ВО НЕГОТИНО СЕ ОДРЖУВА ТУРНИР ВО УЛИЧНА КОШАРКА PDF Печати

  Во организација на локалната самоуправа и Кошаркарскиот клуб Неготино на градскиот плоштад започна одржувањето на 5-иот по ред традиционален турнир во  улична кошарка кој предизвика огромен интерес кај љубителите на овој спорт. На овогодишниот турнир учествуваат над 20 екипи кои се натпреваруваат во 3 категории – во женска конкуренција, машки под 18 и машки екипи над 18 годишна возраст кои натпреварите ги одигруваат по предходно утврден распоред од страна на организаторите. Турнирот ќе трае три дена, за регуларноста на натпреварите се грижат двајца кошаркарски судии, а финалните натпревари по кои ќе бидат познати најдобрите екипи ќе се одиграат во вторник. Турнирот во име на организаторот за отворен го прогласи градоначалникот на општина Неготино Ванчо Апостолов кој на сите екипи им посака успех во натпреварите притоа информирајќи дека за најдобрите во трите категории се обезбедени вредни награди.