Општина Неготино
Поставена првата од предвидените 10 мерни станици за „смарт земјоделство“ PDF Печати
  Денеска започна поставувањето на 10-те мерни станици на територијата на општина Неготино со кои ќе се овозможи електронски мониторинг на атмосферските влијанија врз земјоделско обработливите површини, односно на лозаро-овоштарските насади. Со поставувањето на овие мерни станици се овозможува електронски мониторинг, истите ќе даваат информации за влажноста на воздухот, сончевите денови во годината, количеството врнежи, степенот на температурни осцилации и други податоци кои ќе се акумулираат електронски со посебен софтвер. Мерните станици ќе овозможат и да се предвиди третманот на лозаро-овоштарските насади, што ќе придонесе за намалување на трошоците за третирање со пестициди, зголемен принос на производство и негов значително подобар квалитет. Проектот го реализираме во соработка со Бирото за регионален развој, вкупната вредност е 10 милиони денари од кои 9 обезбедува Бирото, а општина Неготино учествува во проектот преку ко-финансирање со средства од 250.000 денари од Буџетот на општината.
 
Повеќе...
 
Амбасадорот на Франција Бомгартнер во работна посета на Неготино PDF Печати

Неговата екселенција амбасадорот на Република Франција во Македонија Сирил Бомгартнер оствари работна посета на Неготино во чии рамки остваривме заедничка средба во просториите на локалната самоуправа на која разговаравме на теми поврзани со унапредувањето на активностите за заживување на наставата по француски јазик во двете основни и средното училиште во општина Неготино. Во рамките на посетата, со амбасадорот Бомгартнер престојувавме во ООУ„Гоце Делчев“ кое е дел од регионалниот проект за заживување на наставата по француски јазик во образовните системи во земјите од Западен Балкан. За потребите на учениците од ООУ„Гоце Делчев“ и „Страшо Пинџур“ амбасадорот донираше интерактивна смарт табла која беше ставена во функција и која позитивно ќе влијае врз бројни аспекти во однос на учењето и развојот на учениците. Во знак на благодарност за донацијата од име на училиштето, учениците од 8-мо и 9-то одделение изведоа кратка пригодна програма.

Повеќе...
 
Дводневна антикорупциска обука за претставници од општина Неготино PDF Печати
  Целта на оваа обука која е во организација на Центарот за граѓански комуникации и на која свои обраќања ќе имаат експерти од повеќе области е започнување процес на јакнење на капацитетите на претставници од општина Неготино и јавните претпријатија во делот на зголемувањето на транспарентноста, отчетноста и интегритетот на локалните иснтитуции. Обуката е првенствено наменета за вработените во општината кои работат на прашања за антикорупција, интегритет, транспарентност, јавни набавки и други сектори кои се значајни за јакнење на интегритетот на локалните институции. Според агендата за работа на обуката, ќе бидат опфатени повеќе теми како што се важноста од борбата против корупција на локално ниво, клучните аспекти за спречувањена корупцијата, градење на механизми за превенција од корупција и мерки за нејзино спречување-се во насока на спречување на коруоцијата во јавните набавки. 
 
Повеќе...
 
ОБЈАВА 01/2022 за отуѓување на градежно земјиште сопственост на Република Северна Македонија по пат на електронско јавно наддавање во општина Неготино PDF Печати
ОБЈАВА 01/2022
 
Се одржа меморијалниот турнир во борење „Јован Димитров“ PDF Печати
   Под покровителство и организација на општина Неготино и БК„Неготино“ викендов по 9-ти пат се одржа меморијалниот турнир во борење во чест и сеќавање на нашиот сограѓанин Јован Димитров кој трагично го загуби животот во воениот конфликт на просторите на поранешната држава. Претставници на потесното семејство, на општина Неготино и на клубовите кои зедоа учество на турнирот положија свежо цвеќе на спомен бистата на Димитров. Активностите продолжија во салата „Младост“ каде што се одржа турнирот во борење со учество на 60-тина борачи од 9 боречки клубови од Македонија. Присутните имаа можност да проследат интересни борби, за тројцата првопласирани беа доделени пехари, медали и дипломи, а беа прогласени и најдобрите на турнирот и тоа: - најдобар млад борач Стефан Аризаноски од БК„7-ми Мај“ Прилеп, најдобар техничар Стефан Стојков од БК„Балканец“ Штип и за најдобар борач на турнирот беше прогласен Иван Јовановски од БК„Неготино“. 
 
Повеќе...
 
Спектакуларен настап на Црвена Јабука во Неготино PDF Печати
   Синоќа (18.09.) на градскиот плоштад во Неготино се одржа традиционалната “Неготинска музичка вечер 2022”, на која настапија познати имиња од македонската и балканската музичка сцена. Увертира во одличната музичка вечер беше настапот на Бојана Скендеровски, која настапи со неколку свои и хитови од други македонски изведувачи, а веднаш по неа присутната публика на градскиот плоштад имаше можност да ги слушне извонредните ДНК, кои со својот енергичен настап направија одлична забава за присутната публика на градскиот плоштад.
Богатата програма на овогодинешното издание на Неготинската музичка вечер ја затвори легендарниот сараевски бенд Црвена Јабука како кулминација на најпосетениот музички настан во Неготино во последните неколку децении. Вонвременските хитови на овој бенд беа испеани во еден глас од сите генерации присутни на градскиот плоштад во Неготино. Настанот беше масовно посетен и од граѓаните на многу други општини, на особено задоволство на организаторот и учесниците во програмата.

Повеќе...
 
<< Почеток < Пред 1 2 3 4 5 6 7 8 9 10 Следно > Крај >>

Лист 2 од 314