Културна Програма
Реализирани двете претстави со кои општина Неготино го одбележа Светскиот ден на театарот 27 март PDF Печати
 На 29 март во Центарот за култура “Ацо Ѓорчев” во Неготино беше изведена театарската претстава “Кара Дончо” во изведба на Народниот театар од Штип. Ова беше втората од двете претстави со кои општина Неготино го одбележа Светскиот ден на театарот 27 март. Претходно, на 27 март аматерскоит театар од Демир Капија се претстави со комедијата “Не шетај гола”.
 
Реализирана првата од двете претстави со кои општина Неготино го одбележа Светскиот ден на театарот 27 март PDF Печати
  Вчеравечер во Центарот за култура “Ацо Ѓорчев” во Неготино беше изведена урнебесната комедија “Не шетај гола” во изведба на аматерскиот театар од Демир Капија. Претставата беше посетена од голем број на љубители на театарот од сите генерации. Салата во Центарот за култура, која што инаку е со капацитет од околу 300 седишта, беше претесна да ги собере сите граѓани кои дојдоа да ја видат претставата.
 “Не шетај гола” е првата од двете претстави со кои општина Неготино во рамките на Програмата за култура, а во соработка со Центаро за култура “Ацо Ѓорчев”, го одбележува Светскиот ден на театарот – 27 март. Инаку, Програмата за култура на општина Неготино покрај повеќе театарски претстави, оваа година вклучува богат спектар на културни настани: концерти, изложби, перформанси, филмски проекции, колонии, итн., со чија реализација општината прави напори да ја доближи културата до граѓаните и да даде силен импулс за нејзин развој како еден од најважните сегменти на општественото живеење во една урбана средина.
Втората претстава со наслов “Кара Дончо” е во изведба на народниот театар од Штип и ќе биде изведена во четврток 29 март во Центарот за култура “Ацо Ѓорчев” со почеток од 19 часот. Ова е уште една одлична можност за вљубениците во театарот од Неготино и Тиквешијата да погледнат уште една одлична театарска комедија.
 
Две урнебесни комедии по повод Денот на театарот - 27 март PDF Печати

   Во организација на Општина Неготино
Две урнебесни комедии по повод Денот на театарот - 27 март

Во рамките на програмата за култура на општина Неготино, а по повод Денот на театарот 27 март, оваа година општината во соработка со Центарот за култура “Aцо Ѓорчев” организира две театарски претстави. Првата претстава во изведба на аматерскиот театар при домот на културата “Mирка Гинова” од Демир Капија носи наслов “Не шетај гола”, додека втората во изведба на Народниот театар од Штип е со наслов “Кара Дончо”.
Претставата “Не шетај гола” во изведба на аматерсскиот тетар “Мирка Гинова” од Демир Капија е урнебесна комедија во која се вклучени необични заплети, што создаваат феноменални услови за интерпретација на текстот напишан од Жорж Фејдо. Се работи за претстава со комичен урнебес во кој играат седумина актери. Претставта ќе биде прикажана на 27 март со почеток од 19.00 часот во Центарот за култура “Ацо Ѓорчев”.
Од друга страна претставата „Кара Дончо“ во изведба на Штипскиот народен театар е инспирирана од нашето минато и од актуелниот општествен и социјален живот кај нас, овде и сега. Текстот е инспириран од настани и личности од античко време силно испреплетени со денешнината, а препознавањето на ликовите од поблиската историја и сегашноста е сосема случајно.

Повеќе...
 
ТЕАТАРСКА ПРЕТСТАВА “ГЕНЕРАЛНА ПРОБА ЗА САМОУБИСТВО” PDF Печати
   Во рамките на четвртото издание на манифестацијата “Топол културен бран”, во организација на Општина Неготино и Министерството за култура, на 31 август (среда) со почеток од 20.30 часот во Центарот за култура “Ацо Ѓорчев” во Неготино, ќе гостува велешкиот народен театар “Јордан Хаџи Константинов Џинот” со комедијата “Генерална проба за самоубиство”. Ова е одлична можност за љубителите на културата и театарската уметност од општината да проследат уште еден квалитетен културен настан. Влезот за претставата е бесплатен.
 Општина Неготино е една од дваесетте општини во државата во која што се реализира манифестацијата “Топол културен бран 2011”. Како дел од истата, претходно, на 29 јули љубителите на културата од општина Неготино имаа можност да го проследат концертот на Драган Даутовски Квартет.
 
<< Почеток < Пред 1 2 3 4 5 6 7 8 9 10 Следно > Крај >>

Лист 8 од 10
Банер

Водич за инвеститори

е - градежна дозвола

     Законски акти и упатства 

ЈАВЕН ПОВИК

Македонија вработува

Министерство за култура

Банер

Програма општинско-корисна работа

Банер

Пребарување

Кој е онлајн

Има 40 гости присутни