ЈАВНИ НАБАВКИ

Отворено со Вас

Службен гласник

Beeconomy

Влада на Р.Македонија

Моја - општина

Здружение на К.И на Р.М

  www.zki.org.mk

Народен правобранител

Skopjediem

Општина Неготино
ОПШТИНА НЕГОТИНО СО БЛАГОДАРНИЦА ЗА АЈХАН ЗЕЈТИН PDF Print
There are no translations available.

   Градоначалникот на општина Неготино Ванчо Апостолов го прими во својот кабинет и се задржа во краток разговор со нашиот сонародник Ајхан Зејтин кој над 25 години живее и егзистира во градот Бремен – Германија каде што има основано и семејство. Зејтин е со потекло од неготинското село Тремник, а поводот што беше примен од првиот човек на општината е фактот што тој им укажува комплетно гостопримство, се грижи за нивниот престој во Бремен, им ги покажува убавините на градот и речиси во секој момент им е на располагање на членовите на Културно-уметничките друштва од Неготино кои остваруваат гостувања во Германија претставувајќи го богатото македонско фолклорно творештво. Вратите на домот на Зејтин се отворени за сите добронамерни посетители кои престојуваат во Бремен и сите кои го посетиле имаат само пофални зборови за неговиот однос и гостопримството што им го овозможува. Во знак на благодарност, градоначалникот Апостолов од име на општина Неготино му додели благодарница и скромен подарок – копаница изработена од неготинските копаничари. Наедно, беше договорено за време одржувањето на Неготинскиот панаѓур во Неготино да престојуваат играорци од Бремен и притоа да имаат свој настап пред неготинската публика.

Read more...
 
ОДБЕЛЕЖАНА 12-ГОДИШНИНАТА ОД ЗАГИНУВАЊЕТО НА БРАНИТЕЛОТ ВОЛКАНОВСКИ PDF Print
There are no translations available.

   ,, Твоето дело и храброст никогаш нема да бидат заборавени и засекогаш ќе останат во нашите спомени ,, - му порачаа неговите колеги и сограѓани на бранителот Косте Волкановски од Неготино кој трагично загина во воениот конфликт во 2001 година бранејќи го територијалниот интегритет на Република Македонија. По повод 12- годишнината од загинувањето, на спомен бистата подигната во чест на Волкановски пред Полициската станица во Неготино денеска свежо цвеќе положија членови на неговото потесно семејство, градоначалникот на општина Неготино Ванчо Апостолов и претставници на локалната самоуправа, членови на полицискиот синдикат и резервните воени старешини, претставници на АРМ и други заинтересирани граѓани. Во рамките на одбележувањето на годишнината од загинувањето на Волкановски, изминативе денови беше организирана крводарителска акција, а се одржа и традиционалниот турнир во мал фудбал.

Read more...
 
КОНКУРС ЗА ФИНАНСИРАЊЕ ПРОЕКТИ ОД НАЦИОНАЛЕН ИНТЕРЕС ВО КУЛТУРАТА ЗА 2014 ГОДИНA PDF Print
There are no translations available.

   Министерството за култура, во согласност со Националната стратегија за развој на културата за периодот 2013-2017 година („Службен весник на РМ“ бр. 15/2013) за остварување на националниот интерес во културата, ќе обезбеди средства од Буџетот на Република Македонија за поддршка на проекти од национален интерес во културата.
Проектите пријавени на Конкурсот, за да бидат поддржани од Министерството за култура како проекти од национален интерес за културата на Република Македонија, треба да исполнуваат најмалку еден од општите критериуми и најмалку еден од посебните критериуми по одделни дејности и области во културата во согласност со Правилникот за критериумите за финансирање на програмите, односно проектите по одделни дејности во културата („Службен весник на Република Македонија“ бр. 70/2011). Правилникот ќе биде објавен на веб-локацијата на Министерството за култура (www.kultura.gov.mk).
На Конкурсот може да учествуваат: уметници, самостојни уметници, приватни установи, локални установи, здруженија на граѓани, фондации и други правни и физички лица што вршат дејност од областа на културата во согласност со Законот за културата и со другите позитивни законски прописи во Република Македонија.
Конкурсот е отворен до 7 јули 2013 година.
Повеќе информации и пријави за аплицирање можете да најдете на

http://www.kultura.gov.mk/index.php/konkursi/979-konkurs-za-finansiranje-proekti-od-naciomalen-interes-vo-kulturata-za-2014-godina

 
АСФАЛТИРАН И УРЕДЕН ЦЕНТАРОТ ВО ВОЈШАНЦИ, НЕГОТИНО PDF Print
There are no translations available.

   Во период од 3 месеци работници на ГП Урбан инвест извршија комплетно уредување на централното подрачје во неготинското село Војшанци, а работите финишираа со асфалтирање на целиот простор на кој се изведуваа градежни работи. На реализацијата на финалните активности присуствуваше и градоначалалникот на општина Неготино Ванчо Апостолов кој не го криеше задоволството од добро завршената работа и кој информираше дека целокупното спроведување на проектот чинеше околу 5.000.000 денари- средства обезбедени од Буџетот на општина Неготино. Директорот на градежната оператива Симон Ѓорески истакна дека е асфалтирана вкупна површина од 1.800 м2 при што се опфатени неколку улици во центарот на селото, поставени се улични бетонски рабници во должина од 600 метри, на постоечките тротоари се поставени бекатон коцки на површина од 850 м2, а на иницијативата на месното население извршена е санација на постоечкиот бунар. Со завршувањето на уредувањето, централното подрачје во Војшанци доби сосема нов и модерен изглед и во иднина повеќе од сигурно ќе претставува место каде што жителите во одмор и релаксација ќе можат да минуваат дел од слободното време, а за таа цел градоначалникот Апостолов најави поставување на клупи, осветлување на просторот и негово хортикултурно уредување.

Read more...
 
АРХЕОЛОШКИ ИСТРАЖУВАЊА НА ТРИ ЛОКАЛИТЕТИ ВО ТРЕМНИК, НЕГОТИНО PDF Print
There are no translations available.

   Претставници на Музејот на Македонија и градскиот музеј на Неготино, професори  и студенти од Филозовскиот факултет-отсек археологија и десттина локални жители од половината на минатиот месец се ангажирани околу истражувањата кои се вршат на локалитети на територијата на општина Неготино. Според зборовите на раководителите на проектот Антониот Јакимовски и Марјан Јованов истражувачките работи се одвиваат на три локалитети и тоа Мали дол, Чаир рид и Јака чешма, што само потврдува дека општина Неготино, а посебно атарот на селото Тремник располагаат со огромно археолошко богатство што претставува предизвик за истражување од страна на стручната јавност. Посебно атрактивен е локалитетот Јака чешма каде што е откриено постоење на римски водовод што според археолозите докажува дека на овој простор во минатото егзистирала елитна и многубројна населба. Истражувањата се очекува да се одвиваат и во периодот од наредните два месеца, а целокупните активности се финансирани со средства од Министерството за култура и локалната самоуправа Неготино. Овој археолошки локалитет го посети градоначалникот на општина Неготино Ванчо Апостолов кој се интересираше и доби релевантни информации за досегашниот тек од истражувањата и плановите за во иднина.

Read more...
 
ЗАВРШИ ГРАДСКОТО ПРВЕНСТВО НА НЕГОТИНО ВО ШАХ PDF Print
There are no translations available.

   Изминативе денови во просториите на Туристичкиот-инфорнмативен центар во организација на локалната самоуправа и Градскиот шаховски клуб по втор пат се одржа отвореното градско првенство на Неготино во шах на кое се натпреваруваа вкупно 26 учесници. По одигрувањето на натпреварите по Швајцарски систем, во исклучително силна и остра конкуренција првото место го освои Иле Ѓорѓиев, второпласирана беше Емилија Ларачеа, третото место му припадна на Санде Атанасов, четрвти беше Тони Лазов, додека напетто место се пласираше Душко Јанев. Наградниот фонд на турнирот изнесуваше 17.000 денари- средства кои на учесниците им беа распределени во  зависност од остварениот пласман. Наградите на најуспешните им ги додели покровителот на турнирот – градоначалникот на општина Неготино Ванчо Апостолов кој најави дека со оглед на континуираното зголемување на бројот на пријавените учесници и квалитетот на прикажаните игри, повеќе од сигурно е дека и наредната година Градското првенство на Неготино во шах повторно ќе биде организирано од страна на локалната самоуправа.

Read more...
 
<< Start < Prev 121 122 123 124 125 126 127 128 129 130 Next > End >>

Page 127 of 170