Културна Програма
КОНКУРС ЗА ФИНАНСИРАЊЕ ПРОЕКТИ ОД НАЦИОНАЛЕН ИНТЕРЕС ВО КУЛТУРАТА ЗА 2014 ГОДИНA PDF Печати

   Министерството за култура, во согласност со Националната стратегија за развој на културата за периодот 2013-2017 година („Службен весник на РМ“ бр. 15/2013) за остварување на националниот интерес во културата, ќе обезбеди средства од Буџетот на Република Македонија за поддршка на проекти од национален интерес во културата.
Проектите пријавени на Конкурсот, за да бидат поддржани од Министерството за култура како проекти од национален интерес за културата на Република Македонија, треба да исполнуваат најмалку еден од општите критериуми и најмалку еден од посебните критериуми по одделни дејности и области во културата во согласност со Правилникот за критериумите за финансирање на програмите, односно проектите по одделни дејности во културата („Службен весник на Република Македонија“ бр. 70/2011). Правилникот ќе биде објавен на веб-локацијата на Министерството за култура (www.kultura.gov.mk).
На Конкурсот може да учествуваат: уметници, самостојни уметници, приватни установи, локални установи, здруженија на граѓани, фондации и други правни и физички лица што вршат дејност од областа на културата во согласност со Законот за културата и со другите позитивни законски прописи во Република Македонија.
Конкурсот е отворен до 7 јули 2013 година.
Повеќе информации и пријави за аплицирање можете да најдете на

http://www.kultura.gov.mk/index.php/konkursi/979-konkurs-za-finansiranje-proekti-od-naciomalen-interes-vo-kulturata-za-2014-godina

 
ЗАВРШИ ГРАДСКОТО ПРВЕНСТВО НА НЕГОТИНО ВО ШАХ PDF Печати

   Изминативе денови во просториите на Туристичкиот-инфорнмативен центар во организација на локалната самоуправа и Градскиот шаховски клуб по втор пат се одржа отвореното градско првенство на Неготино во шах на кое се натпреваруваа вкупно 26 учесници. По одигрувањето на натпреварите по Швајцарски систем, во исклучително силна и остра конкуренција првото место го освои Иле Ѓорѓиев, второпласирана беше Емилија Ларачеа, третото место му припадна на Санде Атанасов, четрвти беше Тони Лазов, додека напетто место се пласираше Душко Јанев. Наградниот фонд на турнирот изнесуваше 17.000 денари- средства кои на учесниците им беа распределени во  зависност од остварениот пласман. Наградите на најуспешните им ги додели покровителот на турнирот – градоначалникот на општина Неготино Ванчо Апостолов кој најави дека со оглед на континуираното зголемување на бројот на пријавените учесници и квалитетот на прикажаните игри, повеќе од сигурно е дека и наредната година Градското првенство на Неготино во шах повторно ќе биде организирано од страна на локалната самоуправа.

Повеќе...
 
ТОПОЛ КУЛТУРЕН БРАН 2012 – ВТОРА ФАЗА PDF Печати

Во рамките на втората фаза на манифестацијата “Топол културен бран”, во организација на Општина Неготино и Министерството за култура на РМ, на 24 август (петок) со почеток од 20.00 часот во Центарот за култура “Ацо Ѓорчев” ќе биде прикажан светскиот филмски хит “Фокерови” со Роберт де Ниро и Бен Стилер во главните улоги, на 29 август (среда) на градскиот плоштад со почеток од 21 часот љубителите на културата од нашата општина ќе имаат можност да го проследат концертот на националниот ансамбл “Танец”, а на 30 август (четврток) ќе биде реализирана изложбата на слики на академскиот сликар Ристе Соколов, со музичка придружба на Пламенка Трајковска - виолина.
Претходно, во првата фаза од манифестација беа одржани два културни настани, односно “Вечер на афоризми” со учество на десетина реномирани афористичари од државата, а на големото платно во Центарот за култура Ацо Ѓорчев беше прикажан и големиот светски филмски хит “Невозможна мисија 4” со Том Круз во главната улога.


 
ЗАПОЧНА ТРАДИЦИОНАЛНИОТ ТУРНИР ВО УЛИЧНА КОШАРКА “STREET BALL 2012” PDF Печати
  Од 21 август (вторник) започна овогодинешното издание на турнирот во улична кошарка “Street Ball 2012”. Покрај одличната организација, белег на турнирот е и големото внимание кое што го предизвика истиот и големиот број на пријавени екипи, односно: во категоријата до 12 години се пријавени 6 екипи, во категоријата до 18 години пријавени се 14 екипи, а во категоријата над 18 години 6 екипи. Во женска конкуренција се пријавени 4 екипи, или вкупно во машка и женска конкуренција 30 екипи и преку 120 директни учесници на турнирот. Во рамките од првиот ден на турнирот покрај домашните екипи учество зедоа и екипи од Кавадарци и Велес.
Пред преполното гледалиште турнирот за отворен го прогласи градоначалникот на општината, г-нот Пане трајков, кој на сите учесници им посака успех и одлични натпревари и рече дека ќе настојува традицијата на одржување на овој турнир да продолжи и во иднина.
Натпреварите од турнирот продолжуваат и на 22 и 23 август кога на програмата ќе бидат и полуфиналните и финалните натпревари во сите конкуренции.
 
<< Почеток < Пред 1 2 3 4 5 6 7 8 9 10 Следно > Крај >>

Лист 5 од 10
Банер

Водич за инвеститори

е - градежна дозвола

     Законски акти и упатства 

ЈАВЕН ПОВИК

Македонија вработува

Министерство за култура

Банер

Програма општинско-корисна работа

Банер

Пребарување

Кој е онлајн

Има 19 гости присутни