Општина Неготино
Градоначалникот Делков во посета на службите кои се грижат за здравјето и безбедноста на граѓаните PDF Print
There are no translations available.

   Додека најголем дел од граѓаните на општина Неготино вечерва во домовите и во семејна атмосфера ја испраќаат 2020 и ја дочекуваат Новата 2021 година, поради специфичноста на  работните задачи дел од граѓаните се наоѓаат на своите работни места и посветено ги извршуваат своите работни обврски. Како и секоја, така и оваа година во пресрет на доаѓањето на Новата година, градоначалникот на општина Неготино Тони Делков беше во посета на службите кои во новогодишната ноќ се грижат за безбедноста и здравјето на граѓаните на општина Неготино. Тој престојуваше во Одделението за внатрешни работи Неготино и имаше  средба со 15-те припадници на полицијата кои ноќва се грижат за безбедноста на граѓаните, ги посети 6-те дежурните здравствени работници во Итната помош при Здравствениот дом во нашиот град, како и обезбедувањето на зградата на општина Неготино. Градоначалникот Делков на сите им посака оваа вечер да имаат што е можно помалку работни ангажмани, новогодишната ноќ да ја поминат во мирна и релаксирана атмосфера, им ја честиташе Новата година со желби за се најдобро и од име на општина Неготино на сите им врачи пригодни подароци.

 

Read more...
 
Новогодишна честитка од градоначалникот на општина Неготино Тони Делков PDF Print
There are no translations available.

Почитувани сограѓани, ценети пријатели

Празниците се момент за нова надеж и нова верба дека ни претстои подобра и поуспешна година за сите нас и момент кога си посакуваме многу здравје, радост и среќа во годината што доаѓа.

Ја испративме 2020-та година која беше специфична по многу нешта и во која нашето живеење и функционирање беше променето од корен поради присутната пандемија од Ковид 19. Токму затоа, посакувам во Новата 2021 година да им се радуваме на малите нешта што ја чинат големината на животот и да им го посветиме целото наше внимание,  љубов и почит на нашите семејства, на нашите деца, на нашите пријатели.

Јас како градоначалник на општина Неготино од мое лично име и од иметото на локалната самоуправа Ви посакувам пријатно и ведро расположение за време на престојните празници со препорака за строго почитување на пропишаните протоколи и мерки. Овие празнични моменти нека бидат исполнети со најдобри желби за здравје, спокој, оптимизам и разбирање.

Среќни Новогодишни  празници, драги мои сограѓани.

 

 
Апел за одговорно празнување на новогодишните и божикните празници PDF Print
There are no translations available.

   Во пресрет на одбележувањето на новогодишните и божикните празници градоначалникот на општина Неготино Тони Делков апелира оваа година да празнуваме одговорно, во кругот на семејството и најблиските, без масовни групирања, со единствена цел да го заштитиме сопственото и здравјето на нашите најмили, бидејќи секој од нас е одговорен со постапките да не придонесеме за ширење на епидемијата. Токму затоа, потенцира градоначалникот Делков, сите заедно треба да бидеме одговорни и да празнуваме со строго почитување на мерките и препораките од здравствените власти и на тој начин да дадеме заеднички придонес во справувањето со Ковид кризата. Во периодот пред нас до 20-ти јануари следуваат голем број на празници и се апелира истите да се одбележат со почитување на мерките и препораките за спречување на ширењето на корона вирусот.

ДА СЛАВИМЕ ОДГОВОРНО-ЗДРАВЈЕТО ПРЕД СЕ !

 
Се одржа јавна расправа по одлуката за долгорочно задолжување од Светска банка PDF Print
There are no translations available.

   Општина Неготино на 29.12.2020 година ја организираше Јавната расправа за донесување на Одлука за долгорочно задолжување во рамки на вториот проект за подобрување на општинските услуги (втор МСИП) предвидени со компонентата А – општински инвестиции кои се доделуваат на општините како заеми наменети за подобрување на нивото и квалитетот на општинските услуги. Со проектот предвидена е реконструкција на улиците Вељко Влаховиќ, Енгелсова, Пиринска, Првомајска, Тиквешка, Вардарска, Ѓоко Мишев, Вано Ташев и дел од ул. Марксова со проценета инвестициска вредност од 19.893.030 денари. Целта на јавната расправа беше информирање на јавноста за приоритетноста на проектпт и начинот на негово финансирање. На расправата која се одржа во Центарот за култура во Неготино присуствуваа заинтересирани граѓани, претставници на субјекти и на јавни претпријатија, а проектот кој е финансисран со заем од Светска банка беше образложен од страна на претставник од општина Неготино.

 
Усвоен е Буџетот на општина Неготино за 2021 година PDF Print
There are no translations available.

  Советниците во Советот на општина Неготино на последната седница го изгласаа најважниот финансиски документ-Буџетот на општина Неготино за наредната 2021 година. Буџетот за наредната година е проектиран на 391.299.986 денари и истиот е реален и развоен. Во насока на овозможување услови за конструктивно работење, советниците ги изгласаа и Програмите за работа и активности на Одделенијата на локалната самоуправа кои треба да се реализираат во текот на 2021 година.

Read more...
 
До април спортската сала Младост целосно ќе биде ставена во функција PDF Print
There are no translations available.

   Со средства во висина од 6.000.000 денари обезбедени од Буџетот на општина Неготино комплетно ќе се реконструира внатрешноста на спортската сала Младост во нашиот град и се очекува до април, наредната година, салата целосно да биде ставена во функција на користење од спортистите, спортските клубови и рекреативците. За таа цел, денеска градоначалникот на општина Неготино Тони Делков со претставникот на фирмата-изведувач на работите „Нетинвест груп“ го потпишаа договорот за реализација на овој проект со кој ќе се изврши замена на тоалетите, столаријата и се останато во внатрешноста на спортската сала Младост со што истата ќе добие сосема нов лик и како во старите добри времиња ќе им биде ставена на располагање на сите заинтересирани.

 
<< Start < Prev 1 2 3 4 5 6 7 8 9 10 Next > End >>

Page 10 of 269