Општина Неготино
30 РОМИ СО СВИДЕТЕЛСТВА ЗА ЗАВРШЕНО ОСНОВНО ОБРАЗОВАНИЕ PDF Print
There are no translations available.

   Под мотото ,, Образование за секого, шанса за сите ,, во изминатите 5 месеци во неготинското село Криволак во кое доминира населението од ромска националност се спроведе проект за дооформување на образованието на кандидати кои пројавија интерес за тоа. Наставата ја спроведе стручен кадар од Работничкиот универзитет, а иницијативата потекна и проектот беше реализиран  со поддршка на Македонскиот црвен крст.
    Потребните финансиски средства за спроведување на проектот ги обезбеди Германскиот Црвен Крст од покраината Баден- Витенберг- хуманитарна организација која близу 30 години ги помага активностите на Македонскиот црвен крст.
По завршувањето на петмесечната настава, градоначалникот на општина Неготино Пане Трајков на 30 кандидати над 16-годишна возраст од ромска националност им  врачи  свидетелства за завршено основно образование.

Read more...
 
СЕ ОДРЖА КОНЦЕРТ НА ,, ДАУТОВСКИ – КВАРТЕТ ,, PDF Print
There are no translations available.

   Општина Неготино е една од дваесетте локални самоуправи во земјава во која, исто како и минатото, така и ова лето се спроведува културната манифестација ,, Топол културен бран ,,. Деталите за самата манифестација и планираните настани беа презентирани на специјална прес конференција на министерката за култура Елизабета Канчевска – Милевска  на која меѓу присутните беше и градоначалникот на општина Неготино Пане Трајков кој ги поздрави заложбите на Министерството за култура за збогатување на летното живеење со културни настани. Во тие рамки, на градскиот плоштад во Неготино, во присуство на голем број заинтересирани граѓани и вљубеници во етно-музиката, се одржа концерт на Драган Даутовски квартет на кој беа исполнети дел од нумерите од неговиот исклучително богат репертоар. Исто така, во рамките на културното лето, неготинци имаа можност да ја проследат и театарската претстава Генерална проба за самоубиство во изведба на велешкиот народен театар Јордан Хаџи Константинов Џинот.

Read more...
 
Реализран проектен настан во Кампулунг –Романија од 05-10,07,2011 PDF Print
There are no translations available.

   Во рамките на проектот,,Мрежа за спорт, култура и туризам,,преку програмата Европа за граѓаните , мерката ,,Мрежа на збратимени градови каде што општина Неготино е партнерска општина заедно со општина Берово, општина Кампулунг-Романија, општина –Повијат Трзебница-Полска, Две Могили-Бугарија и Попово-Бугарија како носител на проектот,во периодот од 5-10 јули 2011 беше организиран  петиот (5)по ред настан  со тема:
Интернационален Еко туризам и култура- Важни фактори за Регионален Европски Развој”.

Read more...
 
ВО НАСЕЛБАТА ,, СААТ – КУЛА ,, СЕ ГРАДИ ГРАДСКИ ЗАБАВЕН ПАРК PDF Print
There are no translations available.

   Со средства во висина од 2.500.000 денари обезбедени од Буџетот на општина Неготино во населбата ,, Саат – кула ,, интензивно течат градежните работи за подигање на нов градски – забавен парк во нашиот град. Според зборовите на градоначалникот Пане Трајков се очекува овој простор кој до неодамна претставуваше обична голина по завршувањето на работите да прерасне во место каде што жителите на населбата од сите генерации ќе можат во одмор и релаксација да поминуваат дел од своето слободно време. Предвидено е во склоп на градскиот забавен парк да се изгради фонтана, да се изградат пешачки патеки и постават клупи за седење, како и да се постават повеќе елементи за најмладите. Паралелно, мошне скоро се очекува да стартуваат и градежните работи на повеќенаменското игралиште во непосредна близина на забавниот парк кое ќе се гради со средства од Агенцијата за млади и спорт и кое е во состав на проектот за изградба на 100 маалски игралишта во нашата држава.
 
УЧЕСНИЦИТЕ НА ,, ВАРДАРСКАТА РЕГАТА,, ВО НЕГОТИНО PDF Print
There are no translations available.

   Гемијата и 9 чамци со 70-мина гемиџии учесници во Врадарската регата која годинава се одржа по 12-ти пат кои тргнаа од Велес и за крајна цел имаа пристигнување во Гевгелија по логорувањето кај Криволак престојуваа и во Неготино. Тие беа пречекани од претставници на локалната самоуправа предводени од градоначалникот Пане Трајков кој на учесниците им посака мирно пловење и безбедно пристигнување на целта, а имаше и заинтересирани граѓани кои со одушевување го поздравија пристигнувањето на гемијата. Инаку, и оваа Вардарска регата имаше за цел да ја оживее традицијата, но и да потсети на големото дело на групата главно велешани кои под мотото ,, Се арчиме за Македонија ,, ги изведоа Солунските атентати за да го привлечат вниманието на светската јавност за состојбата во која тогаш се наоѓал македонскиот народ.

Read more...
 
ОПШТИНАТА ЌЕ ОТУЃУВА И ЌЕ ДАВА ПОД ЗАКУП ГРАДЕЖНО ЗЕМЈИШТЕ PDF Print
There are no translations available.

   Четворица вработени во локалната администрација – Зоран Лазов – секретар на општина Неготино, Снежана Цветкова – раководител на одделението за урбанизам, Лилјана Нечева – советник во истото одделение и Александар Јованов – раководител на одделението за општи и правни работи го положија испитот спроведен од Министерството за транспорт и врски и се стекнаа со овластувања за  спроведување на постапки за отуѓување и давање под закуп на градежно земјиште сопственост на Република Македонија со што е исполнет еден од условите содржани во член 89 од Законот за градежно земјиште чија примена стартува на почетокот од месец јули, оваа година. Покрај споменатиот услов, за да може општина Неготино да ги врши работите за располагање со градежното земјиште во сопственост на државата, треба да усвои едногодишна програма за работа во оваа област, да формира Комисија за спроведување постапки за јавно наддавање и да воспостави електронски систем за јавно наддавање за што од страна на ЗЕЛС веќе е изработен унифициран софтвер и истиот ќе биде ставен на располагање на сите општини во Република Македонија.
 
<< Start < Prev 121 122 123 124 125 126 127 128 129 130 Next > End >>

Page 123 of 139