ЈАВНИ НАБАВКИ

Отворено со Вас

Пријави проблем

Проектот за локална и регионална конкурентност (ПЛРК)

Службен гласник

Моја - општина

Skopjediem

Beeconomy

Кодекс за административни службеници

Кодекс за административни службеници
Општина Неготино
ПОСТАВЕНИ РЕКВИЗИТИ НА ДЕТСКОТО ИГРАЛИШТЕ КАЈ МУЗЕЈОТ ВО НЕГОТИНО PDF Печати
   Во рамките на заложбите на градоначалникот на општина Неготино Ванчо Апостолов и на локалната самоуправа за создавање што е можно поголем број катчиња за најмладите од градот и населените места, опрема и реквизити се поставени и на детското игралиште лоцирано во непосредна близина на градскиот Музеј. Колку за потсетување, вакви и слични реквизити се поставија на уште две локации – централното градско подрачје и детскиот забавен парк во населбата Саат-кула, а нивната  масовна посетеноста од страна на најмладите, говори дека станува збор за проект кој во потполност ги оправдува вложените средства. Меѓу другото, поставени се клупи, масички, нишалки со две седишта, лулашка со седиште, справа за одење со раце и многу други реквизити кои на најмладите им овозможуваат забава, а нивните повозрасни најблиски истакнуваат дека вакви пријатни и безбедни катчиња претставуваат одлични места каде што сите заедно можат во пријатна и релаксирана атмосфера да поминуваат дел од слободното време.
Повеќе...
 
СРЕДБА НА ГРАДОНАЧАЛНИКОТ АПОСТОЛОВ СО ПРЕТСТАВНИЦИ НА КФВ БАНКА PDF Печати
   Во рамките на реализацијата на проектот што општина Неготино го спроведува со поддршка на Владата на Република Македонија и Германската КФВ банка за обнова и развој, а со единствена цел за подобрување на состојбите со водоснабдувањето, градоначалникот на општина Неготино Ванчо Апостолов оствари работна средба со претставници на консултантскиот тим на банката преку која се обезбедени средствата за спроведување на проектот. На средбата, градоначалникот Апостолов ги информираше соговорниците за досегашните активности кои локалната самоуправа во соработка со ЈП Комуналец ги има реализирано на терен, за изработката на проекти кои би биле финансирани во втората фаза од проектот, како и за динамиката на изведување на активностите во периодот што следува. Предходно, претставниците на консултантскиот тим престојуваа во локалното комунално претпријатие каде што за тековните активности беа информирани од страна на директорката Наташа Лазова.
Повеќе...
 
САНИРАНИ УДАРНИТЕ ДУПКИ НА ПОВЕЌЕ УЛИЦИ ВО НЕГОТИНО PDF Печати
   Врз основа на добиените сознанија од извршените теренски согледувања од страна на стручните служби при локалната самоуправа, како и пристигнатите сугестии од страна на населението, општина Неготино пристапи кон санирање на ударните дупки на повеќе улици во градот каде што е констатирана потреба од изведување градежни зафати. За таа цел беа ангажирани работници на градежното претпријатие Гранит кои интервенираа и извршија санација на ударните дупки на улиците 8-ми Ноември, Борис Кидрич, Првомајска и други улици во Неготино. Притоа, најпрво се изврши отстранување на стариот асвалт, чистење на просторот и поставување на нова асвалтна маса на местото на ударните дупки. Од локалната самоуправа се надеваат дека ќе се постигнат очекуваните цели од реализираните активности преку зголемена безбедност на сите учесници во сообраќајот, и тоа како на моторизираните граѓани, така и на пешаците.
Повеќе...
 
БЕТОНИРАН ДВОРОТ НА СЕМЕЈСТВОТО ИВАНОВИ ОД НЕГОТИНО PDF Печати
   За рекордно краток временски период беше реализирана иницијативата на градоначалникот на општина Неготино Ванчо Апостолов за комплетно уредување на дворното место на семејството Иванови од Неготино, при што е извршено бетонирање на споменатиот простор. Уредувањето на дворот се изврши со единствена цел да се овозможи непречено движење на медицинските колички во кои се сместени двете деца на Иванови – Драгица и Стефан кои боледуваат од церебрална парализа и се неподвижни, а токму движењето со количката им овозможува контакт со надворешниот свет. Најблиските на децата велат дека со уредувањето на дворното место, сега движењето на медицинските колички е занчително олеснето, што беше и основната цел при спроведувањето на ова хумана акција.
Повеќе...
 
ОПШТИНА НЕГОТИНО СЕ ВКЛУЧИ ВО АКЦИЈАТА ,, МАКЕДОНИЈА ЗЕМЈА НА ЦВЕЌЕТО – ЗЕМЈА НА РОЗИТЕ ,, PDF Печати
Градоначалникот на општина Неготино Ванчо Апостолов, претставници на локалната администрација и вработени во ЈП Комуналец со засадување на рози на повеќе локации во градот се вклучија во Националната еколошка акција за засадување на рози под мотото ,, Македонија земја на цвеќето-земја на розите ,,. Кампањата, според зборовите на градоначалникот Апостолов, се спроведува по повод Денот на пролетта со единствена цел масовно да се засадат што е можно повеќе рози кои при денешната акција беа посадени во реконструираниот забавен парк во населбата Саат-кула, пред единаесеткатницата, долж улицата Маршал Тито, кај градскиот Музеј и на други локации, при што беа засадени над 600 рози. Розата, покрај тоа што е повеќегодишно цветно растение кое лесно се одгледува, има и исклучителна способност да ги акумулира тешките метали од водата, воздухот и почвата. Може да живее од 20 до 30 години, цвета уште во првата година од засадувањето и е расцветана 200 денови во годината.

Повеќе...
 
Три театарски претстави во рамките на Фестивалот на аматерскиот театер во организација на Општина Неготино PDF Печати
   Во рамките на програмата за култура, а по повод Денот на театарот 27 март, оваа година општина Неготино во соработка со Центарот за култура “Aцо Ѓорчев” по трет пат го организира ревијалниот Фестивал на аматерски театар “Неготино 2014”. Во рамките на истиот ќе бидат изведени три театарски претстави, во изведба на аматерските театри од неколку града од државата.
Првата претстава со која ќе биде отворен фестивалот е култната македонска театарска претстава “Тетовирани души”, со текст на неповторливиот Горан Стефановски, а во изведба на Градскиот театар “Сцена 71” од Свети Николе.
Под режисерската палка на Слободан Елисеев и Александар Миќев , актерската група составена од вкупно 14 актери, на 25 март, вторник во 19 часот на големата сцена во НУЦК “Ацо Ѓорчев” ќе ја изведат премиерата на овој македонскиот трилер пред неготинската публика.
Втората, исто така култна претстава, која претставува вистински сценско-музички перформанс е драмата “Коштана” од српскиот автор Борислав Станковиќ. Истата е една од начесто изведуваните и најпосакуваните претстави на Балканот. Претставата ќе биде изведена од актерска група од 14 актеричленови на аматерскиот театар од Демир Капија. Режијата е на долгогодишниот актер и режисер Димче Бањански, а музиката на Благој Глушков и Горан Костадинов. Среда, 26 март, Центар за култура “Ацо Ѓорчев”.
Последната претстава со која воедно ќе биде затворено овогодинешното издание на фестивалот е комедијата (кабарето) “У кафанче карши станче” во изведба на кумановскиот театар, а истата ќе биде изведена на 27 март во 19 часот во центарот за култура “Ацо Ѓорчев”.
Повеќе...
 
<< Почеток < Пред 191 192 193 194 195 196 197 198 199 200 Следно > Крај >>

Лист 196 од 255