.05.2014 година,објавува
                                               ЈАВЕН ОГЛАС
                                                       до
Невработени евидентирани лица кои потешко се вклучуваат на пазарот на трудот
1.    Се повикуваат невработените евидентирани лица кои потешко се вклучуваат на пазарот на труд и од другите ранливи категории,кои се заинтересирани за ангажирање во сферата на социјалната заштита за потребите на граѓаните од Неготино, да се пријават во работниот клуб на Центарот за вработување на АВРМ – Неготино во периодот од 14.05-21.05.2014 година( 5 работни дена).
2.    Ангажирањето во сферата на социјалната заштита е на определено скратено работно време во период од 6 месеци за што ќе се исплаќаат по 6000 ,00 ден. за лице месечно за 20 работни часа неделно, со вклучени персонален данок и осигурување од повреда на работно место.
3.    Заинтересираните невработени лица од точка 1 на овој Јавен оглас, може да се пријават за вршење на работи и работните задачи за 7 работни места како Асистент – помошник на воспитувачот( во игрални за деца од предучилишна возраст во населенитеместа: Тимјаник, Долни Дисан, Војшанци, Тремник, Пепелиште, Криволак,Црвени Брегови)

Повеќе...
 
<< Почеток < Пред 191 192 193 194 195 196 197 198 199 200 Следно > Крај >>

Лист 194 од 255