Општина Неготино
Неготино доби „Куќа на виното“ за семејни винарии од општината PDF Печати
  По „Галеријата на виното“ и „Винската архива“, Неготино доби и „Куќа на виното“ за семејни винарии од општината сместена во просториите на Туристичкиот информативенцентар „Желкова куќа“-објект кој ќе служи за промоција, дегустација и продажба на квалитетните неготински вина. Имено, општина Неготино во соработка со семејните винарии го реализираше проектот „Развој на вински туризам“ преку кој обезбедивме патокази за секоја семејна винарија, изработен е и поставен билборд на автопатот со цел за привлекување потенцијални посетители и обезбеден е простор во „Желковата куќа“ за промоција на производите од семејните винарии. „Куќата на виното“ е со површина од 20м2, опремувањето го реализираа сопствениците на винариите, а истата за посетители ќе биде отворена секој работен ден од 9 до 15ч. На сите претставници на семејни винарии им посакав успешна работа на „Куќата на виното“, квалитетна промоција и продажба на нивните производи и зголемување на бројот на потенцијални туристи во општина Неготино.
 
Повеќе...
 
Неготински средношколци се запознаваа со пчеларството PDF Печати

   20-тина ученици од Средното општинско училиште „Св.Кирил и Методиј“ од Неготино присуствуваа на одржаната обука за пчеларството која се одржа во просториите на модерниот и современ „Апи центар“ лоциран во селото Вешје. Предавач на настанот беше претседателот на Здружението на пчелари „Неготински мед“ Миле Тошев, а неготинските средношколци имаа убава можност практично да се запознаат со тајните на пчеларството, опремата во Апи-центарот, неговото функционирање и слично.

Повеќе...
 
Ќе се спроведе пробен попис на земјоделството во 3 неготински села PDF Печати
    Државниот завод за статистика во периодот од 15 до 30 јуни 2022 година ќе спроведе Пробен попис на земјоделството во избрани населени места по пат на примерок, со тоа што во општина Неготино пописот ќе се спроведе во Долни Дисан, Црвени Брегови и Дуброво. Основната цел на Пробниот попис е да се тестираат методолошките и организациските аспекти на спроведување на главниот попис за земјоделство кој е планиран да се одржи во 2023 година. Методологијата и организацијата на оваа статистичка активност е во согласност со ЕК-регулативата за интегрирани земјоделски статистики и на тој начин ќе се обезбеди продукција на статистички податоци во согласност со европските стандарди. Прибирањето на податоците ќе го направат обучени попишувачи од Државниот завод за статистика со користење таблети во кои е вградена апликација за прибирање податоци. 
 
Формирана комисија за проценка на штетите од невремето од град во општина Неготино PDF Печати
Излегувајќи им во пресрет на барањата на земјоделците, општина Неготино формираше комисија која во периодот до петок 17.06.2022 г. ќе ги прима барањата за отштета од земјоделците кои имаат штети на сопствените насади. Потребна документација за поднесување до комисисјата:
- фотокопија од лична карта за физички лица или тековна состојба за правни лица
- фотокопија од трансакциона сметка
- изјава за веродостојност на податоците
- решение за упис во единствен регистар на земјоделски стопанства
- имотен лист
Барањата за проценка на штетите од невремето од град можат да се поднесуваат секој работен ден до петок 17.06. во салата за состаноци на општина Неготино од 08,00 до 15,00 часот.
 
 
Прием за ученици и ментори од училиштата во општина Неготино PDF Печати
 На мое огромно задоволство, денеска во градоначалничкиот кабинет извршив прием и се задржав во краток разговор со ученици и нивните ментори од сите училишта кои функционираат на територијата на општина Неготино, а кои на разни натпреварувања оствариле резултати за почит и со тоа придонесле за лична и афирмација на своите училишта, како и афирмација на општина Неготино. На учениците кои освоиле први места на државни натпревари  од Буџетот на општина Неготино им беа доделени по 5,000 денари, на второпласираните по 4.000, а за освоено трето место по 3.000 денари, додека нивните ментори добија по 3.000 денари. Учениците на генерацијата во неготинските училишта беа наградени со по 5.000 денари. Им честитав на нивните остварувања и им посакав уште подобри резултати на натпреварувањата во иднина.
 
 
Повеќе...
 
Едукативна работилница во Апи-центарот во Бешје PDF Печати
   Деновиве во современиот и модерно опремен Апи центар лоциран во селото Вешје во организација на Пчеларското здружение „Неготински мед“ се одржа еднодневна едукативна работилница на која присуствуваа и учество зедоа 16 пчелари од општина Неготино. Предавач на настанот беше м-р д-р Јане Марков-претседател на Пчеларската федерација на Македонија кој воедно е и долгогодишен искусен одгледувач на пчели. Дискусијата на работилницата беше на тема „Пролетна манипулација во пчелните семејства за поуспешен медобер“, а истовремено во пчелниот парк беа поставени 2 нуклеуси од високо селектирани матици. 
 
 
Повеќе...
 
<< Почеток < Пред 1 2 3 4 5 6 7 8 9 10 Следно > Крај >>

Лист 3 од 305