ЈАВНИ НАБАВКИ

Отворено со Вас

Пријави проблем

Проектот за локална и регионална конкурентност (ПЛРК)

Службен гласник

Моја - општина

Skopjediem

Beeconomy

Општина Неготино
ЖИТЕЛИТЕ НА ЦРВЕНИ БРЕГОВИ ДОБИЈА ТЕХНОЛОШКА ВОДА PDF Print
There are no translations available.

   Во рамките на реализацијата на проектот за намалување на сиромаштијата во населените места во Македонија, со средства обезбедени од невладина организација на чие чело е Симон Поликарп – Џими, во село Црвени Брегови во употреба беше предаден систем со кој се обезбедува вода за наводнување на дворните површини и површините засадени со земјоделски култури. Популарниот Џими информираше дека за комплетното спроведување на проектот се потрошени средства во висина од 27.000 евра и притоа изрази надеж дека дополнително обезбедените количини вода за наводнување во многу ќе им го олеснат животот на локалните жители, пред се во делот на одгледувањето на земјоделски производи во нивните дворни места и други расположиви површини и нивен пласман на пазарите, со што пак ќе се придонесе за благо подобрување на нивниот стандард. На свеченоста на која присуствуваа голем број жители на селото, благодарност до донаторот со надеж за продолжување на соработката изразија  градоначалникот на општина Неготино Пане Трајков и претседателот на месната заедница Црвени Брегови Душко Дураков.

Read more...
 
ТРЕТО МЕСТО ЗА ГФК,, НЕГОТИНО ,, НА МЕЃУНАРОДЕН ТУРНИР PDF Print
There are no translations available.

   Одличен успех на младите фудбалери на Градскиот фудбалски клуб ,, Неготино ,, на меѓународниот турнир во фудбал што во периодот од 22 до 25 овој месец се одржа на спортските терени ,, Истатов ,, во Струмица. Благодарение на одличните игри кои ги прикажаа во текот на целиот турнир, на крајот неготинските фудбалери сосема заслужено го освоија третото место во исклучително силна конкуренција. Вклучувајќи го и натпреварот за третото место, фудбалерите на ГФК ,, Неготино ,, забележаа три победи, а за тренерот Зоран Недев посебно значајна е победата над екипата на ЦСКА од Софија. Фудбалерите и тренерот беа примени и од градоначалникот на општина Неготино Пане Трајков кој се задржа во краток разговор со нив интересирајќи се за случувањата на самиот турнир, им честита на освоеното одлично трето место и истакна дека како и досега, и во иднина во зависност од расположивите средства, општината ќе ги помага спортот и спортистите од општина Неготино.

 

 

Read more...
 
МЕЃУНАРОДНА СОРАБОТКА - ДЕЛЕГАЦИЈА ОД ОПШТИНА НЕГОТИНО ВО ПОСЕТА НА ОПШТИНА ГРАДИШКА-РЕПУБЛИКА СРПСКА PDF Print
There are no translations available.

   Во терминот од 22 до 24 април 2011 година делегација од општина Неготино во состав: Јованка Камчева – член на Советот на општина Неготино, Александар Јованов – раководител на Одделението за правни и општи работи, Лилјана Нечева – советник во Одделението за урбанизам, комунални дејности и заштита на животната средина и Јане Мелов-возач оствари меѓународна соработка со општина Градишка-Република Српска по повод празникот „ 24 април, Ден на општина Градишка“.При оваа посета покрај учеството на нашата делегација во празнувањата на домаќинот, беа разменети и искуства во поглед на активностите на органите на локалната самоуправа на двете општини.Делегацијата на општина Неготино за време на целиот престој беше придружувана и од Начелникот на општина Градишка г-дин Никола Крагуљ.
 
Проект од програмата Европа за граѓаните 2007-2013г. PDF Print
There are no translations available.

  Мерка збратимени градови

Во рамките на спроведување на програмата Европа за граѓаните, општина Неготино аплицираше, доби и стана носител на проект,, Креирање на мрежа на Европско вино, традиција, култура и експертиза” чија главна цел е остварување на соработка на различни нивоа преку заеднички активности со партнерите и за меѓународна соработка преку воспоставување на мрежа на тим на експерти од винарии, на домашни производители на вино и менаџери од винарии со угостителски објекти, а со цел да се промовираат и шират знаењата и да се поврзат повеќе луѓе од овој сектор.
Покрај општина Неготино која ја има улогата на лидерска организација, во проектот како партнери се вклучени и општините Черномелј-Словенија, Минервино Ди Лече-Италија и Попово-Бугарија.
Read more...
 
ПОТПИШАН ДОГОВОР ЗА КРЕДИТНО ЗАДОЛЖУВАЊЕ НА ,, КОМУНАЛЕЦ ,, PDF Print
There are no translations available.

  Заменик-претседателот на Владата на РМ и Министер за финансии Зоран Ставревски, градоначалникот на општина Неготино Пане Трајков и директорот на ЈП ,, Комуналец ,, Диме Недев го потпишаат договорот за финансирање на реализацијата на Проектот Водовод и канализација – фаза 1. Со истиот на неготинското комунално претпријатие му се одобрени средства во износ од 249.569 евра со рок на отплата од 28 години, грејс период од 10 години и со годишна каматна стапка од 2 отсто.

Read more...
 
УРЕДУВАЊЕ НА ЦЕНТРАЛНИТЕ ПОДРАЧЈА ВО ТИМЈАНИК И КРИВОЛАК PDF Print
There are no translations available.

  Согласно Програмата за уредување на градежното земјиште за општина Неготино за периодот од 2011-та година, локалната самоуправа со сопствени средства започна со уредување на централните подрачја во населените места Тимјаник и Криволак. Во Тимјаник во делот на активностите ќе се изврши изведување на земјени работи и асфалтирање на споменатиот простор, изградба на пешачки патеки, поставување на урбана опрема – клупи и корпи за отпадоци, а централното подрачје ќе биде осветлено со нови канделабри. Овде работите ќе се одвиваат во 3 фази, а за комплетното уредување на центарот ќе се реализираат средства во висина од 3.653.309 денари. Во Тимјаник е планирано асфалтирање и на една од споредните улици во населбата.

Read more...
 
<< Start < Prev 201 202 203 204 205 206 207 208 209 210 Next > End >>

Page 202 of 215