Информации корона вирус
ВАЖНО СООПШТЕНИЕ !!! PDF Печати
  Кооординативно тело на општина Неготино за справување со Коронавирус  ги известува сите земјоделци на територијата на општина Неготино кои што вршат ДОПОЛНИТЕЛНА  ЗЕМЈОДЕЛСКА ДЕЈНОСТ да се пријават  денес (среда) во периодот до 16.00 часот  и утре четврток (30.04.2020)  во периодот од 8.00 до 16.00 часот со доставување на потребни податоци по телефон  или дирекно во ПЕ на Министерството за земјоделство шумарство и водостопанство во општина Неготино.
НЕМА ДА БИДАТ ЕВИДЕНТИРАНИ СИТЕ ОНИЕ КОИ ЌЕ СЕ ЈАВАТ ПОСЛЕ 16.00 ЧАСОТ ,ЗАКЛУЧНО СО ЧЕТВРТОК (30.04.2020)
Пријавувањето може да го направите на следниве контакт телефони:
071 845 485
070 390 116

НАПОМЕНА:Сите  претходно  евидентирани лица остануват во евиденција и НЕМА ПОТРЕБА  да се јавуваат дополнително за деновите петок(01.05), сабота(02.05.) и недела(03.05)
 Сите евидентирани лица ќе може да ги извршуваат потребните земјоделски дејности  до 19.00 часот во деновите(петок , сабота, недела)
Потребните податоци за лицето кое ПРВ ПАТ  се пријавува за вршење на земјоделска активност за време на полициски час се:
1.име и презиме
2.матичен број
3.адреса на живеење
4.место каде ќе се извршуваат земјоделските активности
5.контакт телефон
Добиените податоци ќе бидат доставени до ОВР-Полициска станица Неготино заради контрола на движење на граѓаните за време на полицискиот час.Граѓаните со себе да понесат и документ за идентификација(лична карта).
Напомена:Пријавувањето е дозволено само за полнолетни  лица, не постари од 67 години!!!
 
Компанијата „Ким“ со втора донација за справување со корона вирусот PDF Печати

  Продолжува одзивот на компаниите по повикот од општина Неготино за реализирање донации кои се распределуваат и доделуваат онаму каде што се најпотребни. Компанијата „Ким“ од нашиот град деновиве достави уште една, втора по ред, донација која содржи производи од нивната богата палета. Општина Неготино упатува јавна благодарност до оваа компанија за високото ниво на покажана општествена одговорност и информира дека донацијата ќе биде поделена на ранливите категории граѓани на кои во услови на пандемија помошта им е најпотребна.

 
Информација за најновите препораки од страна на Министерството за здравство PDF Печати

  Од денес е задолжително носење на лична заштитна опрема за носот и устата која може да биде: респираторна маска, хируршка маска за еднократна употреба, текстилна маска за повеќекратна употреба, памучна марама или шал, бандана и слично.

Носењето е задолжително во сите затворени јавни објекти како државни институции, маркети, продавници, банки, пошти, јавен превоз, чекални, здравствени институции и слично.

Носење заштитна опрема на отворено е задолжително на отворени пазари и секогаш кога не можете да одржувате минимална дистанца од 2 метри од најблиското лице до вас.

Што значи практично ова?
Доколку се движите низ гужва на улица, чекате јавен превоз со голем број патници на станицата или сте во слична ситуација да морате да бидете во непосредна близина на други лица и не можете да се одалечите на 2 препорачаната дистанца од 2 метри, задолжително носете заштитна опрема.

Заштитна опрема надвор не е задолжително ако:
– престојувате во двор на станбена семејна куќа,
– возите велосипед или спортувате на отворено, но ја одржувате дистанцата од минимум 2 метри,
– патувате во патничко моторно возило со лица со кои заедно живеете
– се движите на јавни места и површини од отворен тип каде не слободно може да одржувате дистанца од 2 метри.

Заштитната опрема е значајна да го спречиме ширењето на вирусот, со неа се штитите себеси и сите околу вас. Да бидеме одговорни и заедно да го спречиме ширењето, од сите нас зависи!

 
Почнувајќи од утре, четврток, 23 април, се намалуваат рестрикциите на движењето PDF Печати
 Секој работен ден, од понеделник до петок ќе биде дозволено движењето на граѓаните од 05:00 часот наутро до 19:00 часот. Забраната за движење во целата држава ќе почнува во 19 часот и ќе трае до 05 часот наутро.

За лицата над 67 годишна возраст ќе биде дозволено движење секој работен ден од 05 часот наутро до 12 на пладне.

Младите лица до 18 години ќе може да излегуваат од понеделник до петок од 13:00 до 19:00 часот.

Се намалува и ограничувањето на движење за време на викендите.

Од сега забраната за движење за викенд ќе почнува од 15:00 часот во сабота, а ќе трае до понеделник до 05:00 часот наутро.

Во сабота, за лицата над 67 годишна возраст ќе биде дозволено движење од 05 часот наутро до 11 часот наутро.

Во сабота, младите лица до 18 години ќе може да излегуваат од 12:00 до 15:00 часот.
 
Одржан редовен координативен состанок на Кризниот штаб на општина Неготино PDF Печати
   Кризниот штаб на општина Неготино денеска одржа редовен состанок на кој беа дискутирани но и донесени заклучоци, а кои се однесуваат на мерките и препораките за заштита и спречување на ширењето на Корона вирусот во општина Неготино.
Имено, според информациите добиени од страна на ОВР Неготино за време на забраната за движење односно полицискиот час , утврдени се прекршувања односно дозволите за движење за време на полицискиот час кои одредени правни и физички лица ги имаа извадено биле злоупотребувани.
Согласно овие информации се донесе заклучок според кој ОВР Неготино ќе ги зголеми своите контроли и воедно ги повикува сите правни и физички лица кои имаат дозволи за движење за време додека трае забраната, истите да ја почитуваат релацијата на движење од  дома до своите работни места или земјоделски земјишта. Во спротивно, сите злоупотреби ќе бидат санкционирани од страна на ОВР Неготино.
Општина Неготино и во периодот што следи ќе продолжи со редовната дезинфекција на градот и населените места.
 
<< Почеток < Пред 1 2 3 4 5 6 7 8 9 10 Следно > Крај >>

Лист 3 од 13