Спортската сала Младост синоќа беше исполнета до последното место и претесна да ги прими сите заинтересирани граѓани од нашата општина кои присутвуваа на традиционалната завршна приредба организирана од детската градинка „Фемо Кулаков“ од Неготино. Во прекрасна атмосфера и позитивна енергија, присутните имаа можност да уживаат во 14 музички точки подготвени од целиот тим од градинката и изведени од страна на 130 дечиња од големите групи кои завршуваат со престојот во градинката и ќе бидат идни првачиња.
