ЈАВНИ НАБАВКИ

Отворено со Вас

Пријави проблем

Проектот за локална и регионална конкурентност (ПЛРК)

Службен гласник

Моја - општина

Skopjediem

Beeconomy

Кодекс за административни службеници

Кодекс за административни службеници
Општина Неготино
Се уредува просторот околу Спомен-костурницата PDF Печати
   Со средства во висина од околу 4.000.000 денари започнаа градежните активности за реализација на проектот за комплетно уредување на, со децении наназад, целосно запуштениот простор околу културно-историскиот споменик Спомен костурницата во Неготино. Средствата се обезбедени од општина Неготино, Центарот за регионален развој на Вардарскиот плански регион, Министерството за локална самоуправа и Бирото за регионален развој. Согласно изготвениот проект по кој се изведуваат работите на терен, на овој простор ќе бидат уредени јавните површини околу Спомен-костурницата преку набавка и поставување на урбана опрема, уредување на скалите и изградба на пешачки патеки, изградба на фонтана, игралиште за кошарка, за одбојка на песок и шах на отворено, поставување реквизити за најмладите и други придружни елементи. Како што вели градоначалникот на општина Неготино Ванчо Апостолов со завршувањето на целиот проект граѓаните на Неготино ќе добијат уште едно пријатно катче каде слободно време во спортување, одмор и релаксација ќе можат да го минуваат сите заинтересирани граѓани.
Повеќе...
 
Се градат две тениски игралишта во населбата Саат-кула PDF Печати

   Веднаш до постоечкото  и новоизградено мултифункционално игралиште и комплетно реконстриураниот забавен парк во населбата Саат-кула, деновиве интензивно течат градежните работи за изградба на две тениски игралишта со тврда подлога-проекто кој општина Неготино го реализира во соработка со Агенцијата за млади и спорт на РМ. Градоначалникот на општина Неготино Ванчо Апостолов информираше дека ќе се градат две тениски игралишта со димензии 37 на 37 метри квадратни, истите ќе бидат со тврда подлога, просторот околу нив ќе биде ограден, а ќе биде поставено и осветлување за терените да можат да се користат и во вечерните часови. Со завршувањето на проектот, додаде Апостолов, спортистите, рекреативците и другите заинтересирани граѓани покрај земјените тениски терени во склоп на СРЦ Младост ќе имаат на располагање и терените со тврда подлога и самите ќе можат да избираат каде ќе играат тенис. Со изградбата на двојниот тениски терен, се заокружува проектот за изградба на спортско-рекреативен простор во населбата Саат-кула кој до пред извесен период беше комплетно запуштен и оставен на „забот на времето“, а сега претставува пријатно катче за одмор и релаксација на повеќе генерации неготинци.

Повеќе...
 
Утре ќе се доделат сертификатите за учесниците на обуките за пчелари PDF Печати

   На 05.10.2016( среда) во периодот од  16.00-18.30 часот во општина Неготино ќе биде организирано доделувањето на сертификати за учесниците во обуките за пчелари почетници и напредни пчелари во рамките на проектот,,Поддршка и развој на економијата на пчелните производи во прекуграничната област-BEE CONOMY,,За време  на  настанот во фоајето  на општина Неготино ќе бидат изложени неколку добавувачи на пчеларска опрема кои преку дирекна демонстрација на дел од пчеларската опрема ќе им  помогнат на идните  пчеларите и ќе остварат понатамошни контакти.Во продолжение на настанот на барање на пчеларите од страна на експертите ќе биде извршена презентација за медоносни растенија и на крај ќе бидат доделени сертификатите за сите учесници во обуките со кратка ретроспектива за текот на обуките.Истовремено се планира на сите учесниците да им бидат поделени и едукативни материајли кои беа користени за време на обуките.

Повеќе...
 
Во Неготино по 5-ти пат се спроведе акцијата „Македонија без отпад“ PDF Печати

   Во организација на општина Неготино, Министерството за животна средина и просторно планирање и асоцијацијата Ајде Македонија денеска во Неготино по 5-ти пат се реализираше акцијата „Македонија без отпад“ кој има за цел да придонесе преку расчистување на ѓубре и смет од повеќе локации да имаме почиста и поздрава животна средина и околина. Во денешната акција се вклучија ученици од двете основни и средното училиште од градот, здруженија на граѓани, претставници на јавната администрација, екипи на ЈП Комуналец и други заинтересирани граѓани  кои од смет го исчистија целиот простор во и околу Спортско рекреативниот центар „Младост“ кој претставува собиралиште на голем број спортисти, рекреативци и други граѓани кои овде во спортување, одмор и релаксација поминуваат дел од слободното време, додека од отпад беше исчистен и просторот околу СОУ„Св. Кирил и Методиј“. Во акцијата се вклучи и во расчистување даде сопствен придонес и градоначалникот на општина Неготино Ванчо Апостолов кој истакна дека е горд на овие млади луѓе кои беа активни во акцијата за расчистување на отпадот, додавајќи дека нивниот пример треба да го следат сите граѓани, а со единствена цел да имаме почиста и поздрава животна средина. Во денешната акција со механизација и работна рака се вклучија и вработени во ЈП Комуналец кои беа ангажирани на расчистување и отстранување на дивата депонија во близина на спортскиот центар Младост.

Повеќе...
 
Традиционалната акција „Македонија без отпад“ во сабота во Неготино PDF Печати

    Во сабота на 1-ви октомври во нашиот град во организација на општина Неготино, Министерството за животна средина и асоцијацијата „Ајде Македонија“ ќе се реализира традиционалната акција за почиста животна средина и околина „Македонија без отпад“. Организаторите информираат дека акцијата ќе се спроведува во времето од 09 до 12 часот при што со активности за чистење ќе биде опфатен просторот околу СРЦ Младост и околниот предел. Во активностите за расчистување на просторот ќе се вклучат заинтересирани граѓани, ученици од основните и средното училиште, јавната администрација, здруженија на граѓани, како и екипи на ЈП Комуналец со соодветна механизација и работна рака. Притоа, учениците и останатите учесници во акцијата „Македонија без отпад“ ќе бидат ангажирани за расчистување на локациите околу СРЦ Младост, додека екипите на ЈП Комуналец ќе ја расчистуваат дивата депонија настаната на овој простор. Сите заинтересирани подетални информации можат да добијат кај лицата Митко Толовски на телефонскиот број 076/212-094 и Бранко Вељанов на 070/376-749.

Повеќе...
 
Доделени над 100 ваучери за новороденчиња PDF Печати

   На пригодна свеченост која се одржа во големата сала на општина Неготино со доделувањето на нови над 100 вредносни ваучери беше одбележан јубилејот – 3 години од започнувањето на проектот за стимулирање на наталитетот во општина Неготино . Денеска беа доделени 99 ваучери за новороденчиња, како и 5 ваучери за машки лица над 40 години кои за прв пат стапуваат во брак. „Од август 2013-та година кога започна примената на мерката за стимулирање на наталитетот,  а која општина Неготино ја воведе како втора по ред локална самоуправа во Македонија, во изминатиот период од 3 години доделивме над 600 вредносни ваучери во вредност од 7.000 денари за прво или второ родено дете, 14.000 денари  за семејствата кои имаат трето дете и 30.000 за машки лица над 40 години кои за прв пат стапуваат во брак“-истакна градоначалникот на општина Неготино Ванчо Апостолов на денешната пригодна свеченост на која беа доделени нови над 100 ваучери и на која беше одбележана 3-годишнината од започнувањето на проектот. Со истиот, потенцираше Апостолов, успеавме да ја зголемите стапката на наталитетот во општина Неготино за околу 20 отсто, а задоволството од проектот редовно го искажуваат и самите корисници на ваучерите кои додаваат дека за нив како млади родители секоја финансиска поддршка е добредојдена, па така и оваа која ја доделува општината. Градоначалникот најави дека реализацијата на овој проект ќе продолжи и во наредниот период.

Повеќе...
 
<< Почеток < Пред 131 132 133 134 135 136 137 138 139 140 Следно > Крај >>

Лист 133 од 248