ЈАВНИ НАБАВКИ

Отворено со Вас

Пријави проблем

Проектот за локална и регионална конкурентност (ПЛРК)

Службен гласник

Моја - општина

Skopjediem

Beeconomy

Општина Неготино
ИЗВРШЕНА ДЕЗИНСЕКЦИЈА ПРОТИВ КОМАРЦИ ВО НЕГОТИНО И ДЕЛ ОД СЕЛАТА PDF Печати
   Во рамките на спроведувањето на годишната Програма за спроведување на превентивна дезинсекција, дезинфекција и дератизација на територијата на општината, локалната самоуправа Неготино деновиве изврши превентивна дезинсекција против комарци на територијата на целиот град, како и во населените места Тимјаник и Криволак. Како што информираат одговорните, прскањето е извршено од страна на стручни лица од Центарот за јавно здравје од Велес и тоа на критични точки на јавни површини со препаратот Аква-котрин. Меѓу останатите површини, прскање е спроведено покрај течението на реката Вардар, по целата должина на кејот на Тимјаничка река, двете главни улици во Неготино, градинките, основните и средното училиште, здравствениот дом и на други локации, односно секаде каде што е утврдено дека има потреба од реализација на овој зафат. Предходно, преку средствата за јавно информирање граѓаните и здруженијата кои одгледуваат пчели и други животни благовремено беа запознато дека ќе се одвива прскање против комарци со цел да извршат нивна заштита. Од локалната самоуправа истакнуваат дека во зависност од временските услови и јавена потреба од такво нешто, и во наредниот период ќе следуваат дополнителни третирања со прскање против комарци.
 
ВО НЕГОТИНО ПРЕЗЕНТИРАНИ МЕРКИТЕ ЗА ПОДДРШКА НА ЗЕМЈОДЕЛИЕТО PDF Печати

 Локалната самоуправа Неготино во соработка со Агенцијата за финансиска поддршка во земјоделието и руралниот развој  во големата сала на општина Неготино која беше исполнета од заинтересирани граѓани организираа работна средба со цел за запознавање на земјоделците и презентација на можностите и активните програми на Агенцијата кои се од непосреден интерес за потенцијалните корисници. Од страна на претставничките на Агенцијата Анета Апостоловска и Марија Марковска беа презентирани мерките 302 – Диверзификација и развој на руралните економски активности и подмерките неземјоделски активности во руралните средини, диверзификација на приходите од земјоделска дејност и услужни дејности во земјоделието, како и развојот на руралниот туризам. Исто така, се говореше и за двата објавени јавни повици за единиците на локалната самоуправа, што пак беше повод градоначалникот на општина Неготино Ванчо Апостолов да информира дека општината има аплицирано за реализација на три проекти преку Агенцијата во вредност од близу 500.000 евра.

Повеќе...
 
ОПШТИНА НЕГОТИНО СО БЛАГОДАРНИЦА ЗА АЈХАН ЗЕЈТИН PDF Печати

   Градоначалникот на општина Неготино Ванчо Апостолов го прими во својот кабинет и се задржа во краток разговор со нашиот сонародник Ајхан Зејтин кој над 25 години живее и егзистира во градот Бремен – Германија каде што има основано и семејство. Зејтин е со потекло од неготинското село Тремник, а поводот што беше примен од првиот човек на општината е фактот што тој им укажува комплетно гостопримство, се грижи за нивниот престој во Бремен, им ги покажува убавините на градот и речиси во секој момент им е на располагање на членовите на Културно-уметничките друштва од Неготино кои остваруваат гостувања во Германија претставувајќи го богатото македонско фолклорно творештво. Вратите на домот на Зејтин се отворени за сите добронамерни посетители кои престојуваат во Бремен и сите кои го посетиле имаат само пофални зборови за неговиот однос и гостопримството што им го овозможува. Во знак на благодарност, градоначалникот Апостолов од име на општина Неготино му додели благодарница и скромен подарок – копаница изработена од неготинските копаничари. Наедно, беше договорено за време одржувањето на Неготинскиот панаѓур во Неготино да престојуваат играорци од Бремен и притоа да имаат свој настап пред неготинската публика.

Повеќе...
 
ОДБЕЛЕЖАНА 12-ГОДИШНИНАТА ОД ЗАГИНУВАЊЕТО НА БРАНИТЕЛОТ ВОЛКАНОВСКИ PDF Печати

   ,, Твоето дело и храброст никогаш нема да бидат заборавени и засекогаш ќе останат во нашите спомени ,, - му порачаа неговите колеги и сограѓани на бранителот Косте Волкановски од Неготино кој трагично загина во воениот конфликт во 2001 година бранејќи го територијалниот интегритет на Република Македонија. По повод 12- годишнината од загинувањето, на спомен бистата подигната во чест на Волкановски пред Полициската станица во Неготино денеска свежо цвеќе положија членови на неговото потесно семејство, градоначалникот на општина Неготино Ванчо Апостолов и претставници на локалната самоуправа, членови на полицискиот синдикат и резервните воени старешини, претставници на АРМ и други заинтересирани граѓани. Во рамките на одбележувањето на годишнината од загинувањето на Волкановски, изминативе денови беше организирана крводарителска акција, а се одржа и традиционалниот турнир во мал фудбал.

Повеќе...
 
КОНКУРС ЗА ФИНАНСИРАЊЕ ПРОЕКТИ ОД НАЦИОНАЛЕН ИНТЕРЕС ВО КУЛТУРАТА ЗА 2014 ГОДИНA PDF Печати

   Министерството за култура, во согласност со Националната стратегија за развој на културата за периодот 2013-2017 година („Службен весник на РМ“ бр. 15/2013) за остварување на националниот интерес во културата, ќе обезбеди средства од Буџетот на Република Македонија за поддршка на проекти од национален интерес во културата.
Проектите пријавени на Конкурсот, за да бидат поддржани од Министерството за култура како проекти од национален интерес за културата на Република Македонија, треба да исполнуваат најмалку еден од општите критериуми и најмалку еден од посебните критериуми по одделни дејности и области во културата во согласност со Правилникот за критериумите за финансирање на програмите, односно проектите по одделни дејности во културата („Службен весник на Република Македонија“ бр. 70/2011). Правилникот ќе биде објавен на веб-локацијата на Министерството за култура (www.kultura.gov.mk).
На Конкурсот може да учествуваат: уметници, самостојни уметници, приватни установи, локални установи, здруженија на граѓани, фондации и други правни и физички лица што вршат дејност од областа на културата во согласност со Законот за културата и со другите позитивни законски прописи во Република Македонија.
Конкурсот е отворен до 7 јули 2013 година.
Повеќе информации и пријави за аплицирање можете да најдете на

http://www.kultura.gov.mk/index.php/konkursi/979-konkurs-za-finansiranje-proekti-od-naciomalen-interes-vo-kulturata-za-2014-godina

 
АСФАЛТИРАН И УРЕДЕН ЦЕНТАРОТ ВО ВОЈШАНЦИ, НЕГОТИНО PDF Печати

   Во период од 3 месеци работници на ГП Урбан инвест извршија комплетно уредување на централното подрачје во неготинското село Војшанци, а работите финишираа со асфалтирање на целиот простор на кој се изведуваа градежни работи. На реализацијата на финалните активности присуствуваше и градоначалалникот на општина Неготино Ванчо Апостолов кој не го криеше задоволството од добро завршената работа и кој информираше дека целокупното спроведување на проектот чинеше околу 5.000.000 денари- средства обезбедени од Буџетот на општина Неготино. Директорот на градежната оператива Симон Ѓорески истакна дека е асфалтирана вкупна површина од 1.800 м2 при што се опфатени неколку улици во центарот на селото, поставени се улични бетонски рабници во должина од 600 метри, на постоечките тротоари се поставени бекатон коцки на површина од 850 м2, а на иницијативата на месното население извршена е санација на постоечкиот бунар. Со завршувањето на уредувањето, централното подрачје во Војшанци доби сосема нов и модерен изглед и во иднина повеќе од сигурно ќе претставува место каде што жителите во одмор и релаксација ќе можат да минуваат дел од слободното време, а за таа цел градоначалникот Апостолов најави поставување на клупи, осветлување на просторот и негово хортикултурно уредување.

Повеќе...
 
<< Почеток < Пред 151 152 153 154 155 156 157 158 159 160 Следно > Крај >>

Лист 159 од 202