Општина Неготино
ИЗВЕДЕНО ПАНОРАМСКО РАЗГЛЕДУВАЊЕ НА ОПШТИНА НЕГОТИНО PDF Печати

   Благодарение на континуираната и одлична соработка што локалната самоуправа Неготино ја има со Армијата на Република Македонија и претставниците на Армискиот полигон Криволак, денеска како продолжение на цивилно-воената соработка беше реализирано панорамско разгледување на општина Неготино и поширокиот регион во радиус од околу 50 километри. За таа цел, Армијата на Република Македонија на располагање стави еден од сопствените хеликоптери со кој на два пати во времетраење од по 15-тина минути се изврши разгледување, а претставниците на локалните телевизии ја искористија можноста да направат панорамски снимки кои во иднина ќе ги користат за сопствените потреби. Меѓу патниците во хеликоптерот беше и градоначалникот на општина Неготино Ванчо Апостолов кој имаше можност од високо да ја разгледа територијата на општината со која раководи, а полковникот Кире Колевски од воздухопловната бригада на АРМ ја истакна подготвеноста досегашната одлична соработка да продолжи да се одвива и во наредниот период.

Повеќе...
 
ЗАПОЧНА РЕКОНСТРУКЦИЈАТА НА ПАТОТ ТИМЈАНИК – ДОЛНИ ДИСАН PDF Печати

   После долги години, започнаа градежните активности за комплетна реконструкција и асфалтирање на еден од најфреквентните и најоштетените патни правци на територијата на општина Неготино, патот Тимјаник – Долни Дисан. Работници на градежното претпријатие Гранит веќе извесен период се на терен и ги изведуваат неопходните подготвителни пред стартот на главните работи на овој патен правец. Инвеститор е Агенцијата за државни патишта на Република Македонија, а потребните средства во висина од околу 27 милиони денари за спроведување на првата фаза од проектот се обезбедени од Европската банка за обнова и развој. Според проектот, предвидено е вадење на стариот асфалт, тампонирање, проширување на коловозот од 4,5 на 5,5 метри и потоа асфалтирање на патот во должина од близу 3 километри. Останатиот дел од патот Тимјаник – Долни Дисан во должина од околу 1,5 километар ќе се реконструира и асфалтира со средства во висина од 12,5 милиони денари преку Програмата за рурален развој од Агенцијата за поддршка на земјоделието, а од истата Агенција обезбедени се и 7,5 милиони денари за  партерно уредување на централното подрачје во Долни Дисан. Исто така, општина Неготино ги обезбеди потребните средства од 17,5 милиони денари за реконструкција и асфалтирање на 800 метри од патот Вешје-Горни Дисан.

Повеќе...
 
Се гради мултифункционално игралиште во населбата Саат-кула PDF Печати

   Течат грдежните активности за изградба на мултифункционалното игралиште во населбата Саат-кула во Неготино. Според основниот проект, во состав на овој спортски комплекс ќе има игралишта за фудбал, ракомет и кошарка кои ќе претставуваат одлична можност младите, и не само тие, дел од слободното време да минуваат во спорт и рекреација.Потребните финансиски средства во висина од 7 милиони денари се обезбедени од Агенцијата за млади и спорт на Република Македонија, а покрај изградбата на игралиштата предвидено е поставување на ограда околу нив, како и рефлектори со единствена цел терените да можат да се користат и во вечерните часови.Се очекува работите околу изградбата на мултинаменското игралиште во Неготино да завршат до крајот на тековнава година.

Повеќе...
 
НОВО ИГРАЛИШТЕ ВО СКЛОП НА ПОДРАЧНОТО УЧИЛИШТЕ ВО ТИМЈАНИК PDF Печати

   Учениците од подрачното училиште во Тимјаник кое дејствува во склоп на Општинското основно училиште Гоце Делчев од Неготино добија ново игралиште за мали спортови и тоа фудбал, кошарка, одбојка и ракомет. Ова игралиште е од голема важност за 68-те ученици кои ќе можат активностите по физичко и здравствено образование да ги реализираат во нормални услови, а бенефитите ќе ги уживаат и останатите млади од Тимјаник кои ќе можат да ги користат терените за чија изградба беа реализирани средства во висина од  350.000 денари.

Повеќе...
 
Библиотеката „Страшо Пинџур“ ги прогласи најчитателите во Неготино PDF Печати

   Локалната библиотека „Страшо Пинџур“ од Неготино на пригодна свеченост на која присуствуваше и градоначалникот на општина Неготино Ванчо Апостолов ги прогласи и ги награди најчитателите кои за време на летниот период изнајмиле и прочитале најмногу книги.На читателите кои по извршениот мониторинг за изнајмени и прочитани книги беа прогласени за најдобри од страна на директорката Данаилова и градоначалникот Апостолов им беа доделени дипломи и пригодни награди.За најчитатели од основните општински училишта беа прогласени Кристина Василева, Александра Шијаковска, Даниела Василева, Владанка Тефова и Игно Јанчев, додека од средното училиште Св. Кирил и Методиј библиотеката за најчитатели ги прогласи Кристина Николова и Павлинка Ристова.Во категоријата возрасни за најмногу прочитани книги пригодни награди добија Маргарита Пиштолова и Ана Симонова.

Повеќе...
 
ПРИЕМ ЗА УЛТРАМАРАТОНЕЦОТ СИМОНОВСКИ КАЈ ГРАДОНАЧАЛНИКОТ АПОСТОЛОВ PDF Печати

   Професорот по физичко и здравствено образование Зоран Симоновски кој беше еден од 16-те учесници на ултрамаратонот кој се трчаше од Нова Градишка до Крушево во чест на 6-годишнината од загинувањето на македонската легенда Тоше Проески денеска беше примен од градоначалникот на општина Неготино Ванчо Апостолов при што во краткиот разговор ги пренесе импресиите од ова , за него, несекојдневно доживување. Симоновски потенцираше дека тој е првиот ултрамаратонец од Неготино кој има земено учество во маратонот и во детали го запозна првиот човек на општината со рутите кои ги трчал заедно со своите колеги,  се до пристигнувањето и поклонувањето пред вечното почивалиште на Тоше во Крушево. Неготинскиот маратонец ја потенцираше и неопходната поддршка од техничкиот организатор професорот Наум Капрачевски и додаде дека благодарение на одличната организација, активностите од маратонот течеле според утврдената динамика. Градоначалникот Апостолов го поздрави успехот на Симоновски, му посака учество и на други вакви и слични манифестации, со порака во истите да се вклучат и други млади заинтересирани граѓани од општината.

Повеќе...
 
<< Почеток < Пред 131 132 133 134 135 136 137 138 139 140 Следно > Крај >>

Лист 139 од 189