Општина Неготино
ЗАБРЗАН ЛОКАЛЕН ЕКОНОМСКИ РАЗВОЈ-ВЕТИ ГРАДОНАЧАЛНИКОТ НА НЕГОТИНО АПОСТОЛОВ PDF Печати
   ,, Моја најголема желба е да раководам со општина во која ќе живеат среќни и задоволни граѓани кои ќе можат сами преку работен ангажман да ја обезбедуваат сопствената егзистенција и да се грижат за своите семејства, па во таа насока ќе бидат моите заложби за градење на сигурна и економски стабилна заедница. Токму затоа, мој и приоритет на локалната самоуправа е создавање услови за брз локален економски развој преку привлекување домашни и странски инвестиции, отворање нови производствени капацитети и создавање работни места за сите заинтересирани неготинци кои бараат работа ,,. Ова меѓу другото го истакна градоначалникот на општина Неготино Ванчо Апостолов во пригодниот говор на свечената седница по повод празникот на општината 8-ми ноември кој ги информираше присутните дека две од шесте парцели во Индустриската зона Неготино се продадени на компанија од Русија, а има и сериозен инвеститор кој ќе гради капацитет во проширената Индустриска зона Дуброво и во која се очекува да се вработат околу 500 лица. Кога е во прашање намалувањето на невработеноста, Апостолов додаде дека досега во германскиот гигант Дрекслмајер се вработиле 430 граѓани од општина Неготино со тенденција таа бројка во иднина континуирано да се зголемува.
Повеќе...
 
ЛАЗАР МАНЧЕВСКИ ПОСТХУМНО ПРОГЛАСЕН ЗА ПОЧЕСЕН ГРАЃАНИН НА НЕГОТИНО PDF Печати

   Со одлука на Советот на општина Неготино познатиот поет и романсиер Лазар Манчевски- Пинџур постхумно е прогласен за почесен граѓанин на општина Неготино, а во негово име високото признание му беше доделено на член на неговото потесно семејство. Инаку, Лазар Манчевски е роден на 21 ноември 1922 година во Неготино,  Филосовски факултет завршува во Скопје, каде што и работел како советник во Работничкиот унивезрзитет Кочо Рацин. Член е на Друштвото на писатели на Македонија од 1968 година. Автор е на голем број книги меѓу кои и делата Песни за татковината, Поцврсти од камен, Делото на едно дете, Градот и љубовта, Дијалектика на празникот, Пред новото време, Болка во одот, Татко, кажи ми и многу други. Лазар Манчевски починал во 1997 година во Скопје. Клучот од градот на член од неговот семејство му го врачи градоначалникот на општина Неготино Ванчо Апостолов.

Повеќе...
 
ДОДЕЛЕНИ НАГРАДАТА И ПРИЗНАНИЈА ПО ПОВОД ПРАЗНИКОТ НА ОПШТИНА НЕГОТИНО PDF Печати

   Транспортната компанија Емша-шпед од Неготино која е основана во 1999 година, располага со над 200 камиони, има 130 вработени и се вбројува меѓу најуспешните 200 компании во Република Македонија е годинашен добитник на највисоката општинска награда ,, 8-ми ноември ,, која се додели по повод 69-годишнината од ослободувањето на Неготино на свечената седница на општинскиот Совет. Континуитетот во работењето, отворањето нови работни места и позитивното работење во услови на сеуште присутна економска криза, беа само дел од причините поради кои се одлучи токму оваа компанија да ја добие оваа престижна награда. Инаку, приснанија им беа доделени на Дрекслмајер мануфактуринг Македонија, земјоделецот Васка Мојсовска, иноваторот Филип Пушкинов, специјалистот радиолог д-р Иван Иванов, докторот по филосовски науки Дејан Донев, Карате клубот Антигона, Културно-уметничкото друштво Јане Сандански и фолклорниот ансамбл Ацо Ѓорчев. Наградите им ги врачи и понатамошни успеси во кариерата им посака градоначалникот на општина Неготино Ванчо Апостолов.

Повеќе...
 
ПРЕДАДЕНО ВО УПОТРЕБА РЕКОНСТРУИРАНОТО УЧИЛИШТЕ ВО Д.ДИСАН PDF Печати

   Во изминатиот период со средства во висина од 2,7 милиони денари беа изведени зафати со кои подрачното училиште во неготинското село Долни Дисан доби нов и модерен лик, а наставниците и учениците добија подобри услови за одвивање и следење на наставниот процес. Во рамките на градежните работи, се изврши комплетна реконструкција на кровната конструкција со замена на стариот со нов кров со што целосно се елиминирани можностите од протекување во случај на врнежи од дожд и снег што беше честа појава во минатото. Исто така поставена е и нова фасада која целосно го промени ликот на ова подрачно училиште, а изведени се и други поситни зафати со единствена цел за подобрување на условите за одвивање на наставата. Оваа пригодна свеченост се одржа во рамките на одбележувањето на празникот на општина Неготино 8-ми ноември, а реконструираното училиште свечено во употреба го предадоа градоначалникот Ванчо Апостолов, директорката на ООУ Гоце Делчев и претседателот на МЗ Долни Дисан Тони Ризов.

Повеќе...
 
СТАВЕН ВО ФУНКЦИЈА УРЕДЕНИОТ ЦЕНТАР ВО СЕЛОТО ВОЈШАНЦИ PDF Печати

   Во присуство на голем број жители на селото и други гости, градоначалникот на општина Неготино Ванчо Апостолов и претседателот на месната заедница Благоја Пановски на пригодна свеченост го ставија во функција комплетно реконструираниот, уреден и асфалтиран центар во селото Војшанци. Во обраќањето пред присутните градоначалникот Апостолов ги искажа своето задоволство од реализацијата на овој проект со чие спроведување во значителна мерка се подобрени условите за живот на месното население. Апостолов потенцираше дека на овој простор извршено и асфалтирање на вкупна површина од 1.800 м2 или асфалтирани се 5 подолги и пократки улици во Војшанци во должина од 300 метри, поставени се бетонски рабници на улиците во должина од 600 метри, а на постоечките тротоари поставени се бехатон плочки на површина од 850 м2. На иницијатива на локалните жители, извршена е комплетна санација и оспособување на постоечкиот бунар во селото кој сега е во функција на жителите. Здоволство од спроведените градежни активности со кои центарот на Војшанци доби нов и современ лик искажа и претседателот на месната заедница Пановски, додавајќи оти се надева дека и во иднина во соработка со локалната самоуправа во Војшанци ќе се реализираат и други проекти од витално значење на тамошните жители.

Повеќе...
 
МИНИСТЕРОТ НАУМОФ ВО РАБОТНА ПОСЕТА НА НЕГОТИНО PDF Печати

   Министерот за странски инвестии при Владата на РМ Џери Наумоф во рамките на посетите што ги прави на општините од земјава, а со цел да се запознае и да добие прецизни сознанија за капацитетите со кои располагаат општините, а можат да бидат интересни за потенцијалните инвеститори, оствари работна посета на општина Неготино. Притоа, се сретна и се задржа во краток разговор со градоначалникот Ванчо Апостолов од кого беше информиран дека општина Неготино има подготвено една индустриска зона на површина од 30 хектари во близина на селото Црвени Брегови  која има извонредна местоположба  и покрај која минува автопатот и железницата, а на која од понудени 6 веќе се продадени две градежни парцели за изградба на објекти за откуп, преработка и складирање на земјоделски производи и за објекти од лесната и незагадувачка индустрија. Исто така, градоначалникот го запозна министерот Наумоф дека се работи и на проширување на индустриската зона Дуброво со нови 80 хектари градежни парцели, а имајќи предвид дека на овој простор има и постоечки индустриски капацитети, ќе дојде до заокружување на оваа индустриска зона на површина од 224 хектари. Инаку, во рамките на средбата беше остварена посета и беа разгледани дел од халите на фабриката за кабли Неготино.

Повеќе...
 
<< Почеток < Пред 141 142 143 144 145 146 147 148 149 150 Следно > Крај >>

Лист 147 од 198