Општина Неготино
С О О П Ш Т Е Н И Е PDF Печати
   Општина Неготино ги информира граѓаните дека со цел за заштита на веќе изградени објекти и поставена опрема, на повеќе локации во градот ќе бидат поставени видео-камери кои ќе вршат 24 часовен надзор над истите со единствена цел да се стави крај на нивните оштетувања или уништувања. Секој несовесен поединец или група граѓани  кои ќе бидат  регистрирани на камерите дека прават  несакани дејства ќе бидат пријавени  до надлежните институции и против нив  ќе биде поднесена соодветна пријава пред судските органи. Се замолуваат граѓаните кои ќе забележат дека одредено лице или групи вршат оштетувања на објектите од општо добро, да пријават на веб страницата на општина Неготино или да се јават на телефонскиот број 361-045.
 
ВО НЕГОТИНО ОТВОРЕНИ КАНЦЕЛАРИЈА И ИНФО-ЦЕНТАР ЗА ЕНЕРГЕТСКА ЕФИКАСНОСТ PDF Печати

   Директорот на Агенцијата за енергетика Лазар Гечевски, постојаниот кооординатор на ООН и постојан претставник на УНДП во Македонија Луиза Винтон и градоначалникот на општина Неготино Ванчо Апостолов денеска на пригодна свеченост ги предадоа во употреба канцеларијата за заедничко одделение за енрегетска ефикасност и информативниот центар за потребите на 8-те општини од Вардарскиот плански регион кои се сместени во централното градско подрачје во просториите на Туристичко-информативниот центар Желкова куќа во Неготино. Станува збор за реализација на проект врз основа на предходно склучен договор од страна на градоначалниците на осум општини, кој според зборовите на директорот Гечевски претставува одличен пример за меѓуопштинска соработка за заедничко спроведување на локалните надлежности и препорача примерот да го следат и имплементираат и останатите региони во земјава.

Повеќе...
 
И НЕГОТИНЦИ МАСОВНО ЈА ЗАСАДИЈА СВОЈАТА ИДНИНА PDF Печати

   Под мотото ,, Засади здравје, засади здрава иднина ,, голем број граѓани на општина Неготино по 12-ти пат ја засадуваа својата иднина во рамките на акцијата ,, Ден на дрвото-засади ја својата иднина ,, која се спроведуваше на територијата на цела држава. Најпрво, локалната администрација предводена од градоначалникот на општина Неготино Ванчо Апостолов, претставници од установи и институции со асистенција на вработени во локалното комунално претпријатие засадија дрвја во населбата Саат-кула во непосредна близина на новоизграденото повеќенаменско игралиште и реконструираниот детски забавен парк, каде што во блиска иднина ќе се градат и тениски игралишта, со што ќе се заокружи спортско-забавниот комплекс кој пак ќе биде опкружен со дрвја и останато зеленило. Веднаш потоа стотици граѓани се упатија на локалитетот Големо брдо на 10 километри оддалелеченост од Неготино каде што се одвиваше центѕралниот настан на пошумување на тој простор. Во акцијата се вклучи и неколку дрвја засади и заменик-министерот за животна средина и просторно планирање Стево Темелковски кој истата ја оцени како мошне успешна и корисна и со која се придонесува за спротиставување на климатските промени, загадувањето и глобалниот раст на индустријализацијата.

Повеќе...
 
НЕГОТИНО ИЗГОТВУВА ПРОЕКТ ЗА РЕКОНСТРУКЦИЈА НА ВОДОВОДНАТА МРЕЖА PDF Печати

   Градоначалникот на општина Неготино Ванчо Апостолов оствари работна средна со претставник на проектантска фирма која е задолжена за изготвување на основен проект за изградба на водоводна линија, технолошка водоводна линија и фекална и атмосферска мрежа на вкупно 16 улици во Неготино во различна должина од 260 до 1.175 метри кај кои се детектирани дефекти на водоводот кои пак предизвикуваат загуби на водата за пиење која доаѓа до домовите на граѓаните. Како основа за проектот ќе се користат сите расположливи подлоги од кои можат да се добијат потребните информации за микролокациите на просторот, геотехничките услови и законската и техничката регулатива. Инаку, реализацијата на овој проект е врз основа на добиените податоци од извршената анализа и изработената студија од страна на стручна фирма која изврши детални испитувања на состојбите со водоводната мрежа и констатираше голем број на дефекти кои придонесуваат за создавање на загубите од вода и до 70 отсто. Според зборовите на градоначалникот Апостолов, реконструкцијата на водоводната мрежа и евентуалната изградба на резервоар драстично поголем од постоечкиот ќе се финансираат со обезбедени средства од Германската KFV и доколку бидат одобрени и со средства од Светската банка.

Повеќе...
 
Реализирани проекти и активности во општина Неготино PDF Печати
 
ТРИБИНА ЗА ПОГОЛЕМА БЕЗБЕДНОСТ ВО СООБРАЌАЈОТ ВО НЕГОТИНО PDF Печати

   Во организација на локалната самоуправа и Општинскиот совет за безбедност на сообраќајот на патиштата во рамките на одбележувањето на ,, Светскиот ден за сеќавање на жртвите од сообраќајни незгоди ,, денеска во големата сала на општина Неготино во присуство на голем број ученици од неготинските училишта се одржа трибина на тема ,, Како до помалку сообраќајни несреќи со фатални последици ,,.  На трибината присуствуваа и пред присутните со излагања на темата се обратија претставници на Општинскиот совет за безбедност на сообраќајот на патиштата, општинскиот инспектор по сообраќај, одговорните во Полициската станица во Неготино и претставници од итната медицинска помош при Здравствениот дом од Неготино. Како што изјави секретарот на општина Неготино Сашко Јанев целта на трибината е преку вакви и слични настани да се зголеми нивото на безбедност во сообраќајот и сообраќајната култура на сите учесници, со што пак се очекува и да се постигне крајниот и посакуван ефект – на ова подрачје да има што е можно помал број жртви во сообраќајни незгоди.

Повеќе...
 
<< Почеток < Пред 131 132 133 134 135 136 137 138 139 140 Следно > Крај >>

Лист 136 од 189