ЈАВНИ НАБАВКИ

Отворено со Вас

Пријави проблем

Проектот за локална и регионална конкурентност (ПЛРК)

Службен гласник

Моја - општина

Skopjediem

Beeconomy

Кодекс за административни службеници

Кодекс за административни службеници
Општина Неготино
ОПШТИНА НЕГОТИНО ПРОДАВА АТРАКТИВНИ ГРАДЕЖНИ ПАРЦЕЛИ PDF Печати
   Општина Неготино објави продажба, односно отуѓување на градежно земјиште по пат на електронско јавно наддавање  соспственост на РМ вон населено место за стопански комплекс на катастарска парцела 1.000 со намена за лесна индустрија и стоваришта и тоа вкупно 7 атрактивни парцели со почетна цена од 61 денар за метар кавдратен. Исто така, се продаваат и 3 градежни парцели во Урбан блок 5.1 во Неготино наменети за изградба на објекти за индивидуално домување со почетна цена од 373 денари за метар кавдратен, како и две градежни парцели во детален урбанистички план во Неготино за индивидуално домување со почетна цена од 61 денар за метар квадратен. Општината објави и продажба на една градежна парцела за домување во станбени згради и тоа една парцела со почетна цена од 680 денари за метар квадратен. Пријавите за учество на јавното наддавање можат да се достават до 23.01.2014 година на адреса на општина Неготино, а јавното наддавање ќе се одржи на 27.01.2014  во термините 9, 10, 11 и во 12 часот. Бидејќи станува збор за градежни локации со извонредно атрактивна местоположба во близина на автопатот и железничката пруга, од локалната самоуправа очекуваат голем интерес за нивна продажба.
 
НОВОГОДИШНИ ПАКЕТЧИЊА ЗА РАНЛИВИТЕ ГРУПИ ГРАЃАНИ ОД НЕГОТИНО PDF Печати
   Претставници на локалната самоуправа предводени од градоначалникот на општина Неготино Ванчо Апостолов денеска им доделија новогодишни пакетчиња на лицата од неколку категории ранливи групи на граѓани. Најнапред беа посетени претставниците од Здружението на слепи лица од Неготино, веднаш потоа градоначалникот оствари средба и со самохраните родители кои имаат формирано и функционираат во Здружение, а работниот дел заврши со посета на Дневниот центар за престој на лица со ментален хендикеп Порака- Неготино. Доделувајќи им ги пакетчињата градоначалникот Апостолов на сите им ги честиташе Новогодишните и Божикните празници со искрени желби за добро здравје и многу среќа, а примателите се заблгодарија на вниманието и подароците и за присутните изведоа пригодна програма.
Повеќе...
 
ЕКИПАТА НА РК,,ВАРДАР,,-СКОПЈЕ ПОБЕДНИК НА ТУРНИРОТ ,,НЕГОТИНО-2013,, PDF Печати

   Екипата на Ракометниот клуб Вардар од Скопје во финалниот натпревар го совлада тимот на РК Вардар од Неготино со резултат 20 – 15 и со тоа стана победник на првиот турнир во конуренција на пионери-генерација 1999 година и помлади,, Неготино-2013 ,,  што викендов во организација на локалната самоуправа, Кроација Осигурување и РК Вардар - Неготино се одржа во нашиот град. Во полуфиналните натпревари Вардар од Неготино го совлада ГРК Кавадарци со 16-11, а скопски Вардар дури по изведување на пенали со резултат 16-15 ја победи екипата на Зоми Мак М од Струмица. На овој турнир кој оваа година се одржа за прв пат третопласирана беше екипата на Зоми Мак М која ја совлада екипата на ГРК Кавадарци со резултат 26-23. Натпреварите од турнирот се одржаа во спортската сала на СОУ Кирил и Методиј, а признанијата и наградите на најуспешните им го додели градоначалникот на општина Неготино Ванчо Апостолов.  

Повеќе...
 
ОБЈАВА 03/2013 за отуѓување на градежно земјиште сопственост на Република Македонија по пат на електронско јавно наддавање во општина Неготино PDF Печати
Објава бр.3 Неготино за продажба на градежно земјиште
 
НЕГОТИНО ИЗРАБОТУВА ДОКУМЕНТАЦИЈА ЗА ИНДУСТРИСКАТА ЗОНА ,, МАРЕНСКИ ПОРОИ ,, PDF Печати

   Одговорните во локалната самоуправа подготвија предлог-проект за изработка на техничка документација за Индустриската зона УЗ8-Маренски порои во рамките на апликацијата на Вардарскиот плански регион за потребите на регионалниот развој кој се аплицираше во ГИЗ РЕД и кој беше одобрен од страна на надлежните. Со средствата од проектот се предвидува изработка на техничка документација која ќе содржи проект за инфраструктура, основен проект, елаборат за влијанието на животната средина и ревизија на основниот проект. Се очекува потоа да се пристапи кон инфраструктурно уредување и довршување на оваа многу атрактивна индустриска зона за која постоеше и постои интерес од досегашни и потенцијални инвеститори. Површината на севкупниот опфат третира површина од 16 хектари со расположливи 63 локации за изградба на објекти во правец на развој на стопанството и локалниот економски развој.Поддршката на ГИЗ РЕД за реализацијата на овој регионален проект изнесува 50.000 евра.

Повеќе...
 
ОБЕЗБЕДЕНИ ЦЕВКИ ЗА ОДВЕДУВАЊЕ НА ВОДИТЕ ОД ЦЕНТАРОТ НА Д.ДИСАН-НЕГОТИНО PDF Печати

   По иницијатива и на барање на месното население од селото Долни Дисан, општина Неготино обезбеди и на претставниците на Месната заедница им предаде вкупно 40 цевки Ф-1000 со должина од 1 метар. Според зборовите на градоначалникот на општина Неготино Ванчо Апостолов, намената на овие цевки е одведување на атмосферските и отпадните води кои се собирааат во централното подрачје и на тој начин им создаваат проблеми на жителите, а за нивната набавка од општинскиот Буџет се реализирани средства во висина од 250.000 денари. Инаку, ова на некој начин претставува предходница на она што следува, а тоа е комплетно партерно уредување на централното подрачје во селото Долни Дисан за што општина Неготино веќе ги има обезбедено потребните финансиски средства од 7.500.000 денари.

Повеќе...
 
<< Почеток < Пред 191 192 193 194 195 196 197 198 199 200 Следно > Крај >>

Лист 198 од 252