О Т Ч Е Т

GUIDE FOR INVESTORS

Службен гласник

Beeconomy

Влада на Р.Македонија

Моја - општина

Здружение на К.И на Р.М

  www.zki.org.mk

Народен правобранител

Skopjediem

Општина Неготино
Одбележан празникот на лозарите „Свети Трифун“ PDF Печати

   Со прием на делегациите во кабинетот на градоначалникот на општина Неготино Ванчо Апостолов, фолклорно дефиле по улиците на градот со учество на повеќе културно-уметнички друштва и закројување на виновата лоза во дворот на неготинската црква „Св. Атанасиј“ започнаа денешните активности за одбележување на празникот „Свети Трифун“-заштитникот на лозарите и овоштарите. Централната прослава се одвиваше на градскиот плоштад во присуство на илјадници граѓани кои дојдоа да го проследат настанот, гости од земјава и странство од збратимените градови Наџиката и Попово, неговата екселинција амбасадорот на Унгарија во Македонија Ласло Иштван и други. Свештено лице од МПЦ„Св. Атанасиј“ изврши попрскување на импровизираната лоза со светена вода, за веднаш потоа градоначалникот Апостолов и заменик-министерот за земјоделство Ванчо Костадиновски да го извршат симболичниот чин на закројување на лозата и да им посакаат на лозарите квалитетен род. Во продолжение беа доделени наградите и признанијата на најдобрите индивидуални производители на вина и ракии, а присутните на плоштадот имаа можност да уживаат во богатата културно-забавна програма и да дегустираат од изложените вина и ракии на штандовите на винариите.

Повеќе...
 
Предавање за состојбата и перспективите на „вранецот“ PDF Печати

   Во рамките на многубројните настани кои се одржуваат за времетраењето на манифестацијата „Недела на виното“ со која општина Неготино го чествува заштитникот на лозарите Свети Трифун, во големата сала на локалната самоуправа се одржа предавање за „состојбите и перспективите на сортата „вранец“ во Република Македонија. Настанот беше проследен од голем број на лозари и стручни лица од областа на земјоделието, а предавањето го изврши професор д-р Виолета Димовска од Факултетот за земјоделски науки „Гоце Делчев“ од Штип.

Повеќе...
 
Се одржа дегустација на вина и ракии PDF Печати

   Во рамки на одржувањето на бројни настани од манифестацијата Недела на виното, а во чест на празникот Св. Трифун се одржа и дегустацијата на вина и ракии од домашни производители кои ги оценува стручна комисија од Здружението на енолози на РМ. Годинава пристигнаа рекорден број на мостри - 62 од кои 30 црвени и 18 бели вина и 14 мостри ракија. Наградите на најдобрите градоначалникот  Ванчо Апостолов ќе им ги врачи на централната прослава во вторник на градскиот плоштад во Неготино од 12 часот.

Повеќе...
 
Недела на виното „Св.Трифун 2017г.“ PDF Печати

10.02.2017 (Петок)

18.00 Предавање за примена на енолошки средства во производство на вина во домашни услови –м-р Игно Тасев-ТОХЕМ
Mесто: Голема сала на Собрание на Општина Неготино

12.02.2017 (Недела)

10.00-12.00 Организирана дегустација натпревар во вино и ракија на индивидуалните производители во општина Неготино
Mесто: Ресторан „Чардак“ Неготино                                    

19.00-Театарска претстава-театар „Крик“-Скопје
Mесто: Дом на култура

13.02.2017 (Понеделник)
10.30-11.30 Предавање за состојба и перспектива на сортата „Вранец“ во
Р Македонија – проф.д-р Виолета Димовска Факултет за земјоделски
науки    Гоце Делчев Штип
Место: голема сала на општина Неготино   

12.00-14.00 Ден на виното „Вранец“-дегустација
Место: Галерија на вино - Mанастир „Св. Ѓорѓи“

18.00 Традиционална копаничарска изложба
Место: Музеј на град Неготино 
                   
18.00 Предавање за заштита на земјоделските растенија и производи - АПРЗ ПЕ Неготино во соработка со „Хемомак Пестициди” - Велес
Место: голема сала на општина Неготино 

19.00 Концерт на домашни и интернационални фолклорни друштва
Mесто: Дом на култура


14.02.2017 (Вторник)

10.00 - 10.30 Прием на гостите во општина Неготино 
10.30 - 12.00 Фолклорно дефиле и фолклорно-културни изведби на бина
12.00 - 12.45 Ритуал на обредно закројување на винова лоза и доделување на награди на учесниците во натпреварот за најдобри вина и ракии
12.45 - 17.00 Централна прослава „Св.Трифун 2017“ Културно - уметничка програма на бина со учество на локални естрадни уметници и групи и посета на промотивни штандови со вино и храна

 

 
ОТЧЕТ НА ГРАДОНАЧАЛНИКОТ АПОСТОЛОВ PDF Печати

   Како мој и приоритет на локалната самоуправа го поставив долгорочното решавање на деценискиот проблем со водоснабдувањето на територијата на општина Неготино. За таа цел реализиравме неколку паралелни проекти кои веќе даваат резултати, а со нивната комплетна реализација очекуваме редукциите на вода да бидат минато за неготинци. Започнавме со проектот за хидраулично регулирање на потисокот на водата за пиење, кој беше 10 бари и придонесување за настанување на чести дефекти на повеќе од 60 години старата и дотраена водоводна мрежа. Со овој проект, потисокот го намаливме на 2,5 до 4 бари, ја елиминиравме опасноста од пукање на цевките и губење драгоцени количини вода за пиење, а околу 35 литри вода во секунда се вратени во системот и доаѓаат до домовите на граѓаните. Во 2016 година заврши изградбата и ставени се во функција два нови резервоари за вода со зафатнина од 500 м3 и 250 м3 со кои се обезбедија нови количини вода за жителите од висока зона во Неготино, а се реши и прашањето со водоснабдувањето во селата Пепелиште и Тимјаник. Во моментов го завршуваме и проектот за реконструкција на старата со поставување нова водоводна мрежа на 10 улици во градот во должина од 8 километри, додека во 2017 година продолжуваме со реконструкција на водоводот на уште пет улици во градот.

Повеќе...
 
Може да се доставуваат мостри од вина и ракии по повод „Св.Трифун“ PDF Печати

 И оваа година во рамките на одржувањето на манифестацијата „Недела на виното“ која општина Неготино традиционално ја организира во чест на празникот на лозарите и овоштарите „Св. Трифун“ ќе се одржи натпреварот за избор на најдобри вина и ракии од индивидуални производители. Мостри од вина и ракии можат да доставуваат сите заинтересирани производители, а квалитетот на истите ќе биде оценуван од страна на стручна комисија составена од енолози од Здружението на енолози на Република Македонија. За пријавување за натпреварувањето потребно е да се донесат по 2 мостри од вино и од ракија во општина Неготино на 3-ти кат кај лицето Ивица Златковиќ од 08,00 до 11,00 часот секој работен ден заклучно со петок 10-ти февриари, оваа година., а информации можат да се добијат на телефонскиот број 072-320-833 од 08,00 до 16,00 часот.  За најдобрите производители организаторот обезбеди пригодни награди и признанија.

Повеќе...
 
<< Почеток < Пред 1 2 3 4 5 6 7 8 9 10 Следно > Крај >>

Лист 1 од 123