ЈАВНИ НАБАВКИ

Службен гласник

Beeconomy

Влада на Р.Македонија

Моја - општина

Здружение на К.И на Р.М

  www.zki.org.mk

Народен правобранител

Skopjediem

Општина Неготино
Конституиран Советот на општина Неготино-Диме Витанов избран за претседател PDF Печати

   Во големата сала на локалната самоуправа денеска се одржа конститутивната седница на Советот на општина Неготино на која најпрво се изврши верификација на мандатите на новоизбраните членови на општинскиот Совет. По предлог на мнозинството советници, за нов претседател на Советот на општина Неготино со мандат од 4 години беше избран Диме Витанов кој по преземањето на функцијата нагласи дека очекува конструктивна соработка меѓу сите советници без разлика на нивната политичка провиниенција-се во интерес на доброто на граѓаните на општина Неготино. Новиот градоначалник на општина Неготино Тони Делков истакна дека очекува добра и плодна соработка со сите советници и реализација на проекти со кои ќе се подобри квалитетот на секојдневното живеење во неготинска општина. Советниците на првата седница расправаа и за други прашања од делокругот на работата на Советот на општина Неготино.

Повеќе...
 
Деветто издание на турнирот во табла “Неготино опен 2017” PDF Печати
     Во рамките на програмата за одбележување на празникот на градот 8ми Ноември и оваа година Општина Неготино ќе го организира турнирот во табла “Неготино опен 2017”, кој ќе се одржи од 6 до 8 ноември во просторот над обложувалницата “Марбет” во старата градска чаршија. Право на учество имаат сите заинтересирани граѓани од општина Неготино. Наградниот фонд за најдобрите учесници на овој настан изнесува 15.000 денари, односно 8.000 денари за освоено прво место, 5.000 денари за второ и 2.000 денари за освоено трето место. Пријавувањето ќа се врши на e-mail: Оваа е-пошта е заштитена од spambots, треба да вклучите JavaScript за да ја видите , моб.телефон 072/320-842 или директно во кафе-бар ЈОКО и берберница КОКО. Бројот на учесници на турнирот е ограничен на 64, а учеството на истиот е бесплатно. Отварањето на турнирот и одигрувањето на првото коло од истиот се закажани за 6 ноември во 17.00 часот.
Повеќе...
 
Тони Делков ја презеде функцијата градоначалник на општина Неготино PDF Печати

   Со чинот на примопредавањето на функцијата од страна на досегашниот градоначалник Ванчо Апостолов на новоизбраниот градоначалник Тони Делков, од денеска Делков и официјално ја презеде функцијата градоначалник на општина Неготино која ќе ја врши во наредниот 4-годишен мандат. По краткиот разговор, досегашниот градоначалник Апостолов на актуелниот Делков му го честиташе изборот за прв човек на општина Неготино посакувајќи му успех во работењето во наредниот период и реализација на проекти од интерес на граѓаните, а се заблагодари и на соработката со администрацијата, Советот и граѓаните во изминатите 4 години. Новиот градоначалник Делков во изјавата истакна  дека му е чест што ја презема градоначалничката функција која за него значи обврска, а не привилегија, додадавајќи дека ќе вложи максимални напори како градоначалник да се реализираат проектите од програмата со која настапи на изборите, Неготино да се движи напред и да се врати стариот сјај на нашиот град. Градоначалникот Делков потенцираше дека секое дадено ветување пред граѓаните на општина Неготино ќе биде реализирано во наредниот 4 годишен период за времетраењето на неговиот мандат.

Повеќе...
 
Новоизбраниот градоначалник Тони Делков го доби уверението од ОИК PDF Печати

   По одржувањето на локалните избори општина Неготино доби нов градоначалник, Тони Делков, кој ја доби довербата на мнозинството гласачи во наредните 4 години да ја води општината. Делков, кој беше кандидат на СДСМ и коалицијата „За живот во Македонија“ победата ја освои уште по првиот круг од гласањето со освоени 6.455 добиени гласови или 51,44 отсто од излезените 12.107 гласачи од вкупно запишаните 16.084 избирачи во единствениот избирачки список. На денешната пригодна свеченост која се одржа во големата сала на локалната самоуправа, претстедателката на Општинската изборна комисија на Тони Делков му го врачи уверението со што тој и официјално стана нов градоначалник на општина Неготино. Примопредавањето на функцијата најавено е да се случи во текот на утрешниот ден. Новиот градоначалник Делков ја искористи приликата да им се заблагодари на сите кои учествуваа во спроведувањето на изборниот процес, на граѓаните кои својот глас го дадоа за неговата кандидатура, како и на сите 12.107 гласачи кои го искористија правото на глас на неодамна одржаните избори. Градоначалникот Делков вети дека ќе работи во интерес на сите граѓани на општина Неготино преку реализирање на неговата Програмата за работа со која настапи пред граѓаните и со заеднички напори Неготино и населените места да станат што е можно попристојно место за живеење.

Повеќе...
 
Новите советници во Советот на општината добија уверенија од ОИК PDF Печати

   На неодамна одржаните локални избори на територијата на неготинска општина, листата со советници на СДСМ и коалицијата „За живот во Македонија“ освои најмногу гласови-6.349 и со тој резултат обезбеди 8 мандати во Советот на општина Неготино, додека советничката листа на ВМРО-ДПМНЕ и коалицијата „За подобра Македонија“ освои 5.287 гласови со обезбедени 7 мандати во општинскиот Совет во кој делуваат вкупно 15 советници.
Еве ги и новите советници чии мандат трае 4 години. СДСМ и коалицијата „За живот во Македонија“ во Советот на општината ќе бидат претставувани од носителот на листата Диме Витанов, Гордана Филипова, Вуле Младеновиќ, Дане Мајсторчев, Трајче Димков, Ивана Трајкова, Игор Ѓорчев и Борче Коцев. ВМРО-ДПМНЕ и коалицијата „За подобра Македонија“ ќе ги застапуваат носителот на листата Петре Манчев, Љупчо Пасинечки, Гордана Јованова, Зоран Стојанов, Флорида Илиевска, Игор Јованов и Трајко Стафилов.
Се очекува во најскоро време да се одржи конститутивна седница на која ќе се избере претседател на Советот на општина Неготино и ќе бидат формирани соодветните комисии, по што советниците ќе започнат со одржување седници и носење одлука од нивниот делокруг на работа.

 

Повеќе...
 
Објавен оглас за поднесување кандидатури за наградите по повод 8-ми Ноември PDF Печати

   Од денеска 18-ти октомври започна да тече и до 31 октомври  оваа година трае рокот за поднесување кандидатури за добитници на наградата и признанијата по повод празникот на општина Неготино-8-ми Ноември. Општина Неготино го објави огласот за пријавување на кандидатури за добитници на највисоките општински награди и признанија кои се доделуваат по повод празникот на општината 8-ми Ноември-Денот на ослободувањето на Неготино. Како што информираат од локалната самоуправа признанијата се доделуваат секоја година како израз на највисоко општинско признание што се доделува за посебни постигнувања во одредени области на поединци и институции од општината. Според одлуката, наградата и признанијата по повод 8-ми Ноември се доделуваат на поединци, претпријатија и други организации, установи, здруженија на граѓани и заедници чии дела, односно резултати во работењето и дејствувањето, придонесле за нивна лична и афирмација на општина Неготино. Право на поднесување на кандидатури за добитници на наградата и признанијата имаат сите заинтересирани граѓани, претпријатија, установи, здруженија, месни заедници и групи граѓани, а крајниот рок за доставување предлози е вторник 31 октомври. Процедурата налага пристигнатите предлози најпрво да ги разгледа Комисијата за награди и признанија при општинскиот совет, а конечната одлука за добитниците ја донесуваат советниците во Советот на општина Неготино. Наградите и признанијата на добитниците новоизбраниот градоначалникот на општина Неготино Тони Делков ќе им ги додели на свечената седница која ќе се одржи во среда на 8-ми Ноември Денот на ослободувањето на нашиот град.

 

 
<< Почеток < Пред 1 2 3 4 5 6 7 8 9 10 Следно > Крај >>

Лист 5 од 135