ЈАВНИ НАБАВКИ

Отворено со Вас

Службен гласник

Beeconomy

Влада на Р.Македонија

Моја - општина

Здружение на К.И на Р.М

  www.zki.org.mk

Народен правобранител

Skopjediem

Општина Неготино
ВО НЕГОТИНО ПОДЕЛЕНИ ПРОЕКТНИ ПРОМОТИВНИ МАТЕРИЈАЛИ PDF Печати
   По завршувањето на проектните активности од манифестацијата Недела на виното – проект финансиран со средства од Европската унија, на сите интернационални учесници вклучени во истиот од Словенија, Италија и Бугарија организаторот – домаќин општина Неготино им подели промотивни материјали во кои се застапени материјали од предходно спроведените 4 проектни активности одржани во останатите градови вклучени во проектот. Така, на сите им беа поделени проектни промотивни материјали во форма на инфо-билтен, ДВД и ЦД алманах со препорака истите да ги постават на сопствените веб-портали заради подобро и поефикасна промоција на постигнатите проектни резултати. Последната информативна средба беше искористена и за претставување на новата проектна идеја за аплицирање меѓу досегашните партнери.
 
,, ДЕН НА ВИНОТО ВРАНЕЦ ,, ВО НЕГОТИНО PDF Печати

  И оваа година во рамките на одржувањето на Неделата на виното, во конаците на прекрасниот манастир Свети Ѓорѓи во Неготино се одржа манифестацијата ,, Ден на вранецот ,, на која со вина од оваа автохтона македонска сорта грозје се претставија повеќе винарии кои функционираат на подрачјето на општината. Учеснициите на манифестацијата, како и гостите од Италија, Бугарија и Словенија најпрво преку излагање на свештените лица од МПЦ Свети Атанасиј се запознаа со убавините на манастирот и неговиот историјат, а потоа сите заедно уживаат во дегустирањето на квалитетното и надалеку познатото македонско вино од сортата вранец.

Повеќе...
 
ВО НЕГОТИНО СЕ ОДРЖА ИЗЛОЖБА НА КОПАНИЧАРИ PDF Печати

   Во организација на локалната самоуправа, градскиот Музеј и Здружението на занаетчии ,, Стари занаето ,, во изложбениот салон на Музејот на град Неготино се одржа традиционалната 9- та по ред изложба на копаничари. На изложбата со свои дела создавани од вредните раце на копаничарите во изминатиот период се претставија 15-тина копаничари од Здружението ,, Стари занаети, а овој пат изложбата имаше и интернационален карактер бидејќи на истата со свои дела се претставија и копаничари од Италија и Бугарија. Настанот беше проследен од голем број љубители на уметноста, а за заначењето на изложбата свое излагање имаше директорот на неготинскиот Музеј Петар Ризов.

Повеќе...
 
ВО НЕГОТИНО ИЗЛОЖБА НА СТРУЧНА ЗЕМЈОДЕЛСКА ЛИТЕРАТУРА PDF Печати
   Во организација на локалната библиотека Страшо Пинџур и Музејот на град Неготино во изложбениот салон на неготинскиот Музеј е поставена изложба на стручна литература од областа на земјоделието при што посебен акцент е ставен на презентацијата на литературата посветена на лозарството,  имајќи предвид дека овој регион изобилува со плантажи под лозови насади. Во делот на изложената литература, организаторот ги издвојува оние за Хемијата на виното, Прецизно земјоделие, Развојот на растенијата и климатските промени, Земјоделието и животната средина и други. Изложбата се уште трае и истата можат да ја посетата сите заинтересирани, а посебно земјоделците од општина Неготино.
 
ЗАПОЧНА ИЗГРАДБАТА НА ПЛОШТАД И УЛИЦИ ВО С. ВОЈШАНЦИ-НЕГОТИНО PDF Печати

   На пригодна свеченост што беше организирана во центарот на селото, денеска во Војшанци започнаа работите околу реализацијата на проектот за изградба на плоштад и асфалтирање на улици во ова неготинско село. Градоначалникот Пане Трајков информираше дека целокупната изведба на работите чини 4.300.000 денари-средства обезбедени од Буџетот на општина Неготино, а во рамките на реализацијата на годишната програма за уредување на градежното земјиште во руралните средини. Со проектот се предвидува поплочување на овој простор со бехатон коцки и изградба на пристапни патеки, поставување на елементи за одмор и релаксација, а целиот простор ќе биде хортикултурно уреден. Паралелно, ќе се врши асфалтирање и на неколку улички кои водат до и од центарот на Војшанци.

Повеќе...
 
СЕ УРЕДУВА ЦЕНТАРОТ ВО С. КУРИЈА – НЕГОТИНО PDF Печати

   Работници на градежното претпријатие Пер-инжинеринг ангажирани од страна на локалната самоуправа Неготино неколку денови по ред се ангажирани на изведување градежни активности за уредување на централното подрачје во неготинското село Курија. По извршеното рамнење на теренот, овој простор ќе биде поплочен со бехатон коцки и ќе бидат изградени патеки, по што ќе следува поставување на придружни елементи кои ќе служат за одмор и релаксација на месното население. Градежните работи кои ќе финишираат со уредување на центарот во Курија се очекува да завршат за десеттина денови, а за реализација на проектот од Буџетот на општина Неготино ќе бидат издвоени 1.000.000 денари.

Повеќе...
 
<< Почеток < Пред 121 122 123 124 125 126 127 128 129 130 Следно > Крај >>

Лист 121 од 158