ЈАВНИ НАБАВКИ

Отворено со Вас

Пријави проблем

Проектот за локална и регионална конкурентност (ПЛРК)

Службен гласник

Моја - општина

Skopjediem

Beeconomy

Општина Неготино
Централна прослава по повод празникот „Свети Трифун“ PDF Печати

   Со прием на гости од земјава и странство во кабинетот на градоначалникот на општина Неготино Ванчо Апостолов, одржување на фолклорно дефиле низ улиците на градот, прошетка по штандовите на плоштадот и дегустација од изложените производи и со непосредни средби со локалното население, започнаа активностите од одржувањето на централната манифестација по повод одбележувањето на празникот на лозарите и винарите Свети Трифун во рамките на Неделата на виното. По осветувањето на лозата од страна на свештено лице од МПЦ „Свети Атанасиј“ следуваше пригодно обраќање на првиот човек на општината Апостолов кој на лозарите им посака оваа година да имаат богат и квалитетн род, по што заедно со министерот за транспорт и врски Миле Јанакиески го извршија симболичниот чин на закројување на виновата и со чаша вино им наздравија на присутните на плоштадот. На свеченоста на најуспешните производители на вино и ракии има беа доделени пригодни награди, признанија и пехари, а манифестацијата продолжи со забавно-музичка програма со настап на бројни звезди од македонската естрада.

Повеќе...
 
Претставничката на ОН Винтон на средба со градоначалникот Апостолов PDF Печати

Во рамките на одбележувањето на верскиот празник Свети Трифун покрај многубројните гости од земјава и странство, градоначалникот на општина Неготино Ванчо Апостолов во својот работен кабинет ја прими постојаната координаторка на Обединитетите нации и Постојан претставник на УНДП во Република Македонија Луиза Винтон која придружувана од своте соработници го посети Неготино се цел да ги проследи настаните од централната манифестација по повод Свети Трифун. Првиот човек на општината ја запозна г-ѓа Винтон со активностите кои изминатове два дена беа присутни во општината во рамките на манифестацијата „Недела на виното“, како и за настаните кои ќе се одвиваат во текот на денешниот ден. Претставничката на Обединетите нации Винтон го посети централното градско подрачје и поставените штандови на кои се претставуваат винариите и ја искористи можноста да дегустира од надалеку познатите неготински вина и ракии.

Повеќе...
 
„Ден на вранецот“ во Галеријата на виното PDF Печати

Во присуство на голем број на гости од овој регион, земјава и странство се одржа традиционалниот „Ден на вранецот“ во просториите на манастирот „Свети Ѓорѓи“ во Галеријата на виното,  – настан кој е составен дел од манифестацијата „Недела на виното“ со која се одбележува празникот Свети Трифун. „ Станува збор за вино произведено од една од најавтохтоните македонски сорти грозје – вранец , вино по чие консумирање не останале рамнодушни и не го криеле своето одушевување од неговиот квалитет сите оние кои имале можност да пробааат од виното „вранец“ и токму затоа станува збор за производ кој претставува бренд на македонските винарии“ – истакна во пригодното обраќање градоначалникот на општина Неготино Ванчо Апостолов прогласувајќи го за отворен „Денот на вранецот“. Свое претставување со вино „вранец“ пред присутните имаа 10-тина винарски визби од општина Неготино и регионот, а сите присутни имаа можност да дегустираат и да уживаат во едно од најквалитетните македонски вина.

Повеќе...
 
Покана од градоначалникот Апостолов до граѓаните на Македонија да присуствуваат на прославата по повод одбележувањето на верскиот празник „Свети Трифун“ – сабота 14.02.2015 г. PDF Печати

   Почитува граѓани на општина Неготино, почитувани граѓани на Република Македонија !
Ми претставува чест и задоволство да Ве поканам масовно и во голем број да присуствувате и да ја проследите богатата 7-часовна програма која утре на 14-ти февруари (сабота) ќе се одвива на градскиот плоштад во Неготино, а со која ние како локална самоуправа го прославуваме празникот на лозарите и винарите „Свети Трифун“. Имено, имајќи предвид дека нашиот регион е надалеку познат по лозарството и винарството, веќе неколку денови со должна почит и со низа активности кои се дел од традиционалната манифестација „Недела на виното“, во Неготино се слави светецот кој се смета за заштитник на винарите и лозарите. Централната прослава ќе се одвива во сабота на 14-ти февруари на самиот ден „Свети Трифун“ и истата ќе започне од 11,3о часот со настап на културно-уметнички друштва од земјава и странство, од 12,30 часот е официјалниот дел од програмата со осветување и закројување на виновата лоза, а во оваа пригода ќе им бидат доделени наградите на најсупешните производители на вино и ракија кај индивидуалните производители и винарските визби. Од 13,30 часот започнува богатата музичко-забавна програма со настап на бројни звезди од македонската естрада што гарантира добра забава, а паралелно на бројните штандови на плоштадот ќе се служат специјалитети од храна, пред се традиционалната „неготинска пита“, а сите посетители ќе можат да дегустираат од производите на винарските визби од општина Неготино и регионот.
Поканата е отворена и јавна и се однесува на сите граѓани на нашата држава кои се во можност да дојдат на градскиот плоштад и сите заедно да го прославиме празникот „Свети Трифун“ !

Повеќе...
 
Се одржа дегустација-натпревар на вина и ракии од индивидуални производители PDF Печати

   Над 40 индивидуални производители на вина и ракии од општината и регионот-никогаш повеќе досега, со свои доставени 63 мостри учествуваат на годинашниот натпревар за избор на најдобри вина и ракии, настан со кој започнаа активностите од манифестацијата Недела на виното со која општина Неготино го одбележува верскиот празник Свети Трифун. Во категоријата бели вина пријавени се 25 мостри, црвени 20, како и 18 мостри на ракија. Оценувачката комисија е составена од тројца членови-енолози, а на настанот присуствиваше и градоначалникот на општина Неготино Ванчо Апостолов кој и самиот дегустрираше од пристигнатите мостри. Комисијата ќе го има одлучувачкиот збор околу тоа кои вина и ракии ќе бидат прогласени за најквалитетни, а градоначалникот Апостолов додаде дека оваа година наградите за најдобрите производители ќе се состојат од ножици за кроење, машинки за врзување и буренца кои ќе им бидат од корист на лозарите, а кои пак ќе им бидат врачени на централната прослава на Свети Трифун во сабота на градскиот плоштад во Неготино. Инаку, организиран е и натпревар за најдобри вина од регистрирани винарски визби на кој со свои мостри се пријавени 10 винарии од Македонија и една од Бугарија.

Повеќе...
 
Прес конференција на градоначалникот Ванчо Апостолов PDF Печати

  ПОЧИТУВАНИ  !

СО САМОТО СТАПУВАЊЕ НА ФУНКЦИЈАТА ГРАДОНАЧАЛНИК, ПОКРАЈ МНОГУБРОЈНИТЕ ПРОЕКТИ КОИ СЕ РЕАЛИЗИРАНИ ИЛИ СЕ ВО ФАЗА НА СПРОВЕДУВАЊЕ, ГЛАВЕН АКЦЕНТ ВО МОЕТО И РАБОТЕЊЕТО НА ЛОКАЛНАТА САМОУПРАВА Е СТАВЕН НА ДОЛГОРОЧНО РЕШАВАЊЕ НА ПРОБЛЕМОТ СО ВОДОСНАБДУВАЊЕТО КАКО ВО НЕГОТИНО, ТАКА И ВО НАСЕЛЕНИТЕ МЕСТА !ОПШТО ПОЗНАТО Е ДЕКА ДО НЕОДАМНА СОСТОЈБАТА СО ВОДОСНАБДУВАЊЕТО БЕШЕ КРАЈНО КРИТИЧНА БИДЕЈЌИ ВО ТЕКОТ НА ЕДНО ДЕНОНОЌИЕ НЕГОТИНЦИ СЕ СООЧУВАА СО РЕДУКЦИИ НА ВОДАТА ЗА ПИЕЊЕ ВО ВРЕМЕТРАЕЊЕ ОД 12 ЧАСА, НО СО РЕАЛИЗАЦИЈАТА НА НЕКОЛКУ ПАРАЛЕЛНИ ПРОЕКТИ, СОСТОЈБАТА Е ДРАСТИЧНО ПРОМЕНЕТА ВО ПОЗИТИВНА КОНОТАЦИЈА И СЕГА НЕГОТИНЦИ ИМААТ КОНТИНУИРАНО 24 ЧАСОВНО ВОДОСНАБДУВАЊЕ !ОВИЕ ПОЗИТИВНИ ПРОМЕНИ ВО НАЈГОЛЕМА МЕРКА СЕ ДОЛЖАТ НА РЕАЛИЗАЦИЈАТА НА ПРОЕКТОТ „ХИДРАУЛИЧНО РЕГУЛИРАЊЕ НА ПРИСТИСОКОТ НА ВОДАТА ЗА ПИЕЊЕ“ КОЈ Е ВО ЗАВРШНА ФАЗА И ЗА КОЈ ОПШТИНА НЕГОТИНО ИЗДВОИ 350.000 ЕВРА И СО ТОА СТАНА ПРВА ОПШТИНА ВО РЕПУБЛИКА МАКЕДОНИЈА ВО КОЈА Е ИМПЛЕМЕНТИРАН ЕДЕН ВАКОВ ПРОЕКТ СО КОЈ СЕ ПРИДОНЕСЕ ОКОЛУ 30 ЛИТРИ ВОДА ВО СЕКУНДА КОИ СЕ ГУБЕА ПОРАДИ НАСТАНАТИТЕ ДЕФЕКТИ ДА СЕ ВРАТАТ ВО ВОДОВОДНАТА МРЕЖА И ДА ДОАЃААТ ДО ДОМОВИТЕ НА ГРАЃАНИТЕ !ПРИОРИТЕТЕН ПРОЕКТ ЗА ТЕКОВНАВА 2015 ГОДИНА Е РЕКОНСТРУКЦИЈАТА НА ВОДОВОДНАТА МРЕЖА НА УЛИЦИ ВО НЕГОТИНО ВО ДОЛЖИНА ОД 8 КИЛОМЕТРИ НА КОИ СЕ РЕГИСТРИРАНИ НАЈГОЛЕМИ ЗАГУБИ НА ВОДАТА ЗА ПИЕЊЕ ШТО ЌЕ ПРИДОНЕСЕ ЗА ОТСТРАНУВАЊЕ НА ДЕФЕКТИТЕ, ЕЛИМИНИРАЊЕ НА ЗАГУБИТЕ И ОБЕЗБЕДУВАЊЕ ДОПОЛНИТЕЛНИ КОЛИЧИНИ ВОДА ЗА ГРАЃАНИТЕ НА НЕГОТИНО !ОПШТИНА НЕГОТИНО ВЕЌЕ ГИ ОБЕЗБЕДИ ПОТРЕБНИТЕ СРЕДСТВА ЗА РЕАЛИЗАЦИЈА НА ОВОЈ ПРОЕКТ ВО ВИСИНА ОД 960.000 ЕВРА ОД СВЕТСКАТА БАНКА И СО СОЗДАВАЊЕТО НА НЕОПХОДНИТЕ УСЛОВИ ЗА РАБОТА, ЌЕ ЗАПОЧНАТ И ГРАДЕЖНИТЕ РАБОТИ НА ТЕРЕН !

Повеќе...
 
<< Почеток < Пред 131 132 133 134 135 136 137 138 139 140 Следно > Крај >>

Лист 131 од 209