ЈАВНИ НАБАВКИ

Отворено со Вас

Пријави проблем

Проектот за локална и регионална конкурентност (ПЛРК)

Службен гласник

Моја - општина

Skopjediem

Beeconomy

Кодекс за административни службеници

Кодекс за административни службеници
Општина Неготино
ОПШТИНА НЕГОТИНО ЌЕ ДОБИЕ НОВО ПРОТИВПОЖАРНО ВОЗИЛО PDF Печати
   Следејќи го примерот на над 25 општини од Република Македонија кои на овој начин за потребите на Противпожарните единици обезбедија нови возила, Советот на општина Неготино го усвои Меморандумот за разбирање со претставникот на Операција Флоријан според кој на општина Неготино ќе и биде донирано противпожарно возило целосно опремено со неопходната опрема, како и опрема за спасување при сообраќајни несреќи. Исто така, за по 6 пожарникари од противпожарната и спасувачката служба од ППЕ-Неготино ќе бидат обезбедени еднонеделни обуки, а паралелно тимот на оценувачи составен од стручни лица ќе го ревидира и ќе го следи напредокот на договорениот акционен план, со единствена цел за потврдување на листата со сет мерки кои ќе се преземат за да се обезбеди континуиран развој на активностите на заедницата на општина Неготино и противпожарната испасувачката служба. Со новото возило ќе дојде до збогатување на возниот парк на ППЕ-Неготино и ќе се создадат услови за уште побрзо интервенирање при евентуално случување на пожари и ќе се зголеми ефикасноста при нивното гасење. Инаку, одлуката на Советот беше поддржана од 10 советници, додека советниците од редовите на опозицискиот СДСМ гласаа против донесувањето на истата.
Повеќе...
 
ВО ТИМЈАНИК ОТВОРЕН ДНЕВЕН ЦЕНТАР ЗА СТАРИ ЛИЦА PDF Печати
   Пензионерите од Тимјаник, но и останатите повозрасни  жители на ова село, од денеска на располагање имаат пријатно катче каде  можат во одмор и релаксација да поминуваат дел од слободното време. Имено, во функција е ставен и веќе започна да функционира Дневниот центар за стари лица во Тимјаник кој се простира на површина од над 150 метри квадратни и располага со 5 простории, санитарии и помошни простории –простор кој се смета дека е доволен да ги задоволи потребите на пензионерите и возрасните лица од Тимјаник. За потребите од непречено функционирање на овој дневен центар за стари лица ангажирани се 2 стручни лица кои во рамките на извршувањето на работните обврски ќе им излегуваат во пресрет на барањата на лицата кои ќе престојуваат во овој Дневен центар.
Повеќе...
 
ЗАПОЧНА АСВАЛТИРАЊЕТО НА ПАТНИОТ ПРАВЕЦ ТИМЈАНИК – ДОЛНИ ДИСАН PDF Печати
   Работници на Градежното претпријатие Гранит од денеска започнаа со изведување на асвалтерските работи на патниот правиц од Тимјаник – Долни Дисан – проект финансиран со средства од Агенцијата за државни патишта, Агенцијата за финансиска поддршка во земјоделството и руралниот развој и од Буџетот на општина Неготино. Станува збор за асвалтирање на еден од најфреквентните и најоштетени патишта на ова подрачје во должина од над 4,5 километри, од кои првите 3 километри се реконструираат со средства во висина од 27.000.000 денари од Агенцијата за државни патишта обезбедени од Европската банка за обнова и развој, додека останатите над 1,5 километар се уредуваат со средства од Агенцијата за финансиска поддршка на земјоделството и руралниот развој од 10.492.000 денари, додека општина Неготино од сопствениот Буџет партиципира со средства во висина од 4.258.000 денари. Според проектот, извршено е тампонирање и проширување на коловозот од 4,5 на 5,5 метри, поставени се бетонски рабници, а како што веќе рековме, од денеска започна асвалтирањето на овој патен правец. Од службата за информирање при општина Неготино ги запознаваат граѓаните дека асвалтерските работи ќе траат до крајот на оваа работна недела при што во времето до 16 часот сообраќајот на овој патен правец нема да се одвива, а наедно и апелираат до возачите кои ќе се упатуваат до и од Долни Дисан по овој пат на внимателност при управувањето со возилата, бидејќи долж целиот пат е присутна механизацијата на Гранит.
Повеќе...
 
ДОДЕЛЕН 100-ТИОТ ВАУЧЕР ЗА НОВОРЕНО ДЕТЕ PDF Печати
   На пригодна свеченост што се одржа во големата сала на општината, градоначалникот на општина Неготино Ванчо Апостолов го додели јубилејниот 100-ти ваучер за новородено дете во рамките на третото доделување  на овој вид еднократна помош кое започна од месец септември. Имено, денеска градоначалникот Апостолов додели вкупно 37 ваучери на родители кои во изминатите два месеца-јануари и февруари имале принова во семејството, со што, со предходно доделените за месеците септември и октомври и ноември и декември, се стигна до бројка од 100 доделени ваучери за стимулирање на наталитетот на подрачјето на општина Неготино. Градоначалникот истакна дека се остваруваат предвидувањата базирани на статистички податоци дека годишно во неготинска општина се раѓаат околу 200 бебиња, за што од општинскиот Буџет ќе бидат издвоени средства во висина од околу 1,5 милион денари. Апостолов на сите присутни им ги честиташе приновите во семејство, а тие, задоволни од добиените ваучери, изразија јавна благодарност за поддршката што ја добија од градоначалникот и општина Неготино.
Повеќе...
 
ОДБЕЛЕЖАН ПРАЗНИКОТ ,, СВЕТИ ТРИФУН ,, PDF Печати
   Во рамките на одбележувањето на традиционалната стопанско-туристичка и културна манифестација ,, Недела на виното ,, која општина Неготино традиционално ја организира во чест на верскиот празник Свети Трифун, на 14-ти февруари на градскиот плоштад во присуство на неколку илјади граѓани се одржа централната прослава која беше збогатена со културно-уметничка и музичка програма. Православните христијани го прославија празникот со желби за добро здравје и расположение и богат и квалитетн род на лозовите насади. Свечениот чин на закројување на виновата лоза го извршија Вицепремиерот и Министер за финансии Зоран Ставрески и Градоначалникот на општина Неготино Ванчо Апостолов, а по предходно дадениот божји благослов од страна на свештениците од Македонската православна црква ,, Свети Атанасиј,, од Неготино. Честитајќи им го празникот, Вицепремиерот Ставрески ги информираше лозарите дека заклучно со денот на празнувањето, Владата на РМ во целост ги исплатила субвенциите за производителите на грозје, при што на сметките на лозарите од општина Неготино биле префрлени вкупно 105.000.000 денари. Богат и квалитетен род на лозарите и производство на квалитетни вина на винариите во своето обраќање им посака градоначалникот на општина Неготино Ванчо Апостолов кој изрази надеж дека и оваа, но и наредните години, бербата и откупот на грозјето ќе поминат во најдобар ред и во релаксирана атмосвера. На 15-тина штандови кои беа поставени на плоштадот, во соработка со бизнис-секторот и винариите, за сите посетители беа обезбедени вино и локални специјалитети од храна, а сето тоа беше пропратено со богата културно-уметничка програма.
Повеќе...
 
ФОРУМ НА ТЕМА ,, РУРАЛНИОТ ВИНСКИ ТУРИЗАМ-МОЖНОСТИ И ПРЕДИЗВИЦИ ,, PDF Печати
   Општина Неготино располага и нуди солидна основа за развивање на алтернативни форми на туризам , особено во делот на винскиот туризам, од причина што располага со неопходните, за тоа, објекти, организира голем број на културни и стопанско-туристчки манифестации, а има и богато културно-историско наследство- истакна во своето обраќање градоначалникот на општина Неготино Ванчо Апостолов на отворањето на форумот што локалната самоуправа го организираше на тема ,, Руралниот вински туризам-можности и предизвици што се одржа во големата сала на општината. Меѓу другото, градоначалникот Апостолов во делот на потребата за надминување на одредени состојби на овој план, го потенцираше недостигот од туристички пакети кои ќе донесат туристи, како и недостигот од едуцирани водичи и туристички и маркетинг менаџери.
Повеќе...
 
<< Почеток < Пред 191 192 193 194 195 196 197 198 199 200 Следно > Крај >>

Лист 197 од 255