ЈАВНИ НАБАВКИ

Отворено со Вас

Службен гласник

Beeconomy

Влада на Р.Македонија

Моја - општина

Здружение на К.И на Р.М

  www.zki.org.mk

Народен правобранител

Skopjediem

Општина Неготино
ГРАДОНАЧАЛНИКОТ АПОСТОЛОВ ВО ПОСЕТА НА ЛОКАЛИТЕТОТ „ГРАДИШТЕ„ PDF Print
There are no translations available.

   Продолжуваат систематските археолошки ископувања на локалитетот Градиште, меѓународен проект со наслов “Големо Градиште - Урбан развој и историска географија на градовите по средното течение на Вардар во антиката“, склучен помеѓу Музеј на Македонија, Универзитетот “Гдањск“ од Гдањск од Полска и Музеј на град Неготино. Според една од актуелните теории локалитетот Градиште кај Неготино е античкиот град Антигонеа подигнат 3 век п.н.е за време на династијата на македонските кралеви Антигониди, поточно за време на владеењето на Антигон Досон (229-221). Со досегашните истражувања постепено се добива јасна претстава за хронологијата на градот, за неговите урбанистички почетоци во 4 век п.н.е  и развојот низ следните 600 години.

Read more...
 
УЧЕСНИЦИТЕ НА МОТО-РЕЛИТО ,, МАКЕДОНИЈА-НЕЗАВИСНОСТ,, ВО НЕГОТИНО PDF Print
There are no translations available.

   Во рамките на одбележувањето на 8-ми септември-Денот на независноста на Република Македонија кој годинава се прослави во спортски дух под мотото ,, Со спортот победуваме заедно- Македонија победува ,, со организирање на бројни спортски настани и активности, во Неготино престојуваа над 200 учесници со своите мотори кои зедоа учество во традиционалното мото-рели ,, Македонија-независност 2013 ,, кои извесен период се задржаа на градскиот плоштад во одмор и релаксација-период што беше искористен од страна на граѓаните да ги разгледаат паркираните мотори. На учесниците на мото-релито и на сите присутни граѓани Денот на независноста им го честиташе градоначалникот на општина Неготино Ванчо Апостолов кој истакна дека токму спортот е одбран како поле преку кое се одбележува независноста затоа што е докажано дека спортот најдобро обединува и прави кохезивна врска помеѓу граѓаните, а народот заеднички пулсира кога очекува заеднички успех. Учесниците на мото-релито во Неготино претстојуваа во рамките на возењето на втората од трите рути во  вкупна должина од 787 километри  поминати низ цела држава и за нив локалната самоуправа самоуправа организираше прием. Претставникот на Мото федерацијата на Македонија Миле Димитриев на градоначалникот Апостолов му додели благодарница за укажаното гостопримство во Неготино.
Read more...
 
ОПШТИНА НЕГОТИНО ЌЕ СУБВЕНЦИОНИРА ДЕЛ ОД СМЕТКИТЕ ЗА КОМУНАЛНИ УСЛУГИ PDF Print
There are no translations available.

   На предлог на градоначалникот на општина Неготино Ванчо Апостолов, локалната самоуправа ќе врши субвенционирање на потрошувачката на комуналните услуги во делот на испораката на вода за пиење, канализација, одведување на отпадни води и подигање и изнесување на комунален отпад за 2013-та година, со тоа што одлуката се однесува на домаќинствата кои се корисници на право на социјална парична помош. Покрај овој услов, корисникот ќе го остварува надоместокот по основ на субвенција на дел од месечната сметка за комунални услуги доколку редовно врши плаќање на комуналните сметки, а потрошувачката на вода не надминува повеќе од 15 м3 месечно. Висината на месечниот надоместок за субвенција ќе изнесува 350 денари и истиот ќе се исплаќа за секоја платена месечна сметка за комуналии, а доколку износот на месечната сметка е помал од 350 денари, надоместокот за субвенција ќе се исплаќа до износот на доставената сметка, a исплатата може да се врши за повеќе месеци одеднаш за платените сметки во периодот на важење на оваа одлука. Потребните финансии ќе се обезбедат од Буџетот на општина Неготино.
 
СЕ ОДРЖА ТУРНИР ВО ТЕНИС-БОВИН НЕГОТИНО ОПЕН 2013 PDF Print
There are no translations available.

   На тениските терени во Неготино се одржа традиционалниот тениски турнир БОВИН НЕГОТИНО ОПЕН за мажи и девојки. Во конкуренција на девојки настапија 5 тенисерки три од Кавадарци и две од Неготино. Кај девојките најуспешна беше Росана Милкова од Кавадарци која во финалето беше подобра од својата сограѓанка Верица Крстева по победата од 2-0 по сетови 6-3, 6-2.
Кај мажите настапија 23 тенисери, по тројца од Кочани, Гевгелија и Скопје, а останатите од Тенискиот клуб НЕГОТИНО. Младиот Кире Лазов од Неготино приреди вистинска сензација на турнирот совладувајќи ги постарите тенисери од Неготино (Кире Чаушев и Александар Богевски досегашни трократни освојувачи на овој турнир) по долги и исцрпувачки борби во три сета. Во финалето младиот Кире го постигна најзначајниот резултат во својата кариера по победата над поискусниот Павле Јованов од Неготино (досегашен двоен освојувач на турнирот) со 2-1 по сетови 3-6, 6-2 и 7-5. Покровител на традиционалниот тениски турнир е  реномирана винарија БОВИН од Неготино. Раководител на турнирот беше познатиот тениски ентузијаст од Неготино Александар Јованов–Аџи. На финалните натпревари кои се одржаа во неделата попладне присуствуваше и Градоначалникот на општина Неготино Ванчо Апостолов кој ги додели пехарите на победниците и другите спортски награди на полуфиналистите. Турнирот се одржа на четирите земјени во Неготино кои се сопственост на општина Неготино која финансиски ги покрива трошоците за одржување на истите и со тоа создава услови за одржување и развивање на квалитетот на тенисот во Неготино кој е познат ширум државата.

Read more...
 
ОПШТИНА НЕГОТИНО ЌЕ ДОДЕЛУВА ПО 7.000 ДЕНАРИ ЗА СЕКОЕ НОВОРОДЕНО ДЕТЕ PDF Print
There are no translations available.

   Следејќи ја политиката на Владата на РМ за донесување стиумалитивни мерки за зголемување на наталитетот кој и на ова подрачје последниве години бележи значително опаѓање, градоначалникот на општина Неготино Ванчо Апостолов денеска на прес-конференција информираше дека со сопствен проект локалната самоуправа ќе придонесување за искоренување на ,, белата чума ,,. Апостолов ја запозна пошироката јавноста дека во иднина, а од денот на стапувањето во сила на одлуката, општина Неготино ќе доделуваа финансиска поддршка во висина од 7.000 денари за секое новородено дете на подрачјето на општината, независно дали станува збор за прво, второ, трето или четврто дете. Според презентираните податоци од страна на првиот човек на локалната самоуправа, годишно на територијата на цела општина се раѓаат околу 250 новороденчиња, од кои по околу 100 се прво или второродени деца, а останатите 50-тина се трето и четвртородени бебиња. Годишно, за реализација на проектот од Буџетот на општина Неготино ќе се издвојуваат од 20 до 25.000 евра, но како што истакна градоначалникот Апостолов, висината на средства е минорна во однос на потенцијалните придобивки.
 
ЕКИПАТА НА С.О.С ПОБЕДНИК НА УЛИЧНИОТ ТУРНИР ВО КОШАРКА ВО НЕГОТИНО PDF Print
There are no translations available.

   Во изминатите три дена на градскиот плоштад во Неготино во присуство на голем број љубители на спортот се одиграа натпреварите од 5-иот по ред традиционален ноќен турнир во улична кошарка што го организираа локалната самоуправа и Кошаркарскиот клуб Неготино, а на кој учество зедоа над 20 пријавени екипи кои се натпреваруваат во повеќе категории. Синоќа со одогрувањето на натпреварите за трето и за прво место беа познати и победниците, па така во финалниот натпревар во најинтересната категорија за машки над 18 години победник е екипата на С.О.С која во финалниот натпревар ја совлада екипата на Либерта со резултат 15-10 и сосема заслужено го освои првото место. Исто така, се одиграа и натпреварите за пласман и во категоријата ,, петлиња ,, женски до 18 и машки до 18 годишна возраст. Наградите на најуспешните им ги додели градоначалникот на општина Неготино Ванчо Апостолов кој на кошаркарите им се заблагодари на масовното учество и им честита за квалитетот на прикажаната игра, додавајќи оти сите овие моменти се пресудни идната година нивото на  овој традиционален турнир да биде подигнато на уште повисоко ниво.

Read more...
 
<< Start < Prev 121 122 123 124 125 126 127 128 129 130 Next > End >>

Page 124 of 170