ЛЕР и јавни дејности
Започна Неделата на виното-Св. Трифун 2018 г. PDF Печати

   Со дегустацијата на вина и ракии од индивидуални производители започнаа активностите и настаните од 4-дневната манифестација Недела на виното која општина Неготино ја организира по повод празникот на лозарите и винарите Свети Трифун. Како што истакна градоначалникот на општина Неготино Тони Делков кој присуствуваше на дегустацијата радува фактот што од година во година расте интересот за пријавување, при што годинава се пристигнати над 60 мостри од вина и ракии. Истите се оценувани од страна на енолози кои ќе го имаат конечниот збор за тоа кои вина и ракии ќе бидат прогласени за најквалитетни, а наградите и признанијата на најуспешните ќе им бидат врачени во среда на 14-ти февруари на централниот настан на градскиот плоштад од 12,00 часот. Игно Тасев претседател на комисијата и прв човек на Здружението на енолози на РМ потенцираше дека и покрај лошата ланска реколта, произведени се доста квалитетни вина и ракии и тие како комисија нема да имаат воопшто лесна задача при прогласувањето на најдобрите.

Повеќе...
 
Познати музички имиња ќе настапат за „Св.Трифун“ во Неготино PDF Печати

   Голем број познати музички имиња од македонската естрада, фолклорни друштва, танцови формации ќе настапат во Неготино во рамките на одбележувањето на централниот настан по повод празникот „Свети Трифун“ во среда на 14-ти овој месец. Организаторот подготви музичка програма во која ќе можат да уживаат повеќе генерации на граѓани од најмладите па се до највозрасните, а забавата ќе се одвива на 2 локации во Неготино. Првата е во среда со почеток од 12,00 часот на градскиот плоштад и истата ќе трае до кај 16,00 часот, додека во вечерните часови на старата градска чаршија од 20,00 часот ќе започне настанот „Вино, љубов,музика“, а забавата предвидено е да трае до раните утрински часови. Општина Неготино и градоначалникот Тони Делков упатуваат јавна покана до сите граѓани од општината и регионот да присуствуваат на забавите и да уживаат во понудената забавно-музичка програма.

Повеќе...
 
Недела на виното – „Св Трифун 2018“ Неготино PDF Печати
      
Повеќе...
 
Оглас за пријавување за вино терапија од „Изида спа“ за „Св.Трифун“ Неготино 2018г. PDF Печати

   Во рамките на одржувањето на  настаните и активностите од „Неделата на виното-Свети Трифун 2018г.“ оваа година ќе се вклучи и „Изида спа“ од Охрид која на заинтересираните им нуди третмани за убавина-терапија со вино и грозје. Во соработка со општина Неготино по случаен избор ќе бидат доделени 5 бесплатни ваучери кои ќе можат да се искористат на 13-ти февруари од 11 до 14 часот во просториите на винаријата Бовин. Сите заинтересирани можат да се пријавуваат на ПРИЈАВАТА во периодот од 31 јануари до 9 февруари која треба да биде пополнета со име, презиме  и контакт телефон на апликантот, а добитниците на гратис ваучери ќе бидат избрани по случаен избор на 12 февруари во текот на одржувањето на едукативниот настан организиран од „Изида спа“ од 13 до 14 часот. Исто така, „Изида спа“ нуди можност и за резервација на третмани за убавина-терапија со вино и грозје по промотивна цена од 500 денари со закажување на тел. број 070-304-565, а третманите ќе се работат на 13 февруари од 15 до 19 часот по предходно резервиран термин во просториите на винаријата Бовин. Од „Изида спа“ на граѓаните на општина Неготино и потенцијалните посетители од цела Македонија по повод Свети Трифун им порачуваат да ја искористат можноста допирот на телото да прерасне во допир на душата и да добијат одговор на прашањето зошто виното и винските терапии ја враќаат енергијата и виталноста на човечкото тело и душа.

ПРИЈАВА ЗА ГРАТИС ВАУЧЕР

Повеќе...
 
Во тек е тендерска постапка за Проектот: ,,Изградба на комунална инфраструктура-армирано бетонски канал, дел од водовод, атмосферска и фекална канализација за Улици 3 и 4 во УЗ8 блок 1 во Неготино”, општина Неготино PDF Печати

   Во рамките на проектот ,,Водоснабдување и одведување на отпадни води на Министерството за транспорт и врски кои се  дирекно финансирање преку ЕИБ од општина Неготино подготвена е и поднесена е  апликација за: Проект за  уредување на дел од  инфраструктура во индустриска зона УЗ8-водовод и канализација во тек на 2016 г.Истата е одобрена во Брисел во Европска Инвестициона Банка .Проектирана вредност е 20.840.000,00  МКД , додека крајната вредност на проектот ќе се утврди по спроведување на тендерскaта постапка која е во тек и објавена од страна на МТВ. Предмет на проектот e: Изградба на комунална инфраструктура (АБ канал, краци на улица 3 и 4 на  водовод, атмосферска и фекална канализација во  Урбана Заедница 8 блок 1, ( индустриска област) општина Неготино. Општина Неготино работи на обезбедување на Изјави – Согласност од засегнатите страни за Изведување на градежни работи предвидени со проектот во Урбанистичка  зона УЗ8. По изборот на најповолниот изведувач и конечната вредност ќе се отпочне со градежните работи за што општина Неготино ќе обебеди и надзор за изведбата на истите.

Повеќе...
 
Започнаа подготовките за одбележување на празникот „ Недела на виното -Св. Трифун 2018“ PDF Печати
   Како и секоја, така и оваа година општина Неготино благовремено ги започна организационите подготовки за одбележување на„ Недела на виното -Св. Трифун 2018“ со  посебен акцент на празникот на лозарите и организирање  на централниот настан на 14-ти февруари. Во присуство на претставници на локалната самоуправа, лозари, винарии, енолози, здруженија на граѓани, образовни установи, фолклорни друштва и други, во големата сала на општината се одржа првиот состанок на кој присутните беа запознати со изготвената предлог-програма за одбележување на „Св.Трифун“, при што и самите имаа можност да дадат прелиминарни забелешки и предлози. Според предлог-агендата, оваа година манифестацијата со која ќе се одбележи празникот на лозарите и винарите е насловена како „Недела на виното-Св. Трифун 2018“, а предвидено е истата да трае 3 дена со бројни активности кои ќе се одржуваат во деновите понеделник, вторник и среда ( 12, 13 и 14 февруари ). Општина Неготино за оваа година предложи  спроведување на повеќе нови проекти во рамките на манифестацијата, меѓу кои одржување едукативен настан поврзан со вино и грозје- вино терапија и унапредување на можностите за користење на виното и грозјето во козметичката индустрија, организирање на дводневна работилница на ракотворби за вино, декорации на маса за вино и работилници за подготовка на храна, како и отворање на ликовно-копаничарско ателје за креирање препознатлив експонат,  а нема да изостане и традиционалната копаничарска изложба. Исто така, како новина се планира организирање на социјални и спортско-натпреварувачки игри и забава со реквизити за производство и складирање на вино , одржување на хуманитарен базар, музичко ликовен уличен перформанс, збогатување на трајна етно-винска поставка во винскиот дел на Музејот на град Неготино, можност за организирање на тридневна тура во регионот, настапи на фолкорни друштва, денс групи и други музичари. Основна цел е да се понуди програма со содржини која ќе предизвика интерес кај сите генерации граѓани, како и присуство на гости од земјава и странство. Главна новина која се предлага од општина Неготино, а во зависност нормално од временските услови  е тоа што на самиот ден на одбележување на „Св. Трифун“ – 14-ти февруари на градскиот плоштад  програмата се планира да започне претпладне и да трае целодневно .Во вечерните часови пак се планира  забавата да продолжи  на  Старата градска чаршија  . Се разбира ќе бидат застапени и други настани кои и во минатите години беа карактеристични за оваа манифестација со главен акцент на виното. Од општина Неготино информираат дека станува збор за предлог-програма која е подложна на измени и дополнувања, па токму затоа и во наредниот период ќе следува организирање на други состаноци на кои ќе се дефинира што точно  ќе содржи програмата.Општина Неготино во следниот период очекува поголема зиантересираност токму од винариите , од угостителите  и од останатиот приватен сектор од кои се очекува да дадат значаен придонес  во севкупната организација за оваа манифестација . Главната цел е во текот на трите дена од одбележувањето на празникот во Неготино да се привлечат што е можно повеќе гости од регионот, земјава и странство  а со тоа манифестацијата да се издигне на ниво  на препознатлива стопанско-туристичка манифестација.

 
Со 400.000 евра ќе се подобрува енергетската ефикасност во општина Неготино PDF Печати

   По дадената согласност од општинскиот Совет, општина Неготино преку Одделението за локален економски развој и Одделението за енергетска ефикасност ќе го имплементира проектот „Енергетска ефикасност во прекугранична област како индикативен фактор на политиката за животна средина со акроним „ЕНПОЛ-ЕЕ“ кој ќе се имплементира во рамките на ИНТЕРРЕГ ИПА програмата за прекугранична соработка Грција-Македонија 2014-2020 година. Водечки корисник на овој проект е општина Пела-Грција, општина Неготино e кориснк 2 ,корисник 3 е  Корпорација за јавен интерес за култура  и развој на општина Пела-Грција ,  СОУ„Св. Кирил и Методиј“ од нашиот град е корисник 4. Вредноста на одобрениот буџет за општина Неготино изнесува 315.797 евра или 19.432.708,50 денари со финансирање во сооднос 85 отсто Европска унија и 15 отсто национално ко-финансирање, додека вредноста на одобрениот буџет за СОУ “Св. Кирил и Методиј“ е во иснос од 86,740 евра или 5.334.540,75 денари со идентичен сооднос во делот на финансирањето. По дадената согласност следува потпишување на договорот помеѓу 4-те корисници на средствата и договорот за субвенционирање. Овој проект за подобрување на енергетската ефикасност на територијата на општина Неготино ќе се спроведува во период од  22 месеци, од денот на потпишување на Договорот за партнерство од сите четири страни и Договор за субвенционирање кој  го потпишува водечкиот корисник -општина Пела и Управувачкото тело при Министерството за економија и развој на  Република Грција.

Повеќе...
 
<< Почеток < Пред 1 2 3 4 5 6 7 8 9 10 Следно > Крај >>

Лист 4 од 18