ЈАВНИ НАБАВКИ

Отворено со Вас

Пријави проблем

Проектот за локална и регионална конкурентност (ПЛРК)

Службен гласник

Моја - општина

Skopjediem

Beeconomy

Општина Неготино
Одбележана Детската недела во неготинската градинка PDF Печати
   150 дечиња од клонот Мајски цвет при Детската градинка Фемо Кулаков, вработените и директорката на градинката Весна Нацева заедно со нивниот гостин- градоначалникот на општина Неготино Ванчо Апостолов со работна активност го завршија 7-дневното одбележување на Неделата на детето. Сите заедно, поделени во групи, беа ангажирани на правење на гроздови од стари весници, за на крајот истите да се соберат и да се создаде еден огромен грозд како симбол на општина Неготино. Присуството на пригодната свеченоста градоначалникот Апостолов го искористи од име на општина Неготино да донира вредносен ваучер од 30.000 денари – средства кои градинката ќе ги намени за купување играчки и други материјали, со единствена цел престојот на дечињата во градинката да им биде што е можно попријатен.
Повеќе...
 
Започна со работа советувалиште за брак и семејство PDF Печати

   Давање помош и поддршка на поединци и семејства во ситуација на присутни проблеми во бракот и семејството, помош и поддршка на брачните парови во надминувањето на проблемите, кризата во комуникацијата и други потешкотии, помош и поддршка за деца во случаи на развод на брак на нивните родители, како и советодавна работа со малолетни лица- се само дел од активностите кои ќе се реализираат во денес отвореното Советувалиште за брак и семејство кое ќе делува во рамки на Центарот за социјална работа Неготино. Советувалиштето кое е сместено во една од просториите во Желковата куќа ќе работи секоја прва сабота во месецот од 9,30 до 14,30 часот и во вторник од 10 до 18 часот. Услугите се бесплатни, а дискрецијата и непристрасноста се загарантирани.

Повеќе...
 
Факелот на мирот и учесниците во трката престојуваа во Неготино PDF Печати

   Неготино денеска беше домаќин на учесниците во глобалната манифестација позната како „ Трка на мирот -2014г. “ – глобална штафетна трка која нема натпреварувачки карактер. Во истата учествува интернационален тим на маратонци на кои во текот на денешниот ден им се приклучија и 15 ученици од ОУ Страшо Пинџур кои подавајќи го факелот на мирот од рака на рака преку заедничко трчање го промовираа меѓународниот мир, единство, пријателство и разбирање. Претставникот на организаторот Дибаваџан Реџан на градоначалникот на општина Неготино Ванчо Апостолов му го предаде факелот на мирот и во своето обраќање за заблагодари на топлиот и срдечен прием во нашиот град, додавајќи дека трката започнала од Португалија, поминала низ многу европски земји меѓу кои и Република Македонија, а трката завршува во Белград – Република Србија. Градоначалникот Апостолов во своето обраќање го искажа задоволство од пружената можност и наши сограѓани да дадат придонес во традицијата на подавање на факелот од рака на рака истакнувајќи дека импресинво звучат бројките дека присутните маратонци во текот на целата трка ќе претрчаат вкупно 24.000 километри поминувајќи низ 49 земји. По кратката културно-уметничка програма, учесниците на трката на мирот заедно со факелот го продолжија своето патешествие низ други општини во земјава.

Повеќе...
 
Трката за мир 2014 во Неготино PDF Печати
   На 2 октомври (четврток) Општина Неготино ќе биде домаќин на глобалната манифестација позната како “Peace Run 2014”. Трката за мир е глобална штафетна трка која нема натпреварувачки карактер. Составена е од интернационален тим на маратоци и има за цел да промовира меѓународен мир, единство, пријателство и разбирање. Подавајќи го факелот од рака на рака, трката поминуваниз многу држави на различни континенти и на тој начин поврзува многу градови, населби, училишта, организации и луѓе од различни националности и култури насекаде во светот. На Европскиот Континент, Трката за Мир се одржува на секои две години, посетува 49 земји и поминува 24.000 километри.
Централниот настан под наслов “Порака за мир”, со кој општина Неготино ќе го дочека интернационалниот тим на траката, ќе се случи на Градскиот плоштад во Неготино на 2 октомври (четврток) со почеток во 9 часот наутро. На истиот, свое обраќање ќе имаат градоначалникот на Општина Неготино г-нот Ванчо Апостолов и претставникот на меѓународниот тим на “Peace Run 2014”, а ќе биде организирана и културна програма во духот на светскиот мир, пријателство и разбирање.
Повеќе...
 
Можат да се доставуваат предлози за награда и признанија по повод 8-ми Ноември PDF Печати

   Локалната самоуправа Неготино во пресрет на одбележувањето на општинскиот празник 8-ми Ноември- Денот на ослободувањето на Неготино, како и секоја, така и оваа година ги информира сите заинтересирани правни и физички лица од општината дека до надлежната комисија за при општинскиот Совет можат да доставуваат предлози за доделување на награди и признанија по повод 8-ми Ноември. Подносителите на предлози можат да доставуваат кандидатури во 3 категории и тоа – предлог за највисоката општинска награда 8-ми Ноември за животно дело, за признанија по повод општинскиот празник, како и предлози за признанието почесен граѓанин на општина Неготино. Со предлозите потребно е да се достави и кратко образложение во писмена форма за предложените кандидати и институции , предлозите ќе бидат разгледани од страна на членовите на комисијата за награди и признанија при Советот на општината, додека конечната одлука за годинашниве добитници на наградата и признанијата по повод 8-ми ноември ја донесуваат советниците во Советот на општина Неготино. Предлозите во писмена форма можат да се доставуваат до архивата на општина Неготино најдоцна до понеделник 20-ти октомври, оваа година.

Повеќе...
 
„Опен фан фудбал школа“ по 14-ти пат во Неготино PDF Печати
   Со цел за поттикнување на младите за нивно активно учество во спортските активности и рекреација општина Неготино и оваа година по 14-ти пат на градскиот стадион ја организираше манифестацијата „Опен фан фудбал школа“ на која учество зедоа околу 100 дечиња на возраст од 6 до 12 години кои тајните на фудбалската игра ги запознаваа со помош и менторство на шест тренери и еден лидер на школата. Инаку, општина Неготино е една од ретките која веќе 14 пати ја поддржува работата на оваа фудбалска школа и преку истата на најмладите им овозможува со игра и забава да се запознаваат со тајните на фудбалската игра, меѓусебно да другаруваат и притоа да се забавуваат. Идејата е на децата да им се овозможи едно богато и вредно искуство во играта со топка, да се промовира играта, да се пронајдат нови играчи и да се промовира нивниот талент. Токму поради ова јас како градоначалник и општина Неготино ќе вложиме напори и во иднина оваа манифестација да продолжи да се реализира и да биде уште помасовна, па да се надеваме дека од учесниците ќе произлезат фудбалери кои ќе ги бранат боите на неготински Вардар, на репрезентацијата на Македонија или пак ќе настапуваат во големите европски клубови.
Повеќе...
 
<< Почеток < Пред 131 132 133 134 135 136 137 138 139 140 Следно > Крај >>

Лист 140 од 209