Културна Програма
ТОПОЛ КУЛТУРЕН БРАН 2012 – ВТОРА ФАЗА PDF Печати

Во рамките на втората фаза на манифестацијата “Топол културен бран”, во организација на Општина Неготино и Министерството за култура на РМ, на 24 август (петок) со почеток од 20.00 часот во Центарот за култура “Ацо Ѓорчев” ќе биде прикажан светскиот филмски хит “Фокерови” со Роберт де Ниро и Бен Стилер во главните улоги, на 29 август (среда) на градскиот плоштад со почеток од 21 часот љубителите на културата од нашата општина ќе имаат можност да го проследат концертот на националниот ансамбл “Танец”, а на 30 август (четврток) ќе биде реализирана изложбата на слики на академскиот сликар Ристе Соколов, со музичка придружба на Пламенка Трајковска - виолина.
Претходно, во првата фаза од манифестација беа одржани два културни настани, односно “Вечер на афоризми” со учество на десетина реномирани афористичари од државата, а на големото платно во Центарот за култура Ацо Ѓорчев беше прикажан и големиот светски филмски хит “Невозможна мисија 4” со Том Круз во главната улога.


 
ЗАПОЧНА ТРАДИЦИОНАЛНИОТ ТУРНИР ВО УЛИЧНА КОШАРКА “STREET BALL 2012” PDF Печати
  Од 21 август (вторник) започна овогодинешното издание на турнирот во улична кошарка “Street Ball 2012”. Покрај одличната организација, белег на турнирот е и големото внимание кое што го предизвика истиот и големиот број на пријавени екипи, односно: во категоријата до 12 години се пријавени 6 екипи, во категоријата до 18 години пријавени се 14 екипи, а во категоријата над 18 години 6 екипи. Во женска конкуренција се пријавени 4 екипи, или вкупно во машка и женска конкуренција 30 екипи и преку 120 директни учесници на турнирот. Во рамките од првиот ден на турнирот покрај домашните екипи учество зедоа и екипи од Кавадарци и Велес.
Пред преполното гледалиште турнирот за отворен го прогласи градоначалникот на општината, г-нот Пане трајков, кој на сите учесници им посака успех и одлични натпревари и рече дека ќе настојува традицијата на одржување на овој турнир да продолжи и во иднина.
Натпреварите од турнирот продолжуваат и на 22 и 23 август кога на програмата ќе бидат и полуфиналните и финалните натпревари во сите конкуренции.
 
“OPEN FUN FOOTBALL SCHOOLS 2012” ВО ОРГАНИЗАЦИЈА НА ОПШТИНА НЕГОТИНО PDF Печати

   Оваа година, како дел од програмата за јавни дејности, во нашата општина ќе се реализира проектот “Open Fun Football School 2012”, во соработка со соседната општина Кавадарци. Во школата ќе бидат вклучени 90 деца од Неготино и 90 деца од Кавадарци, кои заедничи на 25 и 26 август од 18 часот, на новоизграденото фудбалско игралиште во рамките на СРЦ “Младост” ќе бидат дел од првата работилница на проектот и преку игра, дружење и забава ќе почнат да ги учат тајните на фудбалската игра. Втората фаза од проектот, односно втората работилница ќе се реализира во Кавадарци и на истата ќе бидат вклучени вкупно 180 деца од двете општини.
 

Повеќе...
 
Традиционален турнир во улична кошарка “Street Ball 2012” PDF Печати

 Со цел за поттикнување на граѓаните на општината за нивно активно учество во спортски активности и рекреација, како дел од програмата за јавни дејности, општина Неготино и оваа година на градскиот плоштад ќе го организира традиционалниот турнир во улична кошарка “Street Ball 2012”. На турнирот ќе земат учество екипи од Неготино, Кавадарци, Велес и други општини, кои ќе се натпреваруваат во три конкуренции, и тоа: машка конкуренција до 18 години, машка конкуренција над 18 години и женска конкуренција. Системот на натпреварување ќе биде одреден во зависност од бројот на пријавените екипи на турнирот.
Турнирот кој ќе трае 3 дена – 21, 22 и 23 август (вторник, среда и четврток), започнува со свеченото отварање на 21 август (вторник) со почеток од 18 часот на градскиот плоштад во Неготино, а ќе го отвори покровителот на истиот - градоначалникот на општина Неготино г-нот Пане Трајков.
Пријавувањето на екипите се врши на телефоните 071/261-341, 076/960-606 и 077/679-559, најоцна до 21 август до 17 часот. За најдобрите екипи на турнирот општина Неготино обезбеди вредни награди.

 
<< Почеток < Пред 1 2 3 4 5 6 7 8 9 10 Следно > Крај >>

Лист 6 од 11