О Т Ч Е Т

GUIDE FOR INVESTORS

Службен гласник

Beeconomy

Влада на Р.Македонија

Моја - општина

Здружение на К.И на Р.М

  www.zki.org.mk

Народен правобранител

Skopjediem

Општина Неготино
СВЕЧЕНА СЕДНИЦА НА СОВЕТОТ НА ОПШТИНА НЕГОТИНО PDF Печати
       По повод 8-ми ноември – Денот на ослободувањето на Неготино и оваа година во кино салата на Центарот за култура ,, Ацо Ѓорчев ,, се одржа традиционалната свечена седница на Советот на општина Неготино. На седницата присуствуваа актуелниот и поранешни градоначалници и претседатели на општината, советниците во Советот, претставници на организацијата на борци и членови на семејствата на загинати учесници во НОБ, парламентарни делегации од Собранието на РМ, претставници на збратимените градови со Неготино, како и други заинтересирани граѓани.
 
Повеќе...
 
АКТИВНОСТИ ПО ПОВОД 8-МИ НОЕМВРИ PDF Печати
       Во чест на одбележувањето на празникот на општина Неготино – 8-ми Ноември, во организација на локалната самоуправа, а во соработка со институции и поединци, беа реализирани повеќе пригодни активности. Меѓу другото, на иницијатива на неуморниот ентузијаст – професорот Дионис Пашлаков со асистенција на претставници на Авто – мото сојузот на Македонија во нашиот град се одржа  најмасовната ревијална изложба на олд – тајмери досега организирана во Македонија. На изложбата со сопствени стари возила учество зедоа љубители на стари автомобили од повеќе градови од земјава, а граѓаните од општината во голем број излегоа на градскиот плоштад каде што беа лоцирани олд – тајмерите и со нескриена доза на љубопитност ги разгледуваа возилата кои се произведени и по патиштата се движеле  пред повеќе од половина век. Самата изложба имаше и натпреварувачки карактер, а на сопствениците на најатрактивните олд – тајмери им беа врачени пригодни награди.
Повеќе...
 
КОМИСИЈА ЗА ЈАВНИ ДЕЈНОСТИ PDF Печати

     Градоначалникот и Советот на општина Неготино, преку Комисијата за јавни дејности ги известуваат сите активни спортски клубови, здруженија на граѓани и невладини организации од општината, дека најдоцна до 15 ноември 2009 година до 16.00 часот, во Општинскиот Услужен Центар треба да ги достават следните документи:

 

Повеќе...
 
ЧЕТВРТОК – ПРИЕМЕН ДЕН НА ГРАДОНАЧАЛНИКОТ АПОСТОЛОВ PDF Печати
     Своите проблеми, било да се од лична природа или пак да станува збор за проблеми со кои се соочуваат граѓаните во местото на живеење, можат да ги пренесат и помош или совет да побараат на средбите со градоначалникот на општина Неготино Ванчо Апостолов кои се одржуваат еднаш во текот на работната недела. За таа цел, четврток е утврден како ден за средби со населението, но за да не се создаваат непотребни гужви, секој граѓанин кој е заинтересиран да оствари средба со градоначалникот треба да има предходно договорен термин. Во изминатиот период над 500 граѓани од општината имаат остварено средби со првиот човек на општината, при што најчесто се бара помош при вработување, за решавање на проблеми од социјалната заштита, како и замногу други лични или општи потреби. На средбите со градоначалникот Апостолов се дискутира и за прашања во делот на тековните активности на општината, потоа за актуелни проблеми во урбаните и во месните заедници, а се разгледуваат и можните начини за решавање на истите.
 
СЕ ГРАДИ НОВА ФИСКУЛТУРНА САЛА PDF Печати

     Во рамките на реализацијата на проектот финансиран со средства од Владата на РМ за изградба на спортски сали на територијата на цела држава, еден таков објект започна да се гради и во Неготино. Имено, од неодамна се започнати активностите за изградба на најсовремена фискутурна сала која ќе функционира во склоп на СОУ Св. Кирил и Методиј. Согласно изготвениот проект, фискултурната сала ќе биде со должина од 44 и ширина од 29 метри, односно ќе опфаќа корисна површина од околу 1.300 метри квадратни. Истата се предвидува да биде повеќенаменска, а во нејзини рамки ќе бидат изградени и трибини. Изведувач на работите е ГП Гранит, а надзорот го вршат стручни лица од Градежниот институт од Скопје. Со изградбата и ставањето во функција на новата фискултурна сала средношколците од СОУ Св. Кирил и Методиј наставата по физичко воспитување ќе можат да ја реализираат во нови и стандардизирани услови, без притоа секојдневно да се упатуваат кон блиската спортска сала со што се ризикува нивната безбедност или пак часовите по физичко да се одржуваат во импровизирани услови во училниците. Се очекува фискултурната сала да биде завршена во согласност со утврдените рокови за нејзина изградба.

 
РЕКОНСТРУКЦИЈА НА ЛОКАЛНИ ПАТИШТА PDF Печати
     Локалната самоуправа Неготино секоја година од Агенцијата за државни патишта добива на располагање средства во висина од околу 5 милиони денари. Употребата на овие средства е строго наменска и се однесува на реконструкција и изградба на патната инфраструктура на територијата на општината, се разбира со утврдени приоритети од страна на надлежните органи, додека еден дел е наменет за зимско одржување на уличната мрежа во градот. Според предлозите на стручните служби, се очекува оваа година овие средства да бидат искористени за изградба и реконструкција на два патни правци и тоа Неготино – Тимјаник и Неготино – Курија. Направените пресметки говорат дека средствата ќе бидат доволни за комплетно уредување на 3,5 километри од патот Неготино – Курија и 1 километар од потегот Неготино – Тимјаник. Со реализацијата на овој проект се очекува да дојде до значително зголемување на безбедноста на сите учесници во сообраќајот на овие два патни правци.
 
<< Почеток < Пред 121 122 123 124 Следно > Крај >>

Лист 123 од 124