ЈАВНИ НАБАВКИ

Отворено со Вас

Службен гласник

Beeconomy

Влада на Р.Македонија

Моја - општина

Здружение на К.И на Р.М

  www.zki.org.mk

Народен правобранител

Skopjediem

Општина Неготино
ПОВЕЌЕ ОД ПОЛОВИНА ОД ГРАЃАНИТЕ НА ОПШТИНА НЕГОТИНО ЗАДОВОЛНИ ОД РАБОТАТА НА ГРАДОНАЧАЛНИКОТ И ОПШТИНАТА PDF Печати

Врз основа на истражувањата за задоволството на граѓаните од општинските услуги направени во Единицата на локална самоуправа Неготино, а спроведени  од страна на Фондацијата Отворено општество Македонија во соработка со Центарот за развој на локална демократија, изготвен е извештај насловен како ,, Гласот на граѓаните ,, во кој е дадена споредбена и квантитативна анализа врз основа на добиените резултати од истражувањата. Овој извештај е резултат на теренското испитување со цел да се измери задоволството на граѓаните од услугите што ги добиваат од локалните власти, а со надеж дека истиот ќе даде свој придонес за понатамошен развој на децентрализацијата и создавање на регулаторна рамка во насока на јакнење на административните, техничките и финансиските капацитети на општина Неготино, со единствена цел за подобрување на квалитетот на услугите кои локалната самоуправа им ги испорачува на граѓаните. Генералната оцена за тоа колку се задоволни граѓаните од услугите за кои што се надлежни градоначалникот и локалната самоуправа се дадени во табелата подолу.

 

Повеќе...
 
ПРЕДАДЕНА ВО УПОТРЕБА НОВАТА САЛА ВО ООУ ,, СТРАШО ПИНЏУР ,, PDF Печати

  Претседателот на Владата на РМ Никола Груевски, министерот за образование и наука Панче Кралев и градоначалникот на општина Неготино Пане Трајков на пригодна свеченост во употреба на ја предода новата училишна спортска сала во склоп на ООУ ,, Страшо Пинџур ,, која е дел од проектот на Владата за изградба на 180 спортски сали во Македонија, а за нејзината изградба се издвоени 24 милиони денари. ,, Спортот и часот по физичко образование значат здравје и насочување кон други вредности, наместо кон пороците на деншното време. Спортот значи учење од мали нозе да се победува, да се претрпи пораз и подготовка за следниот натпревар, со еден збор спортот ги учи младите да се борат во животот, да учествуваат во колективни игри и да победат ,, - рече Премиерот Груевски пред многубројните граѓани кои присуствуваа на свечениот чин.

Повеќе...
 
КРПЕЊЕ НА УДАРНИ ДУПКИ НА УЛИЦИ ВО НЕГОТИНО PDF Печати

   Врз основа на утврдената фактичка состојба на терен од страна на стручните служби во општината и по реакциите на граѓаните, локална самоуправа Неготино во координација и соработка со Македонија пат реализираше акција за крпење на ударните дупки на најфреквентните улици во градот. Со таканаречена ,, ладна маса,, се пополнуваа дупките на улиците Маршал Тито и Партизанска, како и на други улици кај кои беа регистрирани оштетувања кои го отежнуваа нормалното одвивање на сообраќајот. Инаку, деновиве заврши тендерската постапка, така што во најскоро време-во текот на март, општина Неготино ќе започне со асфалтирање на неколку улици во градот. Според Програмата за работа, ќе се врши асфалтирање на улиците Владо Арсов Шпанац, Манчо Малиминов, Кирил и Методиј, Питу Гули, како и пристапниот пат до Железничка станица во Неготино.

Повеќе...
 
ОБУКА ЗА ЧОВЕКОВИТЕ ПРАВА НА ЛОКАЛНО НИВО PDF Печати

  Во организација на локалната самоуправа, а во соработка со Министерството за труд и социјална политика и Лудвиг Болцман институтот од Австрија во Неготино се одржа дводневна обука на тема ,, Мониторинг, лобирање и имплементација на индивидуални и колективни човекови права на локално ниво ,,. На обуката која се одржа во ТИЦ ,, Желкова куќа ,, присутните се запознаваа со тоа што претставува и што е активното граѓанско учество и зошто е потребно истото, како граѓаните можат да и шпомогнат на локалната самоуправа во однос на развивањето на односите помеѓу граѓаните и општината, како и со можностите за подобрување на комуникацијата на локалната самоуправа со граѓаните. Обуката ја следеа и активно учество зедоа претставници на локалната администрација, невладините организации и други јавни установи.

Повеќе...
 
ОДБЕЛЕЖАН ВЕРСКИОТ ПРАЗНИК ,, СВЕТИ ТРИФУН ,, PDF Печати

  Со изведување на ритуалот на симболично закројување на виновата лоза и со желби за богат и квалитетн род и вистинско вреднување на трудот на лозарите, во Неготино на пригодна свеченост во рамките на одржувањето на  Неделата на виното  беше одбележан верскиот празник Свети Трифун. Првите лози ги закроија и го означија стартот на работите во лозарството Заменик-претседателот на Владата на РМ и Министер за финансии Зоран Ставрески и Градоначалникот на општина Неготино Пане Трајков. Вицепремиерот Ставрески ја искористи можноста да ги информира лозаропроизводителите дека на нивните сметки веќе се легнати средствата по основ на субвенции во висина од 3,5 милиони евра, како и тоа дека се создадени услови за деблокирање на сметката на ВВ ,, Повардарие ,, со што деновиве ќе се создадат услови за исплата на околу 300.000 евра за производителите кои овде го предале својот род.

Повеќе...
 
МИНИСТРИТЕ ЈАНАКИЕСКИ И АДЕМИ НА ЈАВНА РАСПРАВА ВО НЕГОТИНО PDF Печати

  Да се разбие стравот кај населението од изградбата на капацитет за топење на челик и да се утврди дека инвестицијата ќе биде во рамките на законите – беа основните цели на одржувањето на јавната расправа по иницијативата на компанијата ИГМ-трејд од Кавадарци за изградба на железара во атарот на неготинските села Дуброво и Тремник, а на која присуствуваа и активно учество зедоа министрите за транспорт и врски и за животна средина Миле Јанакиевски и Абдулаќим Адеми. По извршената презентација од претставниците на потенцијалниот инвеститор за евентуалните вложувања, дел од присутните со став дека изградбата на еден ваков капацитет негативно ќе влијание врз развојот на лозарството и винарството – гранки со кои се занимаваат и егзистенција обезбедуваат најголем дел од граѓаните на општина Неготино. Одтука и предлогот во јавната расправа да се вклучат и стручни лица од Министерството за земјоделство со изработка на елаборат за можните влијанија на објектот врз лозарството и винарството.

Повеќе...
 
<< Почеток < Пред 121 122 123 124 125 126 127 128 129 130 Следно > Крај >>

Лист 130 од 152