Општина Неготино
Течат подготовките за одржување на манифестацијата „Маскенбал-2022“ во Неготино PDF Печати
  Веќе извесен период општина Неготино во координација и соработка со надлежните општински установи и инстиитуции работи на подготовките за непречено одржување на традиционалната манифестација „Маскенбал-2022“ која се одржува на 1-ви Април-Денот на шегата. По пауза од 2 години неодржување на овој настан поради присуството на пандемијата од Ковид 19, одлучено е годинава настанот да се одржи, за што во тек се координацииите со одговорните во институциите со единствена цел одржувањето на манифестацијата да помине во најдобар ред. Се очекува и оваа година да има огромна масовност и присуство на стотици дечиња под маски, како и други заинтересирани, кои ќе продефилираат по предходно определена маршрута пристигнувајќи заеднички на градскиот плоштад. Подетални  информации следуваат неколку денови пред одржувањето на манифестацијата „Маскенбал-2022“. 
 

 
Се поставува сообраќајна сигнализација на ул.„Антигона“, и „Енгелсова“, а подоцна и на „ЈНА“ PDF Печати
   Согласно договорите помеѓу општина Неготино и изведувачот на работите Виа сигнал-Скопје склучени на 24.01 и 14.02.2022 година, отпочнати се и течат активности за поставување сообраќајна сигнализација на 3 улици во Неготино и тоа „Едвард Кардељ“, „ЈНА“ и „Антигона“.  Изведбените активности се однесуваат на поставување на вертикална и хоризонтална  сообраќајна сигнализација согласно Основниот сообраќаен проект за утврдување на режим на сообраќај на дел од уличната мрежа. Дел од сигнализацијата е веќе поставена и се уште се поставува на улиците „Едвард Кардељ“ и „Антигона“, а како што информираат стручните служби, соодветната сигнализација на улицата „ЈНА“ ќе се постави веднаш по завршувањето на реконструкцијата и асфалтирањето на истата. За вршење на надзорот на изведбените активности одговорна е фирмата Павер трејд од Кавадарци. 
 
 
Повеќе...
 
Потпишан меморандум за соработка со Универзитетот за туризам и менаџмент од Скопје PDF Печати
   Во својство на градоначалник на општина Неготино денеска со претставници на Универзитетот од Скопје го потпишавме меморандумот за понатамошна деловна соработка. Соработката би се одвивала во делот на партнерството за аплицирање проекти од заеднички интерес, реализација на практикуми за студенти, експертска поддршка од Универзитетот за туризам и менаџмент за градење и креирање на атрактивни туристички брендови и друго. Со меморандумот е обезбедено доделување на 15 стипендии за упис на додипломски студии во академската 2022/2023 година.  
 
 
Повеќе...
 
Во тек е изградба на парк кај новата детска градинка PDF Печати
  Со средства во висина од 1.698.897 денари во тек се градежни активности за изградба на парк кај новата детска градинка. Со проектот предвидени се повеќе активности:- вградување на павер елементи, набавка и монтажа на детска лулашка од метална конструкција, две полиетиленски двослојни корпи, поставување на двојна комбинирана клацкалица со по две седишта од кои дел се наменети за лица со специјални потреби, монтажа на двослојна фигура на животно, поставување на клупи за седење и корпи за отпадоци, како и затревување на површините со трева со набавка на опрема за нејзино одржување. Изведувач на градежните работи е Градба промет-ДОО Кавадарци, а за надзорот е одговорна фирмата Павер Трејд ДООЕЛ-Кавадарци.
 
Повеќе...
 
Се поставува атмосверска канализација на дел од ул„ЈНА“ PDF Печати
   Со цел за прифаќање и акумулирање на атмосверските води од улицата и надминување на овој долгогодишен проблем со кои се соочуваат жителите, општина Неготино согласно Програмата за комунални дејности и уредување на градежното земјиште за 2022 година и согласно договорите со ЈП Комуналец од 10.01 и 28.02.2022 година, во тек е изградба на атмосверска канализација на дел од улицата „ЈНА“ во нашиот град. Имено, при увидот од страна на стручните служби и укажувањата на жителите кои живеат на оваа улица, констатирано е дека на кракот пред училиштето „Гоце Делчев“ се јавува проблем со акумулацијата на атмосверските води. Токму затоа, работници на ЈП Комуналец со цел што е можно побрзо да се одговори на барањата на општината, се присутни на терен и работат на изградбата на атмосверската линија со сите потребни елементи и со приклучок до најблиската линија на спојот на оваа со улицата „Маршал Тито“.
 
Повеќе...
 
Доделени признанија на крводарители од општина Неготино PDF Печати
 Во пресрет на 17 Март- Денот на крводарителството и 77 години од Денот на формирањето на Црвениот крст, денеска приредив свечeн прием за крводарителите од oпштината и раководството на Општинската организација на Црвен Крст. На средбата нагласив дека како градоначалник чест и привилегија ми е да бидам во друштво на најхуманите жители на општината и дека важно за нас како општина е што крводарителството од година во година е се позастапено, покажува забележителен прогрес и секоја година се натфрла годишниот план на предвидени крводарувања, факт кој го потврди и секретарот на Црвениот крст Тошко Настов. Заедно, на повеќекратни крводарители им доделивме признанија и тоа:-за 25 крводарувања на Васко Чолов, за 50 на Ќиро Ѓорѓиев, за 75 на Диме Илиев и Атанас Атанасов, а за 100 реализирани крводарувања признание доби Бранко Стојанов. Ја користам можноста на сите крводарители од општина Неготино да им го честитам 17-ти Март-Денот на крводарителството.

Повеќе...
 
<< Почеток < Пред 1 2 3 4 5 6 7 8 9 10 Следно > Крај >>

Лист 10 од 305