Општина Неготино
ПЕТ УЧЕНИЦИ ОД НЕГОТИНО УЧЕСТВУВАА НА НАТПРЕВАР НА МЛАДИ ИСТРАЖУВАЧИ PDF Печати

   Одличен успех на 5-те неготински ученици кои зедоа учестви на Државниот натпревар на млади истражувачи што во организација на Народна техника на Македонија се одржа во Штип. Раде Коцев од средното училиште Св. Кирил и Методиј од Неготино го освои првото место на тема Рциклажа на отпад од фарма, Стефан Андонов беше трет со темата Испитување на микроклиматските услови во неготинското средно училиште и нивното влијание врз учениците, Соња Јовановска во областа – математика го освои првото место, Ристе Казиев е четвртопласиран на тема Дејството на растителниот хормон Ауксин врз ожилувањето на растенијата, додека четврто место освои Ѓорѓи Јованов на тема Конвексни огледала-соларен шпорет. Вреди да се спомене дека во техничката подготовка на споменатите ученички проект, покрај менторите на учениците, учествуваше и Здружението на граѓани Ековита од Неготино.

Повеќе...
 
ДЕЛЕГАЦИЈА НА ГЕРМАНСКАТА KFV БАНКА ВО ПОСЕТА НА НЕГОТИНО PDF Печати

   На подрачјето на општина Неготино интензивно течат работите од првата фаза од проектот за подобрување на состојбите со водоснабдувањето кој ќе се одвива во неколку фази. Токму затоа, а за да го согледаат  одвивањето на работите на терен, денеска во посета на Неготино беа претставници на Германската банка за обнова и развој која ги обезбеди кредитните средства што општината ги користи за спроведување на проектот. Тие остварија работна средба со градоначалникот Ванчо Апостолов и со претставници на ЈП Комуналец, а потоа и самите беа сведоци на зафатите на терен. Инаку, во првата фаза се врши замена на 2.600 стари со нови и автоматизирани водомери во домаќинствата во градот, а по завршувањето, ќе започна втората фаза од проектот чија цел е елиминирање на редукциите на вода за пиење и 24 часовно обезбедување на вода во домовите на неготинци.

Повеќе...
 
ПРИЕМ НА ГРАДОНАЧАЛНИКОТ АПОСТОЛОВ ЗА УЧЕСНИЦИ ВО ПРОЕКТОТ НЕГОТИНО-ЧИЛЕ PDF Печати

   Градоначалникот на општина Неготино Ванчо Апостолов по повод успешно реализираниот проект меѓу младите од Неготино и нивните врсници од градот Виљарека од Чиле, приреди прием, ги пречека и се задржа во разговор со учесниците и нивните ментори кои придонесоа да се реализира овој несекојдневен настан. Колку за потсетување, младите од Неготино и од Чиле преку воспоставување на видео-врска заедно комуницираа, другаруваа, се едуцираа и на крајот танцуваа на звуците на популарната електронска музија Харлејм-шејк. Организаторката – неготинската снаа со потекло од Чиле – Емилија Ларачеа го запозна градоначалникот со остварените ефекти од проектот и во името на сите учесници вети спроведување на вакви и слични проекти и во иднина.

Повеќе...
 
НЕГОТИНО СО ПРОЕКТ ЗА ПОДОБРУВАЊЕ НА ВОДОСНАБДУВАЊЕТО PDF Печати

  Претставници на консултантскиот тим за институционално јакнење во делот на Програмата за водоснабдување и канализација во Република Македонија денеска остварија работна средба со градоначалникот на општина Неготино Ванчо Апостолов и претставници на локалното претпријатие Комуналец кое ги реализира работите на терен. Според Миле Паункоски – финансиски експерт и заменик тим лидер низ разговорите се добиени сознанија за капацитетите на комуналното претпријатие за реализација на проектот, од што пак произлегоа и насоките за неговото идно делување. Градоначалникот Апостолов информираше дека на терен веќе се реализираат конкретни работи кои се дел од проектот за подобрување на водоснабдувањето во општина Неготино кој се спроведува со кредитни средства од Германската банка за обнова и развој. Во тек е замената на старите со нови автоматизирани водомери, при што во месец март се заменети 400, а до втората половина на јули треба да се постават вкупно 2.500 водомери. По успешното реализирање на првата, следуваат активностите од втората фаза од овој проект.

Повеќе...
 
ГРАДОНАЛНИКОТ НА НЕГОТИНО ОСТВАРИ СРЕДБА СО ПРЕТСТАВНИК НА АРМ PDF Печати

   Градоначалникот на општина Неготино Ванчо Апостолов денеска го прими и оствари работна средба со потполковникот Бари Ракиповски – началник на инжинерската единица при Генералштабот на Армијата на Република Македонија. Тема на дискусија меѓу двајцата соговорници беа актуелните состојби и потребата од извршување на санација на патниот правец Неготино – Криволак кој извесно време е во лоша состојба, а токму затоа и локалната самоуправа ја има утврдено потребата од изведување на интервенции на истиот во делот на негово проширување и крпење на постоечките ударни дупки. Овој патен правец стана уште поактуелен и поексплоатиран со забраната за движење по оштетениот Пепелишки мост, па сега сите моторизирани граѓани кои се упатуваат кон и се враќаат од источниот дел на Македонија, поминуваат по алтернативниот пат Пепелиште-Криволак-Неготино и обратно.

Повеќе...
 
ПРВ ПРИЕМЕН ДЕН НА ГРАДОНАЧАЛНИКOT АПОСТОЛОВ PDF Печати

   Градоначалникот на општина Неготино Ванчо Апостолов ја продолжи традицијата четврток да биде приемен ден – ден кога на граѓаните од општината им се овозможува да остварат средба со него и да поразговараат на различни теми кои потенцијалните посетители однапред ги најавуваат на изготвените формулари со кои се закажува средбата. Можноста да поразговараат со првиот човек на општината денеска ја искористија над 30 граѓани, а градоначалникот за сите одвои време да се запознае со целта на нивната посета. Низ разговорите провејуваа повеќе теми – барања за решавање на комунални и проблеми од областа на инфраструктурата, прашања од областа на социјалата, односно за се она што како прашање го наметнуваа соговорниците со кои денеска се сретна градоначалникот Апостолов. Тој вети дека, доколку во меѓувреме не му излезат други обврски кои би го спречиле, секој четврток ќе биде достапен за граѓаните од општината кои од разни причини ќе пројават желба да остварат средба со него.

Повеќе...
 
<< Почеток < Пред 151 152 153 154 155 156 157 158 159 160 Следно > Крај >>

Лист 158 од 198