Општина Неготино
ОДБЕЛЕЖАНА НЕДЕЛАТА НА ДЕТЕТО ВО ДЕТСКАТА ГРАДИНКА ВО НЕГОТИНО PDF Печати
   Како и во изминатите, така и оваа година првата недела од месецот октомвери во двата клона Пролет и Мајски цвет на детската градинка Фемо Кулаков во Неготино беше одбележана со низа пригодни активности во рамките на Одбележувањето на Неделата на детето и Светскиот ден на детето. Дечињата кои престојуваат во клонот Пролет во рамки на одбележувањето на Неделата на детето беа посетени и му посакаа добредојде во, како што самите рекоа, нивниот втор дом на градоначалникот на општина Неготино Ванчо Апостолов кој извесен период беше во градинката, помина дел од слободното време со воспитно-образовниот кадар и се запозна со условите за престој во градинката. Во таа прилика, од име на општината градоначалникот Апостолов на градинката и донираше средства во висина од 30.000 денари кои според директорката Весна Нцева ќе бидат наменети за набавка на дидактички материјал кој ќе им служи на повеќе генерации дечиња кои ќе посетуваат градинка. Инаку, активности од Неделата на детето имаше во двете градинки во Неготино и трите градинки во населените места.
Повеќе...
 
АРХЕОЛОШКИ ИСТРАЖУВАЊА НА ЛОКАЛИТЕТОТ ,, БЕЛА ЗЕМЈА ,, КАЈ НЕГОТИНО PDF Печати
   Археолошките истражувања и ископувања на територијата на општина Неготино продолжуваат на локалитетот Бела земја во близина на селото Пепелиште. Стручен тим на археолози од Институтот за археологија при Универзитетот Свети Кирил и Методиј од Скопје во соработка со локалната самоуправа и Музејот на град Неготино започнаа со изведување на научно-истражувачка дејност на овој локалитет со претпоставка дека овде постои наоѓалиште на објект кој што датира од античкиот период. Од досегашните истражувања нивните претпоставки се покажаа како делумно точни бидејќи веќе се пронајдени археолошки докази за нивната теорема. Градоначалникот на општина Неготино Ванчо Апостолов кој го посети локалитетот и се запозна со текот на работите истакна дека му е посебно драго што општината претствува територија која што е привлечна за научните истражувачи од земјава и странство од областа на културното наследство. Тој додаде дека поддршката што локалната самоуправа ја дава за археолошките ископувања е од посебна важност за оваа дејност од причина што таа претставува основа на секоја научна анализа и синтеза кои ја определуваат и илустрираат антиката во регионот на неготинска општина.
Повеќе...
 
ВО НЕГОТИНО СЕ РЕАЛИЗИРАШЕ АКЦИЈАТА ,, МАКЕДОНИЈА БЕЗ ОТПАД ,, PDF Печати

   Стотина ученици  и наставници од двете општински основни и од средното училиште, вработени во локалното комунално претпријатие, Центарот за управување со кризи, Центарот за посебни потреби Порака, друштвото Рециклинг и други активисти зедоа активно учество во реализацијата на проектот ,, Македонија без отпад ,, која се спроведе на територијата на општина Неготино во координација со Министерството за животна средина и просторно планирање и асоцијацијата ,, Ајде Македонија ,,. Спроведувањето на проектот придонесе да се исчисти отпадот кој се наоѓаше на несоодветни места во околината, да се развие свеста кај населението за правилно управување со отпадот и да се развие механизам за поддршка на граѓаните и засегнатите групи за подобро и поефикасно справување со неорганизираното и незаконско фрлање отпад во општината. Во реализираната акција предмет на чистење беа просторот околу спортско-рекреативниот центар Младост, спомен-костурницата, влезот и излезот на градот и на главните сообраќајници –улиците Маршал Тито и Партизанска, просторот пред и околу основните и средното училиште, парковските површини во градот, по што целокупниот собран отпад беше кренат и однесен на соодветно место од одговорните во ЈП Комуналец. Исто така, со ангажирање на соодветна механизација, се изврши расчистување на дива депонија на дел од локалниот патен правец Неготино- Курија.

Повеќе...
 
С О О П Ш Т Е Н И Е PDF Печати
   Локална самоуправа Неготино во пресрет на одбележувањето на општинскиот празник 8-ми Ноември ги информира сите заинтересирани правни и физички лица дека до надлежната комисија можат да доставуваат предлози за доделување на наградата и признанијата по повод 8-ми ноември. Сите заинтересирани можат да доставуваат предлози за највисоката општинска  награда 8-ми ноември за животно дело, за признанија по повод општинскиот празник, како и за признанието почесен граѓанин на општина Неготино. Со предлозите потребно е да се достави и кратко образложение за предложените кандидати и институции, предлозите ќе бидат разгледани од страна на надлежната комисија, по што конечната одлука за годинашните добитници на наградата и признанијата по повод 8-ми ноември ја донесуваат советниците во Советот на општина Неготино. Предлозите во писмена форма можат да се доставуваат во општина Неготино најдоцна до 21 овој месец, понеделник.
 
ТУРСКИ БИЗНИСМЕНИ ЗАИНТЕРЕСИРАНИ ДА ИНВЕСТИРААТ ВО ОПШТИНА НЕГОТИНО PDF Печати
   Делегација составена од турски стопанственици од општина Ќемал паша – Измир предводена од успешниот бизнисмен Ридван Уретан  денеска остварија работна средба со градоначалникот на општина Неготино Ванчо Апостолов на која јавно го презентираа интересот да инвестираат во неготинска општина. Конкретно, турската бизнис делегација е заинтересирана да гради откупно-дистрибутивен центар за откуп, рпеработка, складирање и дистрибуција на земјоделски производи-дејност со која тие се занимаваат и во родната Турција каде што располагаат со површини под цреши, праски и црни сливи – култури кои планираат да ги одгледуваат и во Македонија, за што пак имаат намера да купат и земјоделско земјиште. Градоначалникот Апостолов истакна дека евентуалниот влез на оваа турска инвестиција ќе овозможи повеќе бенефиции за локалното население и тоа како во делот на вработување, така и во производството и  откупот на земјоделски производи карактеристични за ова поднебје. Гостите од Турција беа запознати и со други локации кои општина Неготино им ги нуди на потенцијалните инвеститори за изградба на винарии и капацитети од лесната и незагадувачка индустрија.
Повеќе...
 
ГРАДОНАЧАЛНИКОТ НА НЕГОТИНО СО ПРИЕМ ЗА УЧЕСНИЦИТЕ НА ВЕЖБАТА ,,ПРЕДИЗВИК 2013,, PDF Печати

   По завршувањето на шестата по ред билатерална воена вежба ,, Предизвик 2013 ,, која изминатите денови се одржуваше на Армискиот полигон Криволак и на која заедно учествуваа припадници на баталјонот за противвоздушна одбрана кој е во состав на воздухопловната бригада на АРМ и припадници на единицата за противвоздушна одбрана на вооружените сили на Република Словенија, денеска за дел од нив во својот кабинет приреди градоначалникот на општина Неготино Ванчо Апостолов кој се задржа во краток разговор со гостите и ја искористи можноста изворно да се информира за успешноста на воената вежба. Припадниците на двете армии го запознаа Апостолов дека вежбовните активности поминале во најдобар ред и дека вежбата придонесла за подобрување на обученоста, интероперабилноста и борбената готовност на армиите учеснички. Во знак на благодарност за укажаното гостопримство, претставникот од Словенија на градоначалникот му подари книга за Совенечката армија , додека претставникот на АРМ на Апостолов му врачи значка кој им се доделува на стрелците кои првпат лансираат ракета. Во име на локалната самоуправа на припадниците на двете армии им беа доделени пригодни подароци преку чија содржина ќе можат да запознаат со основните карактеристики на општина Неготино.

Повеќе...
 
<< Почеток < Пред 141 142 143 144 145 146 147 148 149 150 Следно > Крај >>

Лист 141 од 189