Општина Неготино
ОПШТИНА НЕГОТИНО СЕ ВКЛУЧИ ВО АКЦИЈАТА ,, МАКЕДОНИЈА ЗЕМЈА НА ЦВЕЌЕТО – ЗЕМЈА НА РОЗИТЕ ,, PDF Печати
Градоначалникот на општина Неготино Ванчо Апостолов, претставници на локалната администрација и вработени во ЈП Комуналец со засадување на рози на повеќе локации во градот се вклучија во Националната еколошка акција за засадување на рози под мотото ,, Македонија земја на цвеќето-земја на розите ,,. Кампањата, според зборовите на градоначалникот Апостолов, се спроведува по повод Денот на пролетта со единствена цел масовно да се засадат што е можно повеќе рози кои при денешната акција беа посадени во реконструираниот забавен парк во населбата Саат-кула, пред единаесеткатницата, долж улицата Маршал Тито, кај градскиот Музеј и на други локации, при што беа засадени над 600 рози. Розата, покрај тоа што е повеќегодишно цветно растение кое лесно се одгледува, има и исклучителна способност да ги акумулира тешките метали од водата, воздухот и почвата. Може да живее од 20 до 30 години, цвета уште во првата година од засадувањето и е расцветана 200 денови во годината.

Повеќе...
 
Три театарски претстави во рамките на Фестивалот на аматерскиот театер во организација на Општина Неготино PDF Печати
   Во рамките на програмата за култура, а по повод Денот на театарот 27 март, оваа година општина Неготино во соработка со Центарот за култура “Aцо Ѓорчев” по трет пат го организира ревијалниот Фестивал на аматерски театар “Неготино 2014”. Во рамките на истиот ќе бидат изведени три театарски претстави, во изведба на аматерските театри од неколку града од државата.
Првата претстава со која ќе биде отворен фестивалот е култната македонска театарска претстава “Тетовирани души”, со текст на неповторливиот Горан Стефановски, а во изведба на Градскиот театар “Сцена 71” од Свети Николе.
Под режисерската палка на Слободан Елисеев и Александар Миќев , актерската група составена од вкупно 14 актери, на 25 март, вторник во 19 часот на големата сцена во НУЦК “Ацо Ѓорчев” ќе ја изведат премиерата на овој македонскиот трилер пред неготинската публика.
Втората, исто така култна претстава, која претставува вистински сценско-музички перформанс е драмата “Коштана” од српскиот автор Борислав Станковиќ. Истата е една од начесто изведуваните и најпосакуваните претстави на Балканот. Претставата ќе биде изведена од актерска група од 14 актеричленови на аматерскиот театар од Демир Капија. Режијата е на долгогодишниот актер и режисер Димче Бањански, а музиката на Благој Глушков и Горан Костадинов. Среда, 26 март, Центар за култура “Ацо Ѓорчев”.
Последната претстава со која воедно ќе биде затворено овогодинешното издание на фестивалот е комедијата (кабарето) “У кафанче карши станче” во изведба на кумановскиот театар, а истата ќе биде изведена на 27 март во 19 часот во центарот за култура “Ацо Ѓорчев”.
Повеќе...
 
ОПШТИНА НЕГОТИНО ЌЕ ДОБИЕ НОВО ПРОТИВПОЖАРНО ВОЗИЛО PDF Печати
   Следејќи го примерот на над 25 општини од Република Македонија кои на овој начин за потребите на Противпожарните единици обезбедија нови возила, Советот на општина Неготино го усвои Меморандумот за разбирање со претставникот на Операција Флоријан според кој на општина Неготино ќе и биде донирано противпожарно возило целосно опремено со неопходната опрема, како и опрема за спасување при сообраќајни несреќи. Исто така, за по 6 пожарникари од противпожарната и спасувачката служба од ППЕ-Неготино ќе бидат обезбедени еднонеделни обуки, а паралелно тимот на оценувачи составен од стручни лица ќе го ревидира и ќе го следи напредокот на договорениот акционен план, со единствена цел за потврдување на листата со сет мерки кои ќе се преземат за да се обезбеди континуиран развој на активностите на заедницата на општина Неготино и противпожарната испасувачката служба. Со новото возило ќе дојде до збогатување на возниот парк на ППЕ-Неготино и ќе се создадат услови за уште побрзо интервенирање при евентуално случување на пожари и ќе се зголеми ефикасноста при нивното гасење. Инаку, одлуката на Советот беше поддржана од 10 советници, додека советниците од редовите на опозицискиот СДСМ гласаа против донесувањето на истата.
Повеќе...
 
ВО ТИМЈАНИК ОТВОРЕН ДНЕВЕН ЦЕНТАР ЗА СТАРИ ЛИЦА PDF Печати
   Пензионерите од Тимјаник, но и останатите повозрасни  жители на ова село, од денеска на располагање имаат пријатно катче каде  можат во одмор и релаксација да поминуваат дел од слободното време. Имено, во функција е ставен и веќе започна да функционира Дневниот центар за стари лица во Тимјаник кој се простира на површина од над 150 метри квадратни и располага со 5 простории, санитарии и помошни простории –простор кој се смета дека е доволен да ги задоволи потребите на пензионерите и возрасните лица од Тимјаник. За потребите од непречено функционирање на овој дневен центар за стари лица ангажирани се 2 стручни лица кои во рамките на извршувањето на работните обврски ќе им излегуваат во пресрет на барањата на лицата кои ќе престојуваат во овој Дневен центар.
Повеќе...
 
ЗАПОЧНА АСВАЛТИРАЊЕТО НА ПАТНИОТ ПРАВЕЦ ТИМЈАНИК – ДОЛНИ ДИСАН PDF Печати
   Работници на Градежното претпријатие Гранит од денеска започнаа со изведување на асвалтерските работи на патниот правиц од Тимјаник – Долни Дисан – проект финансиран со средства од Агенцијата за државни патишта, Агенцијата за финансиска поддршка во земјоделството и руралниот развој и од Буџетот на општина Неготино. Станува збор за асвалтирање на еден од најфреквентните и најоштетени патишта на ова подрачје во должина од над 4,5 километри, од кои првите 3 километри се реконструираат со средства во висина од 27.000.000 денари од Агенцијата за државни патишта обезбедени од Европската банка за обнова и развој, додека останатите над 1,5 километар се уредуваат со средства од Агенцијата за финансиска поддршка на земјоделството и руралниот развој од 10.492.000 денари, додека општина Неготино од сопствениот Буџет партиципира со средства во висина од 4.258.000 денари. Според проектот, извршено е тампонирање и проширување на коловозот од 4,5 на 5,5 метри, поставени се бетонски рабници, а како што веќе рековме, од денеска започна асвалтирањето на овој патен правец. Од службата за информирање при општина Неготино ги запознаваат граѓаните дека асвалтерските работи ќе траат до крајот на оваа работна недела при што во времето до 16 часот сообраќајот на овој патен правец нема да се одвива, а наедно и апелираат до возачите кои ќе се упатуваат до и од Долни Дисан по овој пат на внимателност при управувањето со возилата, бидејќи долж целиот пат е присутна механизацијата на Гранит.
Повеќе...
 
ДОДЕЛЕН 100-ТИОТ ВАУЧЕР ЗА НОВОРЕНО ДЕТЕ PDF Печати
   На пригодна свеченост што се одржа во големата сала на општината, градоначалникот на општина Неготино Ванчо Апостолов го додели јубилејниот 100-ти ваучер за новородено дете во рамките на третото доделување  на овој вид еднократна помош кое започна од месец септември. Имено, денеска градоначалникот Апостолов додели вкупно 37 ваучери на родители кои во изминатите два месеца-јануари и февруари имале принова во семејството, со што, со предходно доделените за месеците септември и октомври и ноември и декември, се стигна до бројка од 100 доделени ваучери за стимулирање на наталитетот на подрачјето на општина Неготино. Градоначалникот истакна дека се остваруваат предвидувањата базирани на статистички податоци дека годишно во неготинска општина се раѓаат околу 200 бебиња, за што од општинскиот Буџет ќе бидат издвоени средства во висина од околу 1,5 милион денари. Апостолов на сите присутни им ги честиташе приновите во семејство, а тие, задоволни од добиените ваучери, изразија јавна благодарност за поддршката што ја добија од градоначалникот и општина Неготино.
Повеќе...
 
<< Почеток < Пред 131 132 133 134 135 136 137 138 139 140 Следно > Крај >>

Лист 137 од 196