ЛЕР и јавни дејности
Ј А В Е Н О Г Л А С до евидентирани невработени лица за вклучување во Програмата Општинско - корисна работа PDF Печати

Врз основа на Договорот за соработка помеѓу Агенцијата за вработување на РМ (АВРМ), Програмата за развој на Обединетите нации (УНДП)  и општина Неготино, Оперативниот план за активни програми и мерки за вработување и услуги на пазарот на трудот за 2018 година усвоен од Владата на Република Македонија, Програмата Општинско – корисна работа финансирана од Буџетот на Агенцијата за вработување на РМ, на ден 01.08.2018 година се објавува:

                                                                          Ј  А  В  Е  Н     О  Г  Л  А  С
                                                                                            до
                                                      евидентирани невработени лица за вклучување во
                                                             Програмата Општинско - корисна работа

Се повикуваат сите евидентираните невработени лица кои се заинтересирани да се вклучат во програмата Општинско-корисна работа, проект  “Продолжување на функционирањето на игралните во руралните средини и воведување на нови иновативни социјални услуги за деца со посебни потреби вклучени во образовниот процес”  за работно ангажирање со скратено работно време за период од 9 (девет) месеци заради стекнување на вештини и постепено вклучување на пазарот на труд, да се пријават во Агенција за вработување- Центар за вработување Неготино.

Евидентираните невработени лица кои ќе бидат вклучени во Програмата „Општинско-корисна работа“ ќе бидат работно ангажирани со скратено работно време со 20 (дваесет) работни часови неделно, при што за време на работниот ангажман од 9 (девет) месеци статусот на невработените лица  останува непроменет, а на невработените лица-корисници на социјална помош за времетраење на работниот ангажман ќе им биде активно правото на користење на социјална помош.

Право на учество во Програмата „Општинско-корисна работа“ имаат сите невработени лица, при што предност ќе имаат лицата кои за прв пат се јавуваат за учество во Програмата.

За кандидатите  кои ќе бидат избрани и вклучени во Програмата Општинско-корисна работа се предвидува паричен надоместок во висина од 9.000,00 денари месечно, со вклучен персонален данок на доход и осигурување од случај на несреќа при работа и професионално заболување.

Повеќе...
 
Во Неготино презентација на проектот на УСАИД за развој на деловниот екосистем PDF Печати

   Во присуство на голем број претставници на бизнис-секторот од општина Неготино, претставници на УСАИД, на Министерството за економија и други заинтересирани, градоначалникот на општина Неготино Тони Делков го отвори настанот на кој се изврши презентација на Проектот на УСАИД за развој на деловниот екосистем. Според градоначалникот Делков, проектот во своето делување се фокусира на 3 взаемно поврзани компоненти и тоа:-подобрување на услугите на организациите за деловна поддршка на микро, малите и средните претпријатија, подобрување на пристапот до финансии на претпријатијата и инвестиции на водечките фирми во развојот на работната сила и синџирот на снабдување. Првиот човек на општината апелираше до претставниците на бизнис-секторот да се вклучат во отворената дискусија, да се произнесат со свои предлози и мислења и да вложат напори да остварат бенефит за фирмите кои ги претставуваат со користење средства и услуги од самиот проект. Претставничката на УСАИД Марија Танасовска-менаџер за пристап до финансии и Дејан Јаневски-менаџер за пазарни врски во своите излагања истакнаа дека станува збор за проект кој е започнат во 2017г. и ќе трае 4 години со вкупен буџет од 6,2 милиони долари и преку истиот се работи на зголемување на конкурентноста на микро, малите и средните претпријатија преку зајакнување на деловните услуги, финансирањето и пазарните врски со приоритетна цел зголемување на продуктивноста и вработувања во приватниот сектор. Претставниците на Министерството за економија се осврнаа на општествената одговорност на компаниите, а настанот беше заокружен со отворена дискусија на која беа истакнати потребите на приватниот сектор од општина Неготино и разгледување на можностите за остварување потенцијална соработка и користење на бенефитите од самиот проект.

Повеќе...
 
Презентација на Проектот на УСАИД за развој на деловниот екосистем PDF Печати

   Во петок, 30ти Март, со почеток во 13 часот, во просториите на Општина Неготино ќе се одржи презентација на Проектот на УСАИД за развој на деловниот екосистем пред претставници од приватниот сектор во општината. Градоначалникот Делков ќе ја отвори средбата со поздравен говор за соработката на Општина Неготино со приватниот сектор, а потоа претставниците од Проектот ќе ги презентираат нивните активности за поддршка на микро, малите и средните претпријатија. Средбата ќе заврши соотворена дискусијата за потребите на приватниот сектор во Неготино и можностите за соработка со Проектот.
Проектот на УСАИД за развој на деловниот екосистем, започнат во ноември 2017 година,работи на зголемување на конкурентноста на микро, малите и средните претпријатија преку зајакнување на деловните услуги, финансирањето и пазарните врски. Целта на Проектот е зголемување на продуктивноста и вработувањата во приватниот сектор. Проектот, во своето четиригодишно делување, ќе се фокусира на три заемно поврзани компоненти:
1.    Подобрување на услугите на организациите за деловна поддршка на микро, малите и средните претпријатија;
2.    Подобрување на пристапот до финансии на претпријатијата;
3.    Инвестиции на водечки фирми во развој на работната сила и синџирот на снабдување.
Активностите на Проектот, како и можностите за вклучување на локалните компании, ќе бидат детално објаснети на средбата.

Повеќе...
 
Хуманитарни настани во рамките на „Недела на виното-Св Трифун 2018“ PDF Печати

   Во рамките на годинашнава ,,Недела на виното-Св Трифун 2018,, активно се вклучија и членовите на ПЗ,,Неготински мед,, и ЈУДГ,,Фемо Кулаков,,од Неготино.Заеднички земаа учествуво   во дел од организираните  хуманитарни активности.ПЗ,,Неготински мед,,  донираше одредена количина на мед за подготовка на ,,МЕДЕНИ СРЦА,, колачи подготвени и спаковани од детската градинка,,Фемо Кулков ,,од Неготино.Истите беа продавани од младински волонтери на ОСУ,,Св Кирил и Методиј,,од Неготино за  време  на вечерната забава на Старата градска чаршија на 14.02.2018.Продажбата на ,,МЕДЕНИТЕ СРЦА,,течеше под мотото,,подари со љубов,,.
Покрај овој настан собраните средства од продажбата на чаши за дегустирање на вино на градскиот плоштад, како и  останатите средства собрани за време на настанот организиран на 13.02.2018 со индивидуалните производители на ,,Вранец,,,Раванијада,, и ,,Зелникот од рацете на баба ми,,во манастирскиот комплекс  ќе бидат донирани за хуманитарни цели.

Повеќе...
 
„Вино, љубов, музика“-Св.Трифун 2018г. PDF Печати
  Целодневната програма по повод празникот на лозарите и винарите 14-ти февруари-Свети Трифун во рамките на Неделата на виното финишираше со организирана вечерна забава која се одржа на старата градска чаршија и привлече голем број посетители од различни генерации. Сите присутни во релаксирана атмосфера имаа можност да уживаат во дегустација на вина по промотивни цени, добрата забава и во програмата подготвена од општина Неготино. Медени слатки срца „подари со љубов“, хумористично-поетски анегдоти за виното и љубовта во изведба на ученици од СОУ„Св. Кирил и Методиј“, настапи на познати музички имиња од македонската естрада и многу други изненадувања беа дел од богата програма од настанот „Вино, љубов, музика“. Свој настап пред посетителите имаа Александар Белов, Кристина Арнаудоа, годинашните претставници на Република Македонија на Евровизијата групата „ај кју“, а не изостана ниту добрата музика за помладите генерации присутни на забавата на старата градска чаршија.
Повеќе...
 
Премиерот на РМ Зоран Заев на прославата на Св.Трифун во Неготино PDF Печати

   Претседателот на Владата на Република Македонија  Зоран Заев  придружуван од министерот за земјоделство, шумарство и водостопанство Љупчо Николовски и советничката за земјоделски политики  Ленче Николовска присуствува во Неготино на централната манифестација од Неделата  на виното која во нашиот град се одржа  по повод традиционалното одбележување на празникот на лозарите и винарите Свети Трифун. Меѓу присутните гости беше и Неговата Екселенција амбасадорот на Франција во Македонија Кристиан Тимоние, делегации од збратимените градови Попово и Наѓката, пратеници во Парламентот, градоначалници и други гости кои го исполнија градскиот плоштад и го следеа настанот. Премиерот Заев најпрво оствари средба со градоначалникот на општина Неготино Тони Делков, а веднаш потоа сите присутни се упатија на плоштадот каде што ги посетија поставените штандови, разговараа со граѓаните и дадоа изјава за медиумите. Во своето обраќање пред присутните, градоначалникот Делков истакна дека оваа година беше понуден нов концепт, нови содржини и настани и подобра понуда и услуги водејќи се од визијата Свети Трифун-Неготино да биде вински фестивал вреден за почит, придружен со добра забава за сите генерации и со префинет вкус на традицијата. Неготино, потенцираше Делков, тоа го заслужува бидејќи има одлична местоположба и токму овде се произведуваат најдобрите вина од најдобрите винарии, а тенденција е овој настан да добие комерцијална и додадена вредност и да стане препознатлива стопанско-туристичка манифестација. Свештено лице од МПЦ „Свети Атанасиј“ го изврши обредот на осветување, по што следеше и чинот на симболично закројување на импровизираната лоза. Присутните на плоштадот имаа можност да уживаат во богата културно-уметничка програма со настап на фолклорни друштва и познати имиња од македонската естрада.

Повеќе...
 
Отворена традиционалната копаничарска работилница PDF Печати

   Директорот на Музејот на град Неготино Ристе Марков и претседалот на Советот на општина Неготино Диме Витанов во присуство на заинтересирани граѓани ја прогласија за отворена традиционалната копаничарска изложба која се одржува во рамките на Неделата на виното-Свети Трифун 2018 година. На изложбата со свои дела се претставија членови на Здружението „Стари занаети“ од Неготино кои предизвикаа интерес кај посетителите кои со внимание ги проследија изложените дела. Во знак на благодарност за вложениот труд при изработката на делата и организацијата на настанот, претседателот на Советот на општината Диме Витанов на копаничарите учесници им додели благодарници.

Повеќе...
 
<< Почеток < Пред 1 2 3 4 5 6 7 8 9 10 Следно > Крај >>

Лист 2 од 18