Општина Неготино
КРЕДИТНО ЗАДОЛЖУВАЊЕ ЗА РЕКОНСТРУКЦИЈА НА ВОДОВОДНАТА МРЕЖА PDF Печати

  Советот на општина Неготино донесе одлука за издавање гаранција на обврските на ЈКП ,, Комуналец ,, за негово кредитно задолжување кај Република Македонија за финансирање на проектот ,, Водовод и канализација на општините ,,. Станува збор за одлука со која се гарантираат сите плаќања на ,, Комуналец ,, кои произлегуваат од договорот за заем за користење на финансиски средства обезбеден од Кредитната банка за обнова – KFW за финансирање на проект со кој се очекува подобрување на состојбата со водоводната и канализационата мрежа во неготинска општина.

Повеќе...
 
ЗДРУЖЕНИЕТО ,, СТАРИ ЗАНАЕТИ ,, СО НОВ ПРОЕКТ PDF Печати
  Во организација на Здружението ,, Стари занаети ,, со финансиска поддршка од УСАИД, Американскиот мировен корпус, општина Неготино и самото Здружение, започна реализацијата на нов проект кој има за цел преку изработка на дела да се презентираат сопствениот талент и способности, а паралелно да се пребаруваат ментори, инструктори и вајари од ликовната уметност за креирање нови врски за остварување на идна соработка. Во спроведувањето на проектот се вклучени 8 претставници на Здружението заедно со доброволката на Американскиот мировен корпус Трејси Спаркс кои ќе се обидат да изградат меѓусебна доверба да експериментираат со нови композиции, да истражуваат 3Д функционални и стилски скулптури и истите да ги издлабат на различни видови дрво.
Повеќе...
 
ФРАНЦУСКИОТ АМБАСАДОР ВО ПОСЕТА НА НЕГОТИНО PDF Печати

  Делегација на Амбасадата на Република Франција во Република Македонија предводена од неговата Екселенција – амбасадорот Жан Клод Шламберже престојуваше во еднодневна работна посета на општина Неготино. Високиот гостин најнапред оствари средба со градоначалникот на општина Неготино Пане Трајков од кого беше информиран за личната карта на општината, тековните активности во локалната самоуправа, расположивите стопански капацитети и слично. Амбасадорот Шламберже истакна дека ова е негова втора посета на нашата општина и дека секогаш кога доаѓа, се чувствува пријатно во нашиот град.

Повеќе...
 
Меѓуопштинска соработка Неготино - Демир Капија PDF Печати

   Започна реализација на проектот „Меѓуопштинска база на податоци за управување со животната средина и мониторинг, абдејтување и печатење на ажуриран ЛЕАП за општините Неготино и Демир Капија„
Согласно повикот за аплицирање на проектите од програмата за меѓуопштинска соработка- МОЦ на УНДП, општините Неготино и Демир Капија преку оделението за развој на општина Неготино на 15 Септември2010 година аплицира со проектот „ Меѓуопштинска база на податоци за управување со животната средина и мониторинг, абдејтување и печатење на ажуриран ЛЕАП за општините Неготино и Демир Капија„. Проектот е во делот на животната средина и истиот е одобрен од УНДП. Договорот за отпочнување на проектот го потпишаа градоначалниците на двете општини на 15 октомври 2010. Согласно овој договор од донаторот УНДП обезбедени се 500.000 денари кои ке се користат за спроведување на проектните активности за двете општини во две фази.
Исто така во рамките на проектот двете општини прифатија да учествуваат со 35.950 денари во добра и услуги и по 17.000 денари финансиски средства.

Повеќе...
 
ПРЕДАДЕН ВО УПОТРЕБА ПАТОТ НЕГОТИНО – КУРИЈА PDF Печати
   Премиерот на Владата на РМ Никола Груевски, директорката на Агенцијата за државни патишта Наташа Валкановска и градоначалникот на општина Неготино Пане Трајков на пригодна свеченост во употреба го предоа половина од реконструираниот патен правец од Неготино до с.Курија – еден од најфрекфрентните патни правци на подрачјето на општината. Пресметковната вредност на работите изнесува 18 милиони денари, реконструирани се 3,5 километри од патот, а проектот е реализиран со средства што Владата на РМ ги обезбеди преку Светската банка во рамките на имплементацијата на проектот за реконструкција и рехабилитација на локалната патна мрежа.
Повеќе...
 
ПРЕДАДЕН ВО УПОТРЕБА ПАТОТ ОД НЕГОТИНО ДО ТИМЈАНИК PDF Печати
  Директорката на Агенцијата за државни патишта Наташа Валкановска и градоначалникот на општина Неготино Пане Трајков со симболичниот чин на сечење на лента во употреба го предадоа комплетно реконструираниот патен правец од Неготино до Тимјаник – проект реализиран во рамките на наспорите за подобрување на патната инфраструктура на подрачјето на општината. Потребните средства во висина од околу 5 милиони денари се обезбедија од Агенцијата за државни патишта и од општинскиот буџет.  
Повеќе...
 
<< Почеток < Пред 121 122 123 124 125 126 127 128 129 130 Следно > Крај >>

Лист 127 од 137