Мирно во општина Неготино за време на полицискиот час од 21,00 до 06,00ч. PDF Печати

    Првата ноќ од воведувањето на полицискиот час и забраната за движење во периодот од 21,00 до 06,00 часот на територијата на општина Неготино помина мирно и без никакви нарушувања на укажувањата и рестрикциите за движење во споменатиот временски период. За почитувањето на препораките се грижеа припадници на Полициската станица Неготино кои за таа цел имаа поставено два пункта со патроли на влезовите и излезите во и од Неготино, како и полицајци кои патролираа по градот за времетраењето на полицискиот час. Се апелира до населението од општина Неготино за строго почитување на забраната за движење за време на полицискиот час, а за потенцијалните прекршители се предвидени ригорозни законски мерки.