Општина Неготино
ВМРО-ДПМНЕ СО МНОЗИНСТВО ВО СОВЕТОТ НА ОПШТИНА НЕГОТИНО PDF Печати
   Од вкупно 15.942 избирачи, за понудените 7 листи со кандидати за советници во Советот на општина Неготино на гласање излегоа 12.519 избирачи при што регистрирани се важечки 11.891 гласачко ливче, а неважечки 628. Убедливо најмногу гласови -6.199 освои советничката листа на коалицијата За подобра Македонија предводена од ВМРО-ДПМНЕ и во Советот ќе биде претставувана од 9 советници, советничката листа на Сојузот за иднината преводен од СДСМ освои 3.782 гласа и ќе има 5 советници, додека 1 советничко место со освоени 801 глас доби партријата Народно движење на Македнија. Инаку, согласно законските прописи, интересите на граѓаните на општина Неготино во општинскиот Совет ги претставуваат вкупно 15 советници.
 
ВИСОК ПРОЦЕНТ НА ИЗЛЕЗЕНОСТ НА ЛОКАЛНИТЕ ИЗБОРИ ВО НЕГОТИНО PDF Печати
   78,53 отсто или 12.519 гласачи од евидентираните 15.942 избирачи кои се произнесуваа на 25 избирачки места излегоа на вчерашното гласање за локалните избори во општина Неготино што претставува еден од највисоките проценти на излезеност во Република Македонија. До 10 часот имаше процент на излезеност од 13,8 отсто или 2.099 гласачи, до 13 часот на гласање излегоа 5.339 избирачи или 33,5 отсто од вкупниот број гласачи, додека до 17 часот излезеноста беше 61,8 отсто или 9.822 излезени гласачи. Гласањето на сите избирачки места на територијата на општина Неготино помина во мирна, фер и демократска атмосфера и без ниту еден регистриран инцидент.
 
АСФАЛТИРАНА УЛИЦАТА ,, ВЛАДО АРСОВ ШПАНАЦ ,, ВО НЕГОТИНО PDF Печати

   Работници на градежното претпријатие Гранит кои беа ангажирани од страна на локалната самоуправа Неготино деновиве извршија асфалтирање на улицата Владо Арсов Шпанац. Станува збор за улица на која предходно беа изведени градежни работи во делот на промената на водоводната и канализационата мрежа, а во меѓувреме лошите временски услови не дозволуваа да се извршат интервенции на оштетувањата кои настанаа при изведувањето на работите. По изведените работи, сега оваа улица е доведена во првобитната состојба и по истата безбедно можат да се движат возила и пешаци. За нејзиното асфалтирање во должина од 100 метри од Буџетот на општина Неготино беа издвоени над 1 милион денари.

Повеќе...
 
ИЗВРШЕНА САНАЦИЈА НА ОШТЕТУВАЊАТА НА УЛ ,, ЛЕНИНОВА ,, ВО НЕГОТИНО PDF Печати

   Врз основа на реакцииите на граѓаните кои живеат во тој дел на градот и направените согледувања на фактичката состојба на терен од страна на стручни лица при локалната самоуправа Неготино, во изминатиот период работници на ГП Гранит беа ангажирани на санирање на оштетувањата на една од најфреквентните улици во градот – Ленинова. Предходно на оваа улива работници на локалното комунално претпријатие Комуналец интервенираа за отстранување на одреден дефект, по што се наметна потребата од асфалтирање на делот каде што имаше оштетувања на асфалтот. За реализација на овој зафат од Буџетот на општина Неготино се реализирани средства во висина од над 200.000 денари.

Повеќе...
 
Програма,,Форуми во заедницата,,Проект –Управување со отпадот во руралните средини во општина Неготино PDF Печати
  Деновиве во општина Неготино потпишани се Договорите за набавка на возило за собирање на смет  и набавка на контејнери, согласно Грантот на  Швајцарската агенција за развој и соработка-СДЦ и  учеството  на општина Неготино , а во рамките на Проектот –,,Управување со отпадот во руралните средини во општина Неготино,,
Имено со овој Грант во вкупна висина од 5.360,000 денари ќе биде обезбедено возило за собирање на комунален смет од руралните средини на општина Неготино .Согласно најповолната понуда вредноста на возилото изнесува 4.472.000,00 денари и истото ќе биде набавено преку избраниот понудувач  ,,ЕРКА БМЦ 2007,, Охрид.
Повеќе...
 
ВО НЕГОТИНО ДОДЕЛЕНИ 10 РЕШЕНИЈА ЗА ТРАЈНО ВРАБОТУВАЊЕ PDF Печати

   Градоначалникот на општина Неготино Пане Трајков денеска додели 10 решенија за трајно вработување на 10 наставници од образовните институции кои функционираат на подрачјето на општината. Така, 6 решенија им беа доделени на наставници од Средното општинско училиште Свети Кирил и Методиј, 3 на наставници од Основното општинско училиште Гоце Делчев и 1 решение на наставник од Основното општинско училиште Страшо Пинџур. Градоначалникот Трајков на сите кои се стекнаа со статус редовно вработени им посака многу успех во понатамошната работа, изразувајќи надеж дека денешниот чин овие наставници уште повеќе ќе ги стимулира за поквалитетно извршување на редовните работни обврски.

Повеќе...
 
<< Почеток < Пред 151 152 153 154 155 156 157 158 159 160 Следно > Крај >>

Лист 160 од 198