На мое големо задоволство, денеска заедно со голем број граѓани од општината, раководниот тим и професори од неготинската гимназија, присуствував на градскиот плоштад кој пулсираше во ритамот на традиционалната манифестација Матурски бал – 2023 година. 60-тина матуранти од СОУ„Св. Кирил и Методиј“ го одиграа матурскиот бал заедно со своите врсници од повеќе градови од Република Македонија. Ја искористив можноста од свое лично име и од име на Советот на општината на сите матуранти од општина Неготино да им го честитам матурирањето со желби за добро здравје и среќа во животот, како и успех на личен и професионален план.
