Општина Неготино
„Моја патрола“ достапна и на телефон, мејл и фејсбук страница PDF Печати

   Пријава и детектирање проблеми од страна на граѓаните кои се во ингеренции на локалната самоуправа, како и нивно решавање, е основната цел на проектот „Моја патрола“ кој веќе извесен период функционира на територијата на општина Неготино со поделба на градот на 3 реони и 4 реони во руралните средини. Вработени секојдневно се на терен близу до граѓаните и остваруваат директен контакт со нив, се со цел детектираните и пријавените проблеми да се решат во набрз временски рок. Со цел зауште поголема достапност, од денеска (11.04.) населението „Моја патрола“ може да ја контактира и телефонски на броевите 070-208-279 и 072-218-261 од 08,00 до 16,00 часот, мејлот Оваа е-пошта е заштитена од spambots, треба да вклучите JavaScript за да ја видите и фејсбук-страницата Моја патрола.

 
Санде Атанасов победник на отвореното градско првенство на Неготино во шах PDF Печати
    Од 4 до 8 април во нашиот град се одржа осмото по ред отворено првенство во шах “Неготино Опен 2022”. На првенството учество зедоа 28 учесници кои одиграа вкупно 9 кола по швајцарски систем. Победник на овогодинешното отворено првенство е шахистот Санде Атанасов кој во деветте одиграни партии освои вкупно 8 поени и ја освои првата награда во вредност од 7.000 денари. Второто место на турнирот со освоени 7,5 поени му припадна на Димитар Ставров - Вешки, а третопласиран е Ѓоко Павлов кој ја освои третата награда во износ од 4.000 денари. Награди во висина од 2.000 денари добија и Ѓорѓи Темелков како најдобро пласиран млад шахист (под 18 години) и Васко Недев како најдобро пласиран сениор (над 60 години). Наградите ги обезбеди Општина Неготино, а ги додели градоначалникот Горан Стојанов кој на најдобрите учесници им додели и дипломи. Првенството помина во одлична организација на Општина Неготино во соработка со Градскиот шаховски клуб “Неготино”.

Повеќе...
 
Директорот на Францускиот институт во Скопје г-дин Бештел во посета на Неготино PDF Печати

   Можностите за поддршка и промоција на Регионалниот проект за изучување на францускиот јазик во општина Неготино-беше една од темите на кои денеска како градоначалник на општина Неготино разговарав со г-динот Иго Бештел, советник за соработка и културно делување во Француската амбасада и директор на Францускиот институт во Скопје за време неговата официјална посета на нашиот град. На средбата разговаравме за можностите за спроведување и на други проекти во Неготино кои би биле од заеднички интерес за општина Неготино и Францускиот институт во Скопје,а беше потенцирана и успешната улога на Францускиот институт кој има значајна улога во едукативниот процес преку организирано изучување на францускиот јазик, франкофонските активности, обука на професори и друго. Предходно, г-динот Бештел престојување во СОУ„Св,Кирил и Методиј“ каде што на 35 ученици и професори од училиштето им беа врачени меѓународно акредитирани дипломи за познавање на нивото на францускиот јазик на ниво од А1 до Б2, а го посети и ООУ„Гоце Делчев“.

 
Честитка по повод Меѓународниот ден на Ромите PDF Печати

Од мое лично име, како градоначалник на општина Неготино и од име на Советот на општината упатувам искрени честитки по повод 8-ми април – Меѓународниот ден на Ромите до сите наши сограѓани од ромската етничка заедница. Како локална власт, а во соработка со Здруженијата на Ромите, вклучени сме директно во надминувањето на проблемите и предрасудите со кои граѓаните од ромската заедница се соочуваат и се обидуваме да ги обезбедиме сите права и обврски кои им се загарантирани со законите. Општина Неготино и во иднина ќе продолжи да спроведува одржливи мерки со кои ќе се подобрува животниот стандард на сограѓаните Роми и нема да престане да се заложува за зајакнување на економската и социјалната вклученост на Ромите во сите општествени текови.

 
Започна Градското првенство во шах „Неготино-2022“ PDF Печати
   Посакувајќи им успех на сите учесници на натпреварувањето со желби да победи најдобриот, го прогласив за отворено Градското првенство на Неготино во шах за 2022 година кое се одржува по 3 години пауза и на кое учествуваат околу 30 шахисти-аматери од општина Неготино. Првенството се одржува во просториите на ТИЦ„Желкова куќа“ и ќе се игра швајцарски систем од 9 или 7 кола во зависност од бројот на пријавените учесници со темпо на игра од 30 минути по партија. Се очекува првенството да заврши до престојниот викенд кога ќе биде познат победникот на Градското првенство во шах, по што како градоначалник на општина Неготино заедно со претставник на коорганизаторот на турнирот Градскиот шаховски клуб „Неготино“ ќе ги доделиме наградите чиј фонд изнесува 25.000 денари и тоа за најдобро пласираните, најдобриот млад шахист, најдобриот шахист сениор и најдобрата шахистка. Сите заинтересирани мечевите можат да ги следат секој ден од 18,00 до 20,00 часот. 
 
Повеќе...
 
Денес започнува отвореното градско првенство во шах PDF Печати
Во организација на Општина Неготино и Градскиот шаховски клуб “Неготино” денес (понеделник, 4 април) со почеток од 17 часот во просториите на ГШК Неготино - ТИЦ Желкова куќа (2 кат), ќе започне Градското првенство на Неготино во шах за 2022 година. По 3 години пауза, првенството за отворено ќе го прогласи градоначалникот на Општина Неготино Горан Стојанов, а на истото учество ќе земат оклоу 30-тина шахисти – аматери од нашата општина. Првенството на кое ќе се игра швајцарски систем од 9 (или 7 кола) во зависност од бројот на пријавени учесници со темпо на игра од 30 мин. по партија ќе трае до овој викенд, кога Неготино повторно ќе добие првак во шах по неколкугодишна пауза. Наградниот фонд изнесува 25.000 денари, а покрај наградите за најдобро пласираните, ќе бидат доделени награди и за најдобриот млад шахист, најдобриот сениор и најдобра шахистка на турнирот. Мечевите ќе се играат секој ден со почеток од 18ч. до 20ч.
Пријавувањето за учество е најдоцна до 4 април (14.00 часот), а истото може да се направи на тел. 075 416 496 кај ВМ Трајко Недев.

 
 
<< Почеток < Пред 1 2 3 4 5 6 7 8 9 10 Следно > Крај >>

Лист 8 од 305