ЈАВНИ НАБАВКИ

Отворено со Вас

Пријави проблем

Проектот за локална и регионална конкурентност (ПЛРК)

Службен гласник

Моја - општина

Skopjediem

Beeconomy

Општина Неготино
Дечињата од игралните во руралните средини добија новогодишни пакетчиња PDF Печати

    „Функционирањето на 7-те детски игрални во руралните средини во неготинска општина се покажа како доста успешен проект и токму затоа локалната самоуправа со средства од општинскиот Буџет ќе продолжи со финансирање на нивното работење „ – истакна градоначалникот на општина Неготино Ванчо Апостолов кој оствари работна посета на 4 игрални лоцирани во селата Долни Дисан, Тимјаник, Војшанци и Црвени Брегови. Оваа прилика првиот човек на општината ја искористи на дечињата кои престојуваат во игралните да им додели новогодишни пакетчиња и да им посака среќна Нова година, а тие пак во знак на благодарност тие изведоа богата културно-уметничка програма. Што се однесува до дечињата од останатите 3 игрални кои функционираат во Тремник, Пепелиште и Криволак, тие новогодишните пакетчиња ќе ги добија заедно се дечињата од двата клона на градинката Фемо Кулаков на пригодната свеченост која ќе се одржи во вторник.

Повеќе...
 
Потпишан договорот со Светска банка за подобрување на водоснабдувањето PDF Печати

    Во рамките на реализацијата на неколкуте паралелни проекти за подобрување на водоснабдувањето на подрачјето на неготинска општина, градоначалникот на општина Неготино Ванчо Апостолов и официјално стави потпис на договорот со Светската банка со која оваа финансиска институција на нашата општина и одобри кредитни средства во висина од близу 1.000.000 евра. Според зборовите на Апостолов овие средства ќе бидат употребени за реализација на 2 проекти и тоа реконструкција на водоводната мрежа во должина од 8 километри на вкупно 15 улици во Неготино каде што се регситрирани најголеми загуби на водата за пиење, а наедно ќе се гради и нов резервоар за обезбедување дополнителни количини вода за населението од цела општина. Инаку, локалната самоуправа има изготвено и проект и со истиот до Светска банка ќе аплицира за добивање грант-средства за комплетна реконструкција на патот од Г.Дисан до Вешје.

Повеќе...
 
Новогодишна и Божикна честитка од поглаварот на МПЦ до градоначалникот Апостолов и граѓаните на Неготино PDF Печати

   „Новото лето и Христовото рожденство нека Ви донесат здравје, среќа и бериќет„ – се вели меѓу другото во Новогодишната и Божиќната честитка од поглаварот на Македонската православна црква – Архиепископот Охридски и Македонски г.г Стефан упатена до градоначалникот на општина Неготино Ванчо Апостолов и до сите граѓани на општина Неготино. „ Синот Божји, Господ Исус Христос, како Богочовек дојде во светот за да не направи синови Божји, за да ни даде можност преку верата и добрите дела да го осмилсуваме својот живот. Божик – празникот на мирот и радоста нека ни ја засили верата, па живејќи по заповедите и законите Божји- да се удостоиме со средба со вечниот Богомладенец. Христос се роди ! Честитот и од Бога благословено Новото Лето !

                                                                                               АРХИЕПИСКОП ОХРИДСКИ И МАКЕДОНСКИ

                                                                                                          ГОСПОДИН, ГОСПОДИН СТЕФАН

 
Неготино соодветно украсено за Новогодишните и Божикните празници PDF Печати

   Општина Неготино во пресрет на престојните празници презеде низа активности за соодветно украсување на градот и доловување на Новогодишна и Божикна атмосфера. Така, од пред извесен период комплетно е украсен градскиот плоштад каде што со својата убавина покрај останатите елементи доминираат новогодишната елка и sвезденото небо, исто така, украсни елементи се поставени долж главните улици Маршал Тито и Партизанска и покрај градскиот кеј, старата градска чаршија, зградата на општина Неготино и непосредната околина, а свој придонес даваат и граѓаните и фирмите кои ги имаат украсено своите домови и деловни објекти, со што се создава една навистина прекрасна предновогодишна атмосфера.

Повеќе...
 
Во Индустриската зона „Неготино“ продадени сите 17 градежни парцели PDF Печати

   Имено, на последното одржано јавно наддавање организирано од страна на стручните служби при локалната самоуправа, по електронски пат се продадоа и преостанатите 7 градежни парцели на површина од 8 хектари, со што сите понудени парцели лоцирани во Индустриската зона Неготино кај Црвени Брегови со намена за Г-2 лесна индустрија и Г-4 стоваришта, се продадени. На предходно одржаните 2 јавни наддавања се продадоа вкупно 10 градежни парцели на површина од 16 хектари, што значи продадени се сите понудени 17 парцели на вкупна површина од околу 24 хектари. Со оглед на одличната местоположба на Индустриската зона, огромниот интерес за купување на градежните парцели беше очекуван, имајќи предвид дека зоната се наоѓа во централното подрачје на нашата држава, со автопат и регионален пат во непосредна близина, како и железничката пруга. Се очекува, по добивањето на неопходните за тоа градежни дозволи, инвеститорот со изградба на предвидената инфраструктура да започне во текот на наредната година.

Повеќе...
 
Повик за стипендирање PDF Печати

Конзулатот на Република Унгарија во Македонија достави информативен материјал до општините од Република Македонија  со цел истите да бидат достапни и проследени  во јавноста.

Информативниот материјал се однесува на    Програмата за Школарина на  Унгарската Влада за Академската 2015-2016 година која објавува повик за стипендирање и поддршка на заинтересирани лица за Магистерски студии на 3 Универзитети во Унгарија  кои ќе се спроведуваат на Англиски јазик во следниве области:

1.Животинска исхрана и безбедност на храната
2.Заштита на рaстенијата
3.Рурален развој и агробизнис

Подетално околу условите на повикот  и начинот на аплицирање  можете да се запознаете преку достапните документи  на веб страната на општина Неготино
www.negotino.gov.mk

-Опис на Програмата за школарина
-Е-маил процедура за аплицирање

2015_Application_Form

2015_Hungary_Course_Description

 
<< Почеток < Пред 131 132 133 134 135 136 137 138 139 140 Следно > Крај >>

Лист 139 од 214