ЈАВНИ НАБАВКИ

Отворено со Вас

Службен гласник

Beeconomy

Влада на Р.Македонија

Моја - општина

Здружение на К.И на Р.М

  www.zki.org.mk

Народен правобранител

Skopjediem

Општина Неготино
НЕГОТИНО НА САЕМОТ НА ОПШТИНИ ,, ЗЕЛС-ЕКСПО 2011 ,, PDF Печати

  Општина Неготино зеде активно учество на традиционалната саемска манифестација на општините ,, Зелс-експо 2011 ,, која во организација на Зедницата на единиците на локална самоуправа се одржа на Скопскиот саем. Саемот беше можност општината да  ги претстави своите досегашни активности, да ги презентира најдобрите проекти и да ги промовира идните планови за работа, а претставник на локалната самоуправа изврши презентација на проектите чија реализација е во тек. Општина Неготино во текот на двата саемски денови, на својот штанд имаше изложено пропаганден материјал преку кој на посетителите им овозможи да се запознаат со природните,  културните убавини и традицијата, како и можностите за локален економски развој. Годинашниот саем на општините беше во знакот на носечката тема ,, Локален економски развој и можностите на општините во Република Македонија ,, а причината за тоа е донесувањето на еден од позначајните закони за локалните власти – Законот за градежно земјиште.

Повеќе...
 
КРЕИРАЊЕ НА ЛОКАЛНА МЛАДИНСКА СТРАТЕГИЈА PDF Печати

   Неготино е една од трите општини во Македонија каде што во организација на Коалицијата на младински организаци СЕГА и Агенцијата за млади и спорт се имплементира проектот Креирање на локални младински стратегии чија основна цел е да се зголеми активното учество на младите во политичкиот, економскиот, социјалниот и културниот живот во локалната заедница. Во тие рамки, во просториите на ТИЦ Желкова куќа се одржа јавна расправа по драфт-верзијата на Локалната младинска стратегија на општина Неготино – документ кој говори дека младите имаат план и визија за улогата на младиот човек во општественото делување, чекор со иновативните трендови на политиките на младинско делување, но и помош при формирањето на млади и успешни кадри. Општина Неготино во изминатиот период го поддржа креирањето на овој документ, што во иднина ќе значи делување во согласност со релевантните приоритети на сите засегнати страни. Во процелот на изработка на ЛМС беа вклучени претставници од локалната самоуправа, Советот на општината, граѓанскиот сектор, јавните институции, средношколци и студенти, претставници на политичките подмладоци и други.

Повеќе...
 
СВЕЧЕНА СЕДНИЦА НА СОВЕТОТ НА ОПШТИНА НЕГОТИНО PDF Печати

  Традиционално како и секоја, така и оваа година по повод Денот на ослободувањето на Неготино 8-ми Ноември – празникот на општина Неготино, во кино салата на Центарот за култура ,, Ацо Ѓорчев ,, се одржа свечена седница на Советот на општина Неготино. Седницата ја отвори и ја водеше претседателот на Советот Сашо Николов, а пригодно обраќање пред присутните имаше градоначалникот на општина Неготино Пане Трајков. Присутните на седницата имаа можност преку подготвен аудио – видео материјал да се запознаат со најголем дел од реализираните проекти и активности во изминатиот едногодишен период, по што беа доделени осмоноемвриските награди и признанија, како и признанието почесен граѓанин на Неготино. Во културно – забавниот дел свој настап со прекрасни изведби и интерпретации имаа членовите на групата Монистра.

Повеќе...
 
ЛАЗАР ДИМОВ ДОБИТНИК НА НАГРАДАТА ,, 8-ми НОЕМВРИ ,, PDF Печати

   Врз основа на одлуките донесени од советниците во Советот на општина Неготино, на свечената седница на добитниците им беа врачени осмоноемвриските признанија и награда, како и признанието ,, почесен граѓанин,,. Оваа година признинија по повод општинскиот празник им беа врачени на Косте Волкановски- постхумно, на проф. д-р Невенка Димитрова, Ѓорѓи Ѓорчев, Димитар Ѓорѓиев, Службата за превентивна здравствена заштита при Здравствен дом Неготино, Миле Крстев, Сузан Шол, фабриката Слобода АД Неготино и на Ристо Пискачев. Признанието ,, Почесен граѓанин ,, и клуч од градот му беа доделени на долгогодишниот активист на Германскиот црвен крст од покраината Баеден – Витенберг Ханс Милер. Највисоката општинска награда ,, 8-ми Ноември,, за животно дело ја доби Лазар Димов – поранешен претседател на Извршен совет на Собранието на општината, претседател на Собранието на општина Неготино, пратеник во Собранието на Република Македонија и директор на ТЕЦ Неготино.

Повеќе...
 
ПУШТЕН ВО УПОТРЕБА УРБАНИОТ КОМПЛЕКС ,, АНТОН ПЕГАН ,, PDF Печати

   По двегодишно финансирање на проектот и изведување на градежни работи, заокружен е и ставен во функција урбаниот комплекс на улицата Антон Пеган со што на граѓаните кои овде имаат изградено или се со намера да градат станбени или стопански објекти, им се обезбедени сите неопходни услови за вселување или започнување со работа. Лани на овој простор се изврши тампонирање на дел од улиците, беа поставени бетонски рабници, по што се изврши асфалтирање за што од Буџетот беа издвоени 5 милиони денари.Исто толку средства се реализирани и оваа година за уредување на простор од 2.200 м2 при што пробиена е обиколницата со инсталирање на водоводна, канализациона и технолошка мрежа, поставена е атмосферска канализација, сето заокружено со асфалтирање на улиците во населбата. Во завршна фаза се и работите околу изградбата на мостот на Тимјаничка река за што од општинскиот Буџет се реализирани средства од 4 милиони денари, или севкупно за уредувањето на овој урбан комплекс од Буџетот на општина Неготино потрошени се 14 милиони денари.

Повеќе...
 
ПУШТЕНО ВО УПОТРЕБА НОВО ДЕТСКО ИГРАЛИШТЕ PDF Печати

   На пригодна свеченост, а во рамките на одбележувањето на празникот на општина Неготино – 8-ми Ноември, во употреба беше пуштено новоизграденото детско игралиште лоцирано на потегот помеѓу улиците Фемо Кулаков и Марксова. Вредноста на изведените работи и набавените реквизити изнесува над 2 милиони денари, а работите ги изведе ГП Градба промет. Во негов состав  има игралиште за кошарка, игралиште за мали деца и песочник, поставена е соодветна урбана опрема, корпи за отпадоци и клупи за седење, на пешаките патеки поставени се бехатон коцки, а се предвидува целата околина да биде засадена со трева, садници од липа и див костен. Со изградбата на овој објект општина Неготино продолжува со континуирано спроведување проекти преку чија реализација на младите генерации, и не само нив, им се овозможуваат услови за правилен психофизички развој преку создавање можности за спортување и рекреирање.

Повеќе...
 
<< Почеток < Пред 121 122 123 124 125 126 127 128 129 130 Следно > Крај >>

Лист 129 од 148