ЈАВНИ НАБАВКИ

Отворено со Вас

Службен гласник

Beeconomy

Влада на Р.Македонија

Моја - општина

Здружение на К.И на Р.М

  www.zki.org.mk

Народен правобранител

Skopjediem

Општина Неготино
ОПШТИНАТА ЌЕ ОТУЃУВА И ЌЕ ДАВА ПОД ЗАКУП ГРАДЕЖНО ЗЕМЈИШТЕ PDF Печати
   Четворица вработени во локалната администрација – Зоран Лазов – секретар на општина Неготино, Снежана Цветкова – раководител на одделението за урбанизам, Лилјана Нечева – советник во истото одделение и Александар Јованов – раководител на одделението за општи и правни работи го положија испитот спроведен од Министерството за транспорт и врски и се стекнаа со овластувања за  спроведување на постапки за отуѓување и давање под закуп на градежно земјиште сопственост на Република Македонија со што е исполнет еден од условите содржани во член 89 од Законот за градежно земјиште чија примена стартува на почетокот од месец јули, оваа година. Покрај споменатиот услов, за да може општина Неготино да ги врши работите за располагање со градежното земјиште во сопственост на државата, треба да усвои едногодишна програма за работа во оваа област, да формира Комисија за спроведување постапки за јавно наддавање и да воспостави електронски систем за јавно наддавање за што од страна на ЗЕЛС веќе е изработен унифициран софтвер и истиот ќе биде ставен на располагање на сите општини во Република Македонија.
 
АКЦИЈА ЗА ДОБРОВОЛНО ДАРУВАЊЕ НА КРВ PDF Печати

     Во организација на Македонскиот полициски синдикат при Полициската станица во Неготино, а по повод 10-годишнината од загинувањето на нашиот сограѓанин – бранителот Коста Волкановски кој животот го загуби во воените дејства во 2001 година на Попова Шапка, во просториите на неготинската полиција се спроведе акција за доброволно дарување на крв. Над 40 припадници на Министерството за внатрешни работи се вклучија во акцијата давајќи сопствен придонес за нејзиното успешно спроведување и даруваа крв која во овие летни месеци е повеќе од потребна за надлежните институции. Меѓу другите, својата хуманост ја изрази и по 5-ти пат крв даруваше и градоначалникот на општина Неготино Пане Трајков кој ја искористи приликата да се задржи во краток разговор со припадниците на безбедносните сили. Претседателот на Полицискиот синдикат- Неготино Диме Михаилов истакна дека се планира оваа крводарителска акција да стане традиционална и да се реализира и во годините што доаѓаат.

 

 

 

Повеќе...
 
АСФАЛТИРАНИ СЕДУМ УЛИЦИ ВО НЕГОТИНО PDF Печати

    Во рамките на спроведувањето на годишната програма за уредување на градежното земјиште на подрачјето на општина Неготино работници на градежна фирма од Кочани извршија асфалтирање на две исклучително оштетени улици во градот -  Киро Крстев  и 8-ми Ноември  за кои стручните служби оценија дека е потребна итна интервенција. На улицата Киро Крстев  се изврши асфалтирање на вкупна површина од 2.600 метри квадратни или на 450 метри должни за што од Буџетот на општината беа издвоени средства во висина од 1.300.000 денари, додека на улицата  8-ми Ноември е асфалтирана вкупна површина од 2.150 метри квадратни или 350 метри должни со цена на чинење од 1.000.000 денари.

Повеќе...
 
ПРЕДАДЕН ВО УПОТРЕБА РЕКОНСТРУИРАН ЦЕНТАР ВО КРИВОЛАК PDF Печати

   На пригодна свеченост што се одржа во Криволак во употреба беше предадено новоизграденото и уредено централно подрачје во селото. Како што истакна во своето обраќање градоначалникот на општина Пане Трајков проектот ,, Градежно и урбанистичко уредување на централното подрачје во Криволак ,, е реализиран согласно Програмата за уредување на градежното земјиште на општината за што од локалниот Буџет беа издвоени средства во висина од 3,5 милиони денари. Во тие рамки, извршено е уредување на просторот, асфалтирана е улицата и извршено е поплочување на слободниот простор, поставени се тротоари, како и 16 канделабри кои ќе го осветлуваат просторот. Градоначалникот Трајков изрази уверување дека овој простор ќе стане место каде што жителите на Криволак ќе поминуваат дел од сопственото слободно време, а реализацијата на проектот ќе придонесе и за зголемување на безбедноста на сите учесници во сообраќајот.

Повеќе...
 
СЕ ГРАДИ НОВ ГРАДСКИ – ЗАБАВЕН ПАРК PDF Печати

   Општина Неготино продолжи со континуирано спроведување проекти преку чија реализација на младите генерации им се создаваат услови за нивен правилен психофизички развој преку создавање услови за спортување и рекреирање и отргнување од опасностите кои демнеат од присуството на мноогубројните пороци на денешнината. Така, на просторот помеѓу ул. Фемо Кулаков и Марксова беше поставен камен темелник и започнаа работите за изградба на нов забавен парк во нашиот град. Вредноста на проектот изнесува 2 милиони денари кои се обезбедени од Буџетот на општина Неготино, а работоте ќе ги изведува Градба-промет. Според зборовите на градоначалникот Пане Трајков, во состав на градскиот рекреативен парк ќе има игралиште за кошарка, игралиште за мали деца и песочник, поставување на урбана опрема, клупи за седење и канти за отпадоци, пешачки патеки со бехатон коцки, како и засадување на површини со трева, садници од липа и див костен.

Повеќе...
 
ДОДЕЛЕНИ 10 РЕШЕНИЈА ЗА ЛЕГАЛИЗАЦИЈА НА ДИВОГРАДБИ PDF Печати

  Градоначалникот на општина Неготино Пане Трајков на 10-мина граѓани од општината им додели решенија со кои им се легализираат веќе постоечки и изградени објекти. Како што изјави градоначалникот Трајков, со донесувањето на Законот за третман на бесправно изградени објекти решен е еден децениски проблем и на граѓаните им е овозможено под исклучително поволни услови да ги легализираат своите објекти. Инаку, до надлежната општинска комисија досега се доставени околу 70 барања за легализација на објекти и тоа во најголем дел доградби и надградби на станбени објекти, гаражи, објекти за домување, како и неколку барања за легализација на стопански објекти. Инаку, бројките говорат дека во општина Неготино се поднесени најмалку барања за легализација на дивоградби што според зборовите на надлежните се должи на фактот што Неготино е еден од најдобро урбанизираните градови во Македонија со исклучителни мал број на регистрирани дивоизградени објекти. Со издавањето на решенија за легализација ќе се продолжи и во наредниот период.

Повеќе...
 
<< Почеток < Пред 151 152 153 154 155 156 157 158 159 160 Следно > Крај >>

Лист 155 од 170